صنعت اور داخلی تجارت کے فروغ کے محکمے (ڈی پی آئی آئی ٹی) کے جوائنٹ سکریٹری جناب پنکج کمار کی صدارت میں نیٹ ورک پلاننگ گروپ (این پی جی) کی 89 ویں میٹنگ آج سڑک ، ریلوے اور میٹرو کے شعبوں میں بنیادی ڈھانچہ جاتی منصوبوں کا جائزہ لینے کے لیے بلائی گئی ۔ میٹنگ میں پی ایم گتی شکتی نیشنل ماسٹر پلان (پی ایم جی ایس این ایم پی) کے ساتھ ملٹی ماڈل کنیکٹوٹی اور لاجسٹک کی کارکردگی کو بڑھانے پر توجہ مرکوز کی گئی۔

این پی جی نے آٹھ پروجیکٹوں (چار روڈ ، تین ریلوے  اور ایک میٹرو) کا انٹیگریٹڈ ملٹی ماڈل انفرا اسٹرکچر کے پی ایم گتی شکتی اصولوں، اقتصادی اور سماجی نوڈس سے آخری میل تک کنیکٹیوٹی اور انٹر ماڈل کوآرڈنیشن کی تعمیل کے لیے صورت حال کا جائزہ لیا ۔ توقع ہے کہ ان اقدامات سے لاجسٹک کارکردگی کو فروغ ملے گا ، سفر کے اوقات میں کمی آئے گی اور تمام خطوں میں اہم سماجی و اقتصادی فوائد حاصل ہوں گے ۔

سڑک نقل و حمل اور شاہراہوں کی وزارت (ایم او آر ٹی ایچ)

1. میگھالیہ میں داروگیری سے ڈالو سیکشن تک دو لین والی پاوڈ سولجر

اس پروجیکٹ میں میگھالیہ میں این ایچ-62 (نیو این ایچ-217) کے داروگیری سے ڈالو سیکشن کے ساتھ ساتھ پاوڈ سولجر کے ساتھ موجودہ سڑک کو دو لین والی شاہراہ میں تبدیل کرنا شامل ہے۔ یہ 136.11 کلومیٹر طویل حصہ مشرقی گارو پہاڑیوں ، جنوبی گارو پہاڑیوں اور مغربی گارو پہاڑیوں سے گزرتا ہے، جس سے علاقائی کنیکٹیوٹی میں نمایاں اضافہ ہوگا۔ اس کے اسٹریٹجک مقام کو دیکھتے ہوئے یہ کوریڈور سرحد پار تجارت اور علاقائی اقتصادی ترقی کو آسان بنانے کے لیے ضروری ہے ۔

2. دریائے برہم پترا پر گوہ پور اور نمالی گڑھ کے درمیان چار لین والی سرنگ کنکٹیوٹی کی تعمیر

اس پروجیکٹ میں ایک بڑے دریا کے نیچے ہندوستان کی پہلی سڑک سرنگ کی تعمیر شامل ہے ۔ برہم پترا کے نیچے چار لین والی سرنگ سفر کے وقت کو 6.5 گھنٹے سے کم کر کے صرف 30 منٹ کر دے گی ، جس سے فاصلہ 240 کلومیٹر سے کم ہو کر 34 کلومیٹر ہو جائے گا ۔ یہ جڑواں ٹیوب ، پانی کے اندر ایک سمت والی سرنگ اروناچل پردیش ، منی پور اور دیگر شمال مشرقی ریاستوں سے کنیکٹیوٹی کو بہتر بنائے گی ۔

3. کلیابور-نومالی گڑھ سیکشن کے موجودہ کیریج وے کو چار لین تک چوڑا کرنا اور بہتر بنانا

اس پروجیکٹ کا مقصد آسام میں کلیابور-نومالی گڑھ سیکشن (این ایچ-37/این ایچ-715) کے ساتھ موجودہ شاہراہ کو دو لین سے چار لین میں اپ گریڈ کرنا ہے ۔ ناگاؤں ، کاربی آنگ لونگ اور گولہ گھاٹ اضلاع میں 85.67 کلومیٹر کا احاطہ کرتے ہوئے ، اس پروجیکٹ میں کازی رنگا نیشنل پارک کے حیاتیاتی تنوع کے تحفظ کے لیے ایلیویٹیڈ کوریڈور اور وائلڈ لائف کراسنگ جیسے جنگلی حیات کے لیے سازگار اقدامات شامل ہیں ۔

