نوجوانوں کے امور اور کھیلوں کے مرکزی وزیر ڈاکٹر من سکھ مانڈویہ نے بدھ کو جموں و کشمیر میں سرمائی کھیلوں کو فروغ دینے کے لیے گلمرگ کو کھیلوں کے مرکز میں تبدیل کرنے کے حکومتی منصوبے کا اعلان کیا۔

مرکزی وزیر کھیل نے یہ بات گلمرگ گولف کلب میں 5ویں کھیلو انڈیا سرمائی کھیلوں کی اختتامی تقریب میں شرکت کرتے ہوئے کہی۔ سرمائی کھیلوں کی اختتامی تقریب میں جموں و کشمیر کے وزیر اعلیٰ عمر عبداللہ اور نوجوان خدمات اور کھیل جموں و کشمیر کے وزیر ستیش شرما سمیت دیگر نے بھی شرکت کی۔

اختتامی تقریب میں اپنے خطاب کے دوران ڈاکٹر مانڈویہ نے کہا، "ہندوستان میں بے پناہ ٹیلنٹ موجود ہے اور ہمیں 9 سے 24 سال کی عمر کے گروپ میں ٹیلنٹ کو استعمال کرنے اور پروان چڑھانے کی ضرورت ہے۔ اس کے لیے ہمیں ملک  کے ہر ضلع میں ایک اسپورٹس اسکول بنانے کی ضرورت ہے، جہاں خام ٹیلنٹ کو تلاش کیا جائے گا اور پھر ملک بھر کے نیشنل سینٹرز آف ایکسی لینس میں تربیت دی جائے گی۔ ہم اس بات کو یقینی بنائیں گے کہ وہ قومی اور بین الاقوامی سطح پر مقابلہ کرنے کے قابل ہوں اور ان نوجوانوں کو ہر قسم کا تعاون حاصل ہو۔ تمام ہندوستانی ریاستوں میں، جموں و کشمیر میں پہلے سے ہی بہترین کوچ اپ اسکلنگ پروگرام موجود ہیں۔ میں نے تمام ریاستوں سے کہا ہے کہ وہ جموں و کشمیر کے بنائے گئے کوچنگ ماڈل پر عمل کریں۔

انہوں نے کہا-‘‘یہ ہندوستانی حکومت کی ذمہ داری ہے کہ وہ پورے ملک میں کھیلوں کو ترقی دے اور نریندر مودی حکومت جموں و کشمیر میں کھیلوں کی سطح کو بلند کرنے کی ہر ممکن کوشش کرے گی۔ ہم گلمرگ میں سرمائی کھیلوں کے لیے ایک اسپورٹس سنٹر بنانے کا منصوبہ بنا رہے ہیں تاکہ جموں و کشمیر کے نوجوانوں کو کھیلوں میں بہترین کارکردگی کے لیے بہترین مواقع اور بنیادی ڈھانچہ فراہم کیا جا سکے۔

ڈاکٹر مانڈویہ نے کہا کہ انہوں نے 2036 کے سمر اولمپکس کی میزبانی کے لیے ایک مناسب روڈ میپ تیار کرنے کے لیے 28 ریاستوں اور مرکز کے زیر انتظام 8علاقوں کے وزیر کھیلوں اور قومی اسپورٹس فیڈریشنز کے سینئر اراکین سے ملاقات کی ہے۔

 وزیر موصوف نے کہا-‘‘اس بات کو ذہن میں رکھتے ہوئے کہ ہم 2036 کے اولمپک کھیلوں کی میزبانی کرنا چاہتے ہیں، ہمیں کھیلوں کا ایک مضبوط انفراسٹرکچر اور ایک معیاری کھیلوں کا ماحولیاتی نظام بنانے کی ضرورت ہے۔ اس کے لیے ہمیں ایک مناسب روڈ میپ بنانا ہو گا۔ کئی بار ہم ایک مقصد طے کرتے ہیں لیکن اس تک پہنچنے کے لیے ضروری راستہ نہیں پاتے۔ اس کے لیے ہم نے گزشتہ ہفتے حیدرآباد میں کھیلوں کے وزراء، قومی اسپورٹس فیڈریشنز کے سینئر نمائندوں، نامور کھلاڑیوں اور کھیلوں کے ماہرین کے ساتھ تین روزہ دماغی سیشن کا اہتمام کیا۔ ہم نے تمام اسٹیک ہولڈرز سے موصول ہونے والی معلومات کی بنیاد پر اگلے 10  برسوں کے لیے ایک روڈ میپ بنایا ہے۔

مرکزی وزیر کھیل نے کہا کہ گلمرگ نہ صرف پھولوں کے میدان کے طور پر مشہور ہے بلکہ اب اسے ہندوستان کے سرمائی کھیلوں کے شہر کے طور پر بھی جانا جاتا ہے۔

انہوں نے کہا- ‘‘میں نے بہت سے ممالک اور اسکینگ کے مقامات کا دورہ کیا ہے لیکن میں آپ کو بتا سکتا ہوں کہ گلمرگ بہت بہتر، بہت زیادہ خوبصورت اور دنیا کے بہترین سیاحتی اورا سکینگ مقامات میں سے ایک ہے۔ ہمیں صرف اس منزل کو مزید بہتر بنانے کے لیے مواقع کا استعمال کرنا ہے۔‘‘

https://www.instagram.com/p/DHF_mcyzXlu/?igsh=cDcxMWIydG5ybzJn

آرمی نے کھیلو انڈیا ونٹر گیمز 2025 کی چمپئن ٹرافی جیت لی

ڈاکٹر مانڈویہ نے چمپئن ٹرافی ہندوستانی فوج کے حوالے کی جس نے 7 گولڈ، 5 سلور اور 6 برانز سمیت مجموی طورپر  18 تمغے جیتے اور اپنا ٹائٹل برقرار رکھا۔ ہماچل پردیش کو 6 طلائی، 5 چاندی اور 7 کانسہ کے تمغوں کے ساتھ دوسرے  مقام جبکہ  مرکز کے زیر انتظام علاقہ لداخ 4 سونے، 2 چاندی اور 1 کانسہ سمیت 7 تمغوں کے ساتھ تیسرے نمبر پر رہا۔

