حکومت ہند ملک کے تمام دیہی گھرانوں کو مناسب مقدار میں، مقررہ معیار کی اور مستقل اور طویل مدتی بنیادوں پر محفوظ اور پینے کے قابل نل کے پانی کی فراہمی کے لیے پرعزم ہے۔ اس مقصد کے لیے، حکومت ہند نے جل جیون مشن (جے جے ایم) کا آغاز کیا، جسے ریاستوں کے ساتھ شراکت میں لاگو کیا جائے گا، اگست 2019 میں پینے کا پانی ایک ریاستی موضوع تھا، اور اس لیے، پینے کے پانی کی فراہمی کی اسکیموں کی منصوبہ بندی، منظوری، عمل درآمد، آپریشن اور دیکھ بھال کی ذمہ داری، بشمول جل جیون مشن کے تحت ریاستی حکومت اور یو ٹی کے پاس ہے۔ حکومت ہند ریاستوں کو تکنیکی اور مالی مدد فراہم کرکے مدد کرتی ہے۔

دیہی گھرانوں تک نل کے پانی تک رسائی کو بڑھانے کی سمت میں جل جیون مشن کے آغاز کے بعد سے ملک میں نمایاں پیش رفت ہوئی ہے۔ اگست 2019 میں جل جیون مشن کے آغاز پر، صرف 3.23 کروڑ (16.71فیصد ) دیہی گھرانوں کے پاس نل کے پانی کے کنکشن ہونے کی اطلاع تھی۔ اب تک، جیسا کہ ریاستوں اور مرکز کے زیر انتظام علاقوں کی طرف سے 12.03.2025 تک اطلاع دی گئی ہے، تقریباً 12.28 کروڑ اضافی دیہی گھرانوں کو جے جے ایم کے تحت نلکے پانی کے کنکشن فراہم کیے گئے ہیں۔ اس طرح، 12.03.2025 تک، ملک کے 19.36 کروڑ دیہی گھرانوں میں سے، 15.52 کروڑ (80.15فیصد ) سے زیادہ گھرانوں کے گھروں میں نل کے پانی کی فراہمی کی اطلاع ہے۔ دیہی گھرانوں کی تعداد اور فیصد جنہیں ملک میں جل جیون مشن (جے جے ایم) کے تحت پینے کے پانی کے کنکشن فراہم کیے گئے ہیں، جے جے ایم-آئی ایم آئی ایس ڈیش بورڈ پر دستیاب ہیں۔

 جے جے ایم ،آئی ایم آئی ایس ڈیش بورڈ کا لنک درج ذیل ہے:- https://ejalshakti.gov.in/jjmreport/JJMIndia.aspx

جل جیون مشن کے ’ہر گھر جل‘ پہل کے تحت، ایک گاؤں کے 100فیصد فعال نل کے پانی کے کنکشن حاصل کرنے کے بعد، گرام پنچایت رسمی طور پر کام کی تکمیل کی تصدیق کے بعد گرام سبھا کی ایک قرارداد کے ذریعے گاؤں کو ’ہر گھر جل‘ کے طور پر تصدیق کرتی ہے، اور عمل درآمد کرنے والے محکمہ کی طرف سے ایک سرٹیفکیٹ جاری کیا جاتا ہے۔ اتر پردیش سمیت ریاستوں اور مرکز کے زیر انتظام علاقوں کو متعدد جائزہ میٹنگوں، فیلڈ وزٹ وغیرہ کے ذریعے مشورہ دیا گیا ہے کہ وہ مشن کے تحت فراہم کردہ نل کے پانی کے کنکشن اور بنیادی ڈھانچے کی فعالیت کو یقینی بنائیں۔

ریاست اتر پردیش سمیت ہندوستان کے تمام دیہی گھرانوں میں فعالیت کی تشخیص 2021-22 کے دوران، یہ پایا گیا کہ 86فیصد  گھرانوں میں کام کرنے والے نل کے کنکشن تھے۔ ان میں سے 85فیصد  کو مناسب مقدار میں پانی مل رہا تھا، 80فیصد  کو ان کی پائپ واٹر سپلائی سکیم کے لیے پانی کی فراہمی کے شیڈول کے مطابق پانی باقاعدگی سے مل رہا تھا، اور 87فیصد گھرانوں کو پانی کے مقررہ معیار کے مطابق پانی مل رہا تھا۔ فعالیت کا جائزہ 2022 میں کیا گیا تھا۔ تفصیلات https://jaljeevanmission.gov.in/functionality-reports پر دیکھی جا سکتی ہیں۔

مزید، بنائے گئے بنیادی ڈھانچے کی طویل مدتی پائیداری کو یقینی بنانے کے لیے، ادائیگی کرنے سے پہلے تیسرے فریق کے معائنہ کے ذریعے معیاری مواد اور معیاری تعمیر کو یقینی بنایا جا رہا ہے۔ اس مقصد کے لیے، ریاستوں کو یہ اختیار دیا گیا ہے کہ وہ تھرڈ پارٹی انسپیکشن ایجنسیوں (ٹی پی آئی اے ) کو پینل میں شامل کریں تاکہ ایجنسیوں کے ذریعے انجام دئے گئے کام کے معیار، تعمیرات کے لیے استعمال ہونے والے مواد کے معیار اور ہر اسکیم میں نصب مشینری کے معیار کی جانچ کی جا سکے۔ مزید برآں، سینسر پر مبنی آئی او ٹی  حل کے ذریعے دیہاتوں میں پانی کی سپلائی کی پیمائش اور نگرانی، ٹارگٹڈ ڈیلیوری کے لیے گھر کے سربراہ کے آدھار  کو قانونی دفعات کے تحت منسلک کرنا، بنائے گئے اثاثوں کی جیو ٹیگنگ وغیرہ کا بھی جے ایم ایم  کے تحت انتظام کیا گیا ہے۔

اس کے علاوہ، شفافیت اور موثر نگرانی لانے کے لیے، ایک آن لائن ’جے جے ایم ڈیش بورڈ‘ اور موبائل ایپ بنائی گئی ہے، جو ریاست  اور مرکز کے زیر انتظام علاقے، ضلع اور گاؤں کے لحاظ سے پیش رفت کے ساتھ ساتھ دیہی گھروں میں نل کے پانی کی فراہمی کی صورتحال بھی فراہم کرتی ہے۔

یہ معلومات ریاستی وزیر برائے جل شکتی، جناب وی سومننا نے آج راجیہ سبھا میں ایک سوال کے تحریری جواب میں فراہم کیں۔

****

ش ح ۔ ال

U-8384

(Release ID: 2112004) Visitor Counter : 10