4. جیسلمیر بائی پاس لنک روڈ کے ساتھ میجیلار سے جیسلمیر تک پاوڈ سولجر کے ساتھ دو لین کی تعمیر/اپ گریڈیشن

راجستھان میں 138.177 کلومیٹر پر محیط اس پروجیکٹ میں این ایچ-11 اور این ایچ-70 کے ساتھ براؤن فیلڈ اور گرین فیلڈ کے حصے شامل ہیں ۔ اس کا مقصد علاقائی کنیکٹیوٹی  کو بہتر بنانا ، سیاحت کو فروغ دینا ، دفاعی نقل و حرکت کو آسان بنانا اور سڑک تحفظ کو بہتر بنانا ہے ۔

وزارت ریلوے (ایم او آر)

1. بدلاپور-کرجٹ تیسری اور چوتھی لائن کی توسیع

تقریباً32.460 کلومیٹر طویل براؤن فیلڈ پروجیکٹ ممبئی-پونے-سولاپور-واڑی-چنئی کوریڈور کے ساتھ مسافروں اور مال برداری کی بڑھتی ہوئی بھیڑ بھاڑ کو کم کرنے کا کام کرے گا۔ اہم مسافر مراکز اور مال بردار ٹرانزٹ پوائنٹس کے درمیان رابطے کو بڑھاتے ہوئے ، اس پروجیکٹ سے بدلاپور ، ونگانی ، شیلو ، نیرل ، بھیوپوری اور کرجٹ وغیرہ قصبوں کو فائدہ پہنچے گا ۔

2.  نیرگنڈی میں فلائی اوور کے ساتھ نیرگنڈی سے کٹک تک چوتھی لائن کی تعمیر

اوڈیشہ میں 15.99 کلومیٹر طویل براؤن فیلڈ ریلوے انفرا اسٹرکچر پروجیکٹ کا مقصد موجودہ ریل لائنوں پر بھیڑ بھاڑ کو کم کرنا ، مال بردار نقل و حرکت کو آسان بنانا  اور پارادیپ پورٹ ، تلچر کول فیلڈز  اور اسٹیل اور بجلی کی بڑی صنعتوں کے لیے کام آنے والے کلیدی کوریڈور کے ساتھ ہموار آپریشنز کو یقینی بنانا ہے ۔

3. ہری داس پور سے پارادیپ تک ڈبلنگ لائن کی تعمیر

اوڈیشہ میں 74.09 کلومیٹر طویل براؤن فیلڈ پروجیکٹ مال برداری سے متعلق نقل و حمل کی صلاحیت اور لاجسٹک کارکردگی کو بہتر بنائے گا، جس سے تلچر کول فیلڈز سے پارادیپ بندرگاہ تک کوئلے کی ہموار نقل و حمل میں سہولت فراہم ہوگی اور اس سے انگول-جھارسو گوڈا کلسٹر میں صنعتی توسیع میں مدد ملے گی ۔

ہاؤسنگ اور شہری امور کی وزارت (ایم او ایچ یو اے)

1. راجکوٹ میٹرو ریل پروجیکٹ

راجکوٹ میٹرو پروجیکٹ گرین فیلڈ شہری نقل و حمل سے متعلق ایک پہل ہے، جس کا مقصد بھیڑ بھاڑ کو کم کرنا اور گجرات کے راجکوٹ میں نقل و حمل کا ایک پائیدار ذریعہ فراہم کرنا ہے۔ 41.11 کلومیٹر پر محیط یہ پروجیکٹ موجودہ شہری بنیادی ڈھانچے کے ساتھ بغیر کسی رکاوٹ کے مربوط ہوگا، علاقائی ریل، سٹی بس خدمات  اور انٹرمیڈیٹ پبلک ٹرانسپورٹ جیسے آٹو اور سائیکل رکشوں کے ساتھ ملٹی ماڈل رابطے کو یقینی بنائے گا۔

پی ایم گتی شکتی نیشنل ماسٹر پلان کے ساتھ منسلک یہ بنیادی ڈھانچہ جاتی منصوبے کنیکٹیوٹی کی صورت حال کو نمایاں طور پر بڑھائیں گے، لاجسٹکس کو بہتر بنائیں گے اور علاقائی و قومی اقتصادی ترقی میں تعاون دیں گے۔

******

ش  ح۔ م م ۔ م ر

U-NO. 8287