شماریات اور پروگرام کے نفاذ کی وزارت(ایم او ایس پی آئی)  20 مارچ-2025 کو وگیان بھون، نئی دہلی میں سرکاری اعداد و شمار کے شعبے کے لیے غیر روایتی ڈیٹا کے ذرائع سے فائدہ اٹھانے پر ایک ذہن سازی کا سیشن کا اہتمام کر رہی ہے۔ اس سیشن کا مقصد مردم شماری، سروے اور انتظامی ریکارڈ کے ذریعے حاصل کردہ روایتی ڈیٹا کے ساتھ ساتھ غیر روایتی ڈیٹا کو استعمال کرنے کے طریقوں اور ذرائع پر تبادلہ خیال کرنا ہے۔

ٹیکنالوجی میں تیز رفتار ترقی نے غیر روایتی ڈیٹا ذرائع کو جنم دیا ہے، جو ڈیٹا پر مبنی فیصلہ سازی کے نئے مواقع فراہم کرتے ہیں۔ غیر روایتی ڈیٹا ذرائع زمینی مشاہدات (سیٹیلائٹ امیجز)؛ موبائل ٹیلی کمیونیکیشنز (کال ریکارڈز)؛ سوشل نیٹ ورکس (جذبات کا تجزیہ) اور شہریوں سے تیار کردہ ڈیٹا (سول سوسائٹی ڈیٹا) سے آتا ہے۔ اس میں سے کچھ کو بڑا ڈیٹا سمجھا جاتا ہے اور غیر ساختہ معلومات کی اس بڑی مقدار کا تجزیہ کرنے کے لیے نئی صلاحیتوں کی ضرورت ہے۔ اعداد و شمار کے غیر روایتی ذرائع شماریاتی شعبے کے پاس دستیاب موجودہ سرکاری اعداد و شمار کی تکمیل کا ایک موقع بن جاتے ہیں۔

حالیہ برسوں میں ان دو قسم کے ذرائع، روایتی اور غیر روایتی سے حاصل کردہ ڈیٹا کے بہتر انضمام کی ضرورت ہے۔ مختلف ممالک میں شماریاتی اداروں کے اندر اس بارے میں بات چیت ہوتی ہے کہ اس وقت سرکاری اعداد و شمار کا مطالعہ کیا جا رہا ہے اور ان مطالعات کے لیے کس قسم کے ڈیٹا کا استعمال کیا جا رہا ہے۔ لہذا، متعلقہ اسٹیک ہولڈرز کو ایک پلیٹ فارم پر لانے اور سرکاری اعداد و شمار کے شعبے میں غیر روایتی ڈیٹا کو روایتی ڈیٹا کے ساتھ مربوط کرنے کے لیے موزوں فریم ورک اور نظام پر غور کرنے کا یہ اچھا وقت ہے۔

یہ پروگرام  ڈومین ماہرین، پالیسی سازوں، ڈیٹا سائنسدانوں اور شماریات کے ماہرین کو اکٹھا کر رہا ہے تاکہ روایتی ڈیٹا کے ساتھ متبادل ڈیٹا کے ذرائع کو پورا کرنے کے مواقع، چیلنجز اور پالیسیوں پر تبادلہ خیال کیا جا سکے جس سے سرکاری اعداد و شمار کے شعبے کے دائرہ کار، درستگی اور وقت کی پابندی کو بڑھانے کی امید ہے۔ تکنیکی سیشن میں پینلسٹ مختلف ابھرتے ہوئے ڈیٹا کے ذرائع، ان کی خصوصیات — ساختی اور لین دین کی خصوصیات، اور روایتی ڈیٹا سیٹس کے ساتھ ان کے انضمام کے امکان پر گہرائی سے بحث کریں گے۔

اس مباحثہ سیشن میں کلیدی خطاب مسٹر کرس گوپال کرشنن کریں گے، جو انفوسس کے شریک بانیوں میں سے ایک ہیں۔ انہیں ایک عالمی کاروباری اور ٹیکنالوجی سوچ کے رہنما کے طور پر شمار کیا جاتا ہے۔ مسٹر گوپال کرشنن اوکیناوا انسٹی ٹیوٹ آف سائنس اینڈ ٹیکنالوجی (او آئی ایس ٹی) کے بورڈ آف گورنرز، آئی آئی ایس سی بنگلور کی کونسل کے چیئرمین اورآئی آئی آئی ٹی بنگلور کے بورڈ آف گورنرز کے چیئرمین ہیں۔

ان کے علاوہ، مذکورہ سیشن سے جنوبی ایشیا کے علاقائی چیف اکانومسٹ مسٹر رانا حسن، ایشیائی ترقیاتی بینک (اے ڈی بی)، مسٹر شومبی شارپ، اقوام متحدہ کے ریزیڈنٹ کوآرڈی نیٹر (یو این آر سی) اور ڈاکٹر سوربھ گرگ، سکریٹری، وزارت شماریات اور پروگرام کے نفاذ سے خطاب کریں گے۔

ٹیکنیکل سیشنز میں پینلسٹ اقوام متحدہ کی ایجنسیوں، حکومتوں اور نجی اداروں کے نمائندے ہوتے ہیں۔ ان میں سروے آف انڈیا (شعبہ سائنس اور ٹیکنالوجی)، نیشنل ریموٹ سینسنگ سینٹر (این آر ایس سی: ڈپارٹمنٹ آف اسپیس)، یو آئی ڈی اے آئی (الیکٹرانکس اور انفارمیشن ٹیکنالوجی کی وزارت)، آئی آئی ٹی کانپور، ورلڈ بینک، آئی ڈی انسائٹ، جی ڈی آئی اور گریٹ لیکس انسٹی ٹیوٹ آف مینجمنٹ وغیرہ شامل ہیں۔

اس تقریب میں مرکزی وزارتوں/محکموں، اقوام متحدہ کی ایجنسیوں، گائیڈنس بورڈز، آزاد تنظیموں اور یونیورسٹیوں اور تحقیقی اداروں کے نمائندوں کی شرکت متوقع ہے۔

مذکورہ سیشن کا نتیجہ غیر روایتی ڈیٹا ذرائع کے بہتر استعمال کے طریق کار کو سمجھنے میں مددگار ثابت ہوگا۔ اس کے علاوہ، یہ روایتی اور غیر روایتی ذرائع سے تیار کردہ ڈیٹا کے انضمام کے لیے ایک ادارہ جاتی  میکانزم تیار کرنے میں بھی مدد کرے گا۔

 *******

ش ح۔ ظ ا

UR No.8429

(Release ID: 2112474) Visitor Counter : 20