மக்கள் தொகை கணக்கெடுப்புகள், நிர்வாகப் பதிவுகள் மூலம் உருவாக்கப்பட்ட வழக்கமான தரவுகளுடன் மரபுசாரா தரவுகளைப் பயன்படுத்துவதற்கான வழிகள் மற்றும் வழிமுறைகள் குறித்து புதிய ஆலோசனைகளை வழங்கும் சிந்தனை அமர்வு கூட்டம் வரும் 20 ஆம் தேதி புதுதில்லியில் உள்ள விஞ்ஞான் பவனில் நடைபெறுகிறது.

மரபு சாரா தரவுகள் பயன்பாட்டிற்கான புதிய வாய்ப்புகளைத் தொழில்நுட்ப முன்னேற்றங்கள் வழங்குகின்றன. செயற்கைக்கோள் மூலம் கண்காணிப்பு கைபேசி அழைப்புப் பதிவுகள், சமூக வலைதளப் பயன்பாடுகள் மற்றும் பொது சமூகத் தரவுகள் உள்ளிட்டவை மரபுசாரா தரவுகளுக்கு ஆதாரங்களாக உள்ளன.

புதுதில்லியில் நடைபெறும் இந்த ஆலோசனைக் குழுக் கூட்டத்தில் கள வல்லுநர்கள், கொள்கை வகுப்பாளர்கள், தரவு விஞ்ஞானிகள் மற்றும் புள்ளியியல் வல்லுநர்கள் பங்கேற்கின்றனர். மாற்று தரவு மூலங்களை வழக்கமான தரவுகளுடன் கூடுதலாக வழங்குவதற்கான வாய்ப்புகள், சவால்கள் மற்றும் உத்திகளைப்  குறித்து அவர்கள் விவாதிக்கின்றனர்.

இந்த நிகழ்வில் மத்திய அமைச்சகங்கள் / துறைகள், ஐ.நா. நிறுவனங்கள், சிந்தனைக் குழுக்கள், தன்னாட்சி அமைப்புகள், பல்கலைக்கழகங்கள் மற்றும் ஆராய்ச்சி நிறுவனங்களின் பிரதிநிதிகள் பங்கேற்கின்றனர்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleseDetail.aspx?PRID=2112154

***

TS/GK/AG/KR

(Release ID: 2112258) Visitor Counter : 20