नवी दिल्ली, 18 मार्च 2025

भारतीय निवडणूक आयोगाने, मुख्य निवडणूक आयुक्त ज्ञानेश कुमार यांच्या नेतृत्वाखाली निवडणूक आयुक्त डॉ सुखबीर सिंह संधू आणि डॉ विवेक जोशी  यांच्या समवेत  आज नवी दिल्लीतील निर्वाचन सदन येथे केंद्रीय गृह सचिव, सचिव विधिमंडळ विभाग, इलेक्ट्रॉनिक्स आणि माहिती तंत्रज्ञान(MEITY) सचिव आणि मुख्य कार्यकारी अधिकारी, यूआयडीएआय आणि निवडणूक आयोगाच्या तांत्रिक तज्ञांसोबत बैठक आयोजित केली.

भारतीय राज्यघटनेच्या कलम 326 नुसार  केवळ भारतीय नागरिकांनाच मतदानाचा अधिकार दिला जाऊ शकतो, आधार कार्ड केवळ व्यक्तीची ओळख प्रस्थापित करते. म्हणूनच ईपीआयसी सोबत आधारची  जोडणी राज्यघटनेच्या कलम 326, लोकप्रतिनिधी कायदा 1950 चे कलम 23(4), 23(5) आणि 23(6)च्या तरतुदी  आणि सर्वोच्च न्यायालयाने WP (civil) No. 177/2023 मध्ये दिलेल्या निकालाला अनुसरून करण्यात येईल, असा निर्णय घेण्यात आला.

त्यानुसार यूआयडीएआय आणि निवडणूक आयोगाच्या तांत्रिक तज्ञांमध्ये लवकरच चर्चा सुरू होणार आहे.  

N.Chitale/S.Patil/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com