இந்தியப் பெருங்கடல் பிராந்தியத்தில் உள்ள நட்பு நாடுகளுக்கு இடையே கடலோரக் காவல் படையின் திறனை அதிகரிக்கும் வகையில் இந்திய கடலோர காவல்படையின் ரோந்து கப்பலான சாக்ஷசம் திறன் மேம்பாட்டு பயிற்சியை மேற்கொள்வதற்காக மார்ச் 18-ல் மடகாஸ்கரின் அண்ட்சிரனானா  துறைமுகத்திற்கு பயணம் மேற்கொண்டது. இந்தப் பயணத்தின் போது இந்தியக் கடலோரக் காவல் படைக்குச் சொந்தமான கப்பல் மடகாஸ்கர் கடலோர காவல்படையுடன் கூட்டுப் பயிற்சியில் ஈடுபடுகிறது. இந்தப் பயிற்சியில் கடல் மாசுபாட்டுக்கு தீர்வு காண்பது, கடல்சார் தேடுதல் நடவடிக்கைகள், மீட்பு நடவடிக்கைகள் மற்றும் கடல்சார் சட்ட விதிகளின் அமலாக்கம் ஆகியவற்றில் கவனம் செலுத்தப்படும். இந்தப் பயிற்சியில் பரஸ்பரம் கலாச்சார நிகழ்ச்சிகளும் நட்பு ரீதியிலான விளையாட்டுப் போட்டிகளும் அடங்கும். இதன் மூலம் இருநாட:டு கடலோரக் காவல் படைகளுக்கும் இடையிலான நல்லுறவு மேலும் வலுவடையும். 

சுற்றுச்சூழல் அவசரநிலைகளுக்கு மடகாஸ்கரின் தயார் நிலையை மேம்படுத்துவதற்காக எண்ணெய் கசிவு, ரசாயன கசிவு மற்றும் கடல் மாசுபாடு போன்ற இடர்பாடுகளைக் கையாள்வதில் கவனம் செலுத்தப்படும். கூடுதலாக, கப்பலில் உள்ள 10 தேசிய மாணவர் படை மாணவர்கள் 10 அசாம் ரைபிள்ஸ் படை வீரர்கள் உள்நாட்டு இளையோர் அமைப்புடன் இணைந்து கடற்கரை துப்புரவப் பணிகள் மற்றும் விழிப்புணர்வு  திட்டங்களில் பங்கேற்று, கடல்சார் பாதுகாப்பின் முக்கியத்துவத்தை வலியுறுத்துவர்.

*****

TS/SV/KPG/DL

(Release ID: 2112538) Visitor Counter : 27