اندور سوچھ بھارت مشن-اربن کے تحت پبلک پرائیویٹ پارٹنرشپ (پی پی پی) ماڈل کے ذریعے ملک کے پہلے گرین ویسٹ پروسیسنگ پلانٹ کے آغاز کے ساتھ ایک اہم سنگ میل حاصل کرنے کے لیے تیار ہے۔

اندور سوچھ بھارت مشن-اربن کے تحت  ہندوستان کے پہلے پی پی پی ماڈل پر مبنی سبز فضلہ پروسیسنگ پلانٹ کے آغاز کے ساتھ ماحولیاتی پائیداری کی طرف ایک اہم قدم اٹھانے کے لیے تیار ہے۔ اس اہم اقدام کا مقصد سبز فضلے کو قیمتی وسائل میں تبدیل کرکے شہر کے فضلہ کے انتظام کے نظام میں انقلاب لانا ہے۔ یہ پروجیکٹ شہری کچرے کے چیلنجوں سے نمٹنے میں جدت اور پائیداری کے لیے شہر کے عزم کو اجاگر کرتا ہے۔

یہ سہولت نہ صرف سبز فضلے پر کارروائی کرے گی بلکہ آمدنی بھی پیدا کرے گی، جس کے ساتھ اندور میونسپل کارپوریشن (آئی ایم سی) کو لکڑی اور شاخوں کی فراہمی کے لیے فی ٹن رائلٹی کے طور پر تقریباً 3,000 روپے حاصل ہوں گے۔ بیچولی ہاپسی میں 55,000 مربع فٹ اراضی پر بنایا گیا یہ پلانٹ لکڑی اور شاخوں کو ری-سائیکل کر کے لکڑی کے چھرے تیار کرے گا، جو کوئلہ کے متبادل کے طور پر کام کرے گا اور توانائی کے تحفظ کو فروغ دے گا۔

بڑے درختوں کی شاخوں کو سٹی فاریسٹ کے گرین ویسٹ پروسیسنگ پلانٹ میں بھیجا جائے گا جہاں انہیں قیمتی مصنوعات میں تبدیل کیا جائے گا۔ مزید یہ کہ پریمیئر اداروں کے احاطے سے پیدا ہونے والا سبز فضلہ براہ راست اکٹھا کیا جائے گا اور مقررہ چارج کے لیے پلانٹ کو بھیجا جائے گا۔ ہر روز، اندور جیسا مصروف شہر تقریباً 30 ٹن سبز فضلہ پیدا کرتا ہے - لکڑی، شاخیں، پتے اور پھول۔ جیسے جیسے موسم بدلتے ہیں، خاص طور پر موسم خزاں کے دوران، یہ مقدار 60 سے 70 ٹن تک بڑھ سکتی ہے۔

اندور میونسپل کارپوریشن کے ساتھ شراکت داری ایسٹرونومیکل انڈسٹریز پرائیویٹ لمٹیڈ نے شہر کے سبز فضلے کو ایک پائیدار اور قیمتی شے میں تبدیل کرنے کے لیے ایک پرجوش پہل کی ہے - ایک عمدہ شیونگ جو مختلف صنعتوں میں استعمال کی جا سکتی ہے۔ ایک تفصیلی منصوبے کے ساتھ، خیال یہ ہے کہ سبز فضلے کو تین سے چار ماہ کے عرصے میں خشک کیا جائے۔ اس  مدت  کے دوران، نمی کا مواد 90 فیصد کم ہو جائے گا، جس سے مواد اگلے مرحلے کے لیے تیار ہو جائے گا۔ جیسے جیسے مہینے گزرتے جائیں گے سبز فضلہ، ایک بار نم ہو جائے گا، ہلکا اور ٹوٹنے والا ہو جائے گا، اور تب یہ تقریباً تبدیلی کے لیے تیار ہے۔ اس کے بعد جدید ترین مشینیں اسے دھول کے باریک ذرات میں توڑنے میں مدد کریں گی۔ جو کبھی لمبر ملز کا ایک سادہ سا ضمنی پروڈکٹ تھا اب وہ ایک پائیدار سرکلر معیشت میں حصہ ڈال رہا ہے۔

