ماہی پروری، مویشی پروری اور دودھ کی پیداوار کے مرکزی وزیر مملکت جناب جارج کورین نے 19 مارچ 2025 کو راجیہ سبھا میں ایک تحریری جواب میں بتایا کہ محکمہ ماہی پروری (ڈی او ایف)، ماہی پروری، حیوانات اور دودھ کی پیداوار کی وزارت (ایم او ایف اے ایچ اینڈ ڈی)، حکومت ہند تمام ریاستوں اور مرکز کے زیر انتظام علاقوں بشمول اڈیشہ میں 21-2020 سے 25-2024 تک پانچ سالوں کے لیے پردھان منتری متسیہ سمپدا یوجنا (پی ایم ایم ایس وائی) نافذ کر رہی ہے۔ ڈی او ایف، ایم او ایف اے ایچ اینڈ ڈی، پی ایم ایم ایس وائی کے تحت حکومت ہند نے حکومت اوڈیشہ سے 1264.23 کروڑ روپے کی لاگت سے موصول ہونے والی تجاویز کو منظوری دی ہے جس میں گزشتہ چار سالوں کے دوران اور موجودہ مالی سال میں 510.94 کروڑ روپے کا مرکزی حصہ ہے۔ اس میں سے، ریاستی حکومت کی طرف سے پیش کردہ استعمال کی رپورٹوں کی بنیاد پر اب تک حکومت اڈیشہ کو مرکزی حصہ کے 271.17 کروڑ روپے جاری کیے گئے ہیں۔

حکومت ہند کی طرف سے نوٹیفائی کی گئی میرین فشریز پر قومی پالیسی 2017، پائیداری کو یقینی بنانے کے لیے ماہی گیری کے وسائل کے تحفظ اور بہترین استعمال کے رہنما اصول فراہم کرتی ہے۔ محکمہ ماہی پروری، حکومت ہند کے خصوصی اقتصادی زون میں مشرقی اور مغربی ساحل کے ساتھ ساتھ ماہی گیری پر پابندی کا نفاذ کر رہا ہے تاکہ تجارتی مچھلیوں کی نسلوں کی افزائش کے بڑے موسم کے دوران ماہی گیری کو برقرار رکھنے کے لیے کامیاب انڈوں اور مضبوط بھرتی کو یقینی بنایا جا سکے۔ اڈیشہ کے ساحل سمیت مشرقی ساحل پر ماہی گیری پر پابندی ہر سال 15 اپریل سے 15 جون تک لاگو ہوتی ہے۔ حکومت اڈیشہ، اڑیسہ میرین فشریز ریگولیشن ایکٹ، 1981 کے ذریعے، ریاست کے علاقائی پانیوں میں ماہی گیری کی سرگرمیوں کو بھی کنٹرول کرتی ہے تاکہ اڈیشہ کے ساحل پر ماہی گیری کے پائیدار انتظام میں مدد مل سکے۔ اس کے علاوہ، حکومت ہند نے خصوصی اقتصادی زون کے اندر مچھلی پکڑنے کے لیے نقصان دہ ماہی گیری کے طریقوں، جیسے کہ جوڑا یا بیل ٹرالنگ، اور ایل ای ڈی یا مصنوعی روشنیوں کے استعمال پر پابندی لگا دی ہے۔

محکمہ ماہی پروری، حکومت ہندنے کولڈ سٹوریجز اور آئس پلانٹس کے 38 یونٹس، مچھلی کی مارکیٹنگ کی سہولیات کے 1125 یونٹس بشمول فش کیوسک، لائیو فش وینڈنگ سینٹرز، انسولیٹڈ گاڑیاں، ریفریجریٹڈ گاڑیاں، آئس باکس کے ساتھ تھری وہیلر اور آئس باکس والی موٹر سائیکلوں کی منظوری دی ہے۔ اڈیشہ کے بالاسور اور خوردہ اضلاع میں پروسیسنگ کی سہولیات کے حامل دو جدید ترین تھوک مچھلی بازاروں کو بھی منظوری دی گئی ہے۔ اڈیشہ سے مچھلی کی پیداوار اور برآمد کو بڑھانے کے لیے پی ایم ایم ایس وائی کے تحت کھارے پانی اور تازہ پانی کی آبی زراعت کے لیے نئے تالابوں کی تعمیر، ری سرکولیٹری ایکوا کلچر سسٹم (آر اے ایس)، بائیو فلوک اور ریزروائر کیج کلچر جیسی سرگرمیوں کو بھی منظوری دی گئی ہے۔ اس کے علاوہ، محکمہ ماہی پروری، حکومت ہندنے حال ہی میں اڈیشہ کے بالاسور، بھدرک، اور میور بھنج اضلاع میں سکیمپی پروڈکشن اور پروسیسنگ کلسٹر کی ترقی کونوٹیفائی کیا ہے۔

پی ایم ایم ایس وائی کے تحت محکمہ ماہی پروری، حکومت ہندنے 179.90 کروڑ روپے کی لاگت سے استارنگا، پوری میں ماہی گیری کی بندرگاہ کی تعمیر کے لیے حکومت اڈیشہ کی تجاویز کو منظوری دے دی ہے۔ مزید یہ کہ پارا دیپ پورٹ ٹرسٹ کی 108.91 کروڑ روپے کی لاگت سے پارا دیپ ماہی گیری بندرگاہ کی جدید کاری اور اپ گریڈیشن کی تجویز کو محکمہ ماہی پروری، حکومت ہندنے پی ایم ایم ایس وائی کے تحت 100فیصد مرکزی حصہ کے ساتھ منظور کیا ہے۔

***********

UR-8508

(ش ح۔ع  و۔ش ہ ب)