چورا کو ماحول دوست ایندھن میں تبدیل کیا جا سکتا ہے، جو جلانے کے روایتی طریقوں کا صاف متبادل فراہم کرتا ہے۔ پلاسٹک کی ضرورت کو کم کرتے ہوئے اسے پائیدار پیکنگ مواد بنانے کے لیے استعمال کیا جا سکتا ہے۔ فرنیچر بنانے والے اسے ایک جامع مواد کے طور پر مفید سمجھتے ہیں جو کرسیوں اور میزوں جیسی مصنوعات میں طاقت بڑھاتا ہے۔ چورا سے بنی کھادیں مٹی کو افزودہ کرتی ہیں، کسانوں کو بہتر فصل اگانے میں مدد کرتی ہیں اور کھانے کی صنعت میں چورا کو ڈسپوزیبل پلیٹوں میں ڈھالا جا سکتا ہے، جو پلاسٹک اور اسٹائروفوم کا بایوڈیگریڈیبل متبادل فراہم کرتا ہے۔

سوچھ بھارت مشن کے تحت آئی ایم سی پلانٹ تک زمین اور سبز فضلہ فراہم کرنے اور منتقل کرنے میں اہم کردار ادا کرے گا۔ دریں اثنا، نجی کمپنی باقی بنیادی ڈھانچے کو قائم کرنے کی ذمہ داری لے گی، جس میں شیڈ، بجلی اور پانی کی سہولیات شامل ہیں۔ پرائیویٹ فرم پلانٹ کی مکمل تنصیب اور آپریشن کی نگرانی بھی کرے گی اور اس کے شروع سے آخر تک ہموار کام کو یقینی بنائے گی۔

دیگر نجی فرموں نے سرپور میں 10,000 سے 15,000 مربع فٹ کے رقبہ پر پھیلے ہوئے میگھ دوت اور ذیلی درجے کے پلانٹ لگائے ہیں۔ یہ سہولیات میونسپل کارپوریشن سے حاصل کردہ پتے اور چھوٹی ٹہنیوں جیسے باغ کے فضلے کی پروسیسنگ کے لیے وقف ہیں۔ اس اقدام کے ایک حصے کے طور پر میونسپل باغات میں واقع خاص طور پر بنائے گئے کھاد کے گڑھوں میں بھی کھاد تیار کی جا رہی ہے جس سے فضلہ کے انتظام کی کوششوں کو مزید تقویت ملتی ہے۔ سبز فضلے سے تیار کردہ لکڑی کا چورا مختلف صنعتوں میں استعمال ہوتا ہے،  جس میں  نیشنل تھرمل پاور کارپوریشن ( این ٹی پی سی)، جہاں وہ توانائی کی پیداوار اور دیگر ایپلی کیشنز کے لیے ماحول دوست متبادل کے طور پر کام کرتے ہیں۔

اس اقدام کا مقصد سبز فضلے کا مؤثر طریقے سے انتظام کرنا، ماحولیاتی استحکام کو فروغ دینا اور میونسپل کارپوریشن کے لیے اضافی آمدنی کے ذرائع پیدا کرنا ہے۔ یہ ہوا کے معیار کے انڈیکس کو کنٹرول کرنے میں بھی اہم کردار ادا کرتا ہے۔ فضلہ کے انتظام کے طریقوں کو بہتر بنا کر یہ اقدام صفائی میں اضافہ کرے گا، آلودگی کو کم کرے گا اور فضلہ کو غیر ضروری جلانے پر روک لگائے گا اس طرح صاف اور صحت مند ماحول میں یہ اپنا  حصہ ڈالے گا۔

یہ منصوبہ کوئلے کا متبادل ذریعہ بھی فراہم کرے گا، جو صفائی اور ماحولیاتی تحفظ کے لیے ایک موثر حل فراہم کرتے ہوئے ہوا کے معیار کے انڈیکس کنٹرول میں معاون ثابت ہوگا۔ یہ پہل سوچھ بھارت مشن – اربن کے تحت کچرے سے پاک شہروں کے وژن کے مطابق ہے، جو صاف ستھرے، سرسبز اور زیادہ پائیدار شہری ماحول کی جانب کوششوں کو آگے بڑھاتا ہے۔

 *******

ش ح۔ ظ ا

UR No.8432

(Release ID: 2112551) Visitor Counter : 14