ہماچل پردیش نے آخری دن اسکی کوہ پیمائی میں خواتین کے ریلے ایونٹ میں طلائی تمغہ جیت کر اپنی بہترین کارکردگی پیش کی لیکن اسے دوسرے مقام پر اکتفا کرنا پڑا کیونکہ ہندوستانی فوج نے بدھ کو اپنے حریفوں کے مقابلے میں ایک اور طلائی تمغہ جیت کر سرمائی کھیلوں کا خطاب برقرار رکھا۔ ہماچل پردیش کے لیے یہ قدرے مایوس کن تھا، کیونکہ اس نے ایک دن پہلے الپائن اسکیئنگ ویمنز سلالم ایونٹ میں کلین سویپ سمیت 7 تمغے جیتے تھے۔

چین کے ہاربن میں ایشین ونٹر گیمز کے دورے کے دوران حاصل ہونے والے تجربے سے آرمی کا اعتماد بڑھا اور اس نے ان سرمائی گیمز میں اپنا ٹائٹل برقرار رکھا۔ ہائی ایلٹیٹیوڈ وارفیئر اسکول، گلمرگ میں تعینات فوجیوں نے مقام کے بارے میں اپنے علم اور انتہائی موسمی حالات بشمول مسلسل برف باری، تیز ٹھنڈی ہواؤں، برفانی تودے کا خطرہ اور کمزور مرئیت سے فائدہ اٹھایا۔

سرمائی کھیلوں میں، ہندوستانی فوج نے نارڈک اسکیئنگ مقابلوں میں سرفہرست رہا جبکہ خواتین کے زمرے میں انڈو تبت بارڈر پولیس نے اسی ایونٹ پر غلبہ حاصل کیا۔

کے آئی ڈبلیو جی میں کئی تمغہ جیتنے والوں نے حصہ لیا، جن میں راجیشور سنگھ (اسکی ماؤنٹینیرنگ میں 2 گولڈ 1 سلور)، کسم رانا (خواتین کی نارڈک اسکیئنگ میں 2 گولڈ 1 برانز)، سنی سنگھ (1 گولڈ 1 سلور 1 برانز) اور سدھارتھ گڈیکر (1 گولڈ 1 سلور)۔

تمغوں کی تعداد سے یہ بھی ظاہر ہوتا ہے کہ موسم سرما کے کھیلوں کے لیے قدرتی ٹپوگرافی سے عاری ریاستوں نے کھیلو انڈیا سرمائی کھیلوں کے اس ایڈیشن میں اچھی کارکردگی کا مظاہرہ کیا ہے، جس سے یہ ثابت ہوتا ہے کہ اس مخصوص کھیل کو مقبول بنانے کے لیے ہندوستانی حکومت کی انتھک کوششیں نتیجہ خیز ہیں۔ مہاراشٹر کا 13 تمغے اور تمل ناڈو کا 5 تمغے جیتنا اس کا کافی ثبوت ہے۔

گذشتہ  ایڈیشن میں سروسز نے 10 طلائی تمغوں کے ساتھ تمغوں کی تعداد میں سرفہرست مقام حاصل کیا تھا، جو دوسرے نمبر پر رہنے والے کرناٹک سے صرف ایک اور تیسرے نمبر پر آنے والے مہاراشٹر سے تین زیادہ تھے۔

 چوتھے دن کا نتیجہ

اسکی کوہ پیمائی: خواتین کا ریلے: گولڈ - ہماچل پردیش (نتاشا مہر، سیجل ٹھاکر، تنزین ڈولما، ساکشی ٹھاکر)، چاندی - سی آر پی ایف (سجل بین، رینو دانو، مکوانہ ہیرل بین، پریتی)، کانسہ - جموں و کشمیر (مہک مشتاق، شازیہ فرزانہ، شازیہ، حسن)۔

فائنل میڈل ٹیبل

1. آرمی - 18 تمغے (7 طلائی، 5 چاندی، 6 کانسہ)

2. ہماچل پردیش - 18 تمغے (6 سونے، 5 چاندی، 7 کانسہ)

3. مرکز کے زیر انتظام علاقہ لداخ - 7 تمغے (4 سونے، 2 چاندی، 1 کانسہ)

4. مہاراشٹرا - 13 تمغے (3 طلائی، 5 چاندی، 5 کانسہ)

5. تمل ناڈو - 5 تمغے (3 گولڈ 2 سلور)

 

میڈل ٹیبل کے لئے: https://winter.kheloindia.gov.in/medal-tally

ویب سائٹ کے لئے:  https://winter.kheloindia.gov.in/

ہمیں انسٹاگرام پر فالو کریں: https://www.instagram.com/officialkheloindia?igsh=MWFmY2s0cHdmMWQy

ٹوئٹر پر ہمیں فالو کریں: https://twitter.com/kheloindia?t=hZgpm4jqhJmqIMRhp-25Uw&s=08

ہمیں فیس بک پر فالو کریں: https://www.facebook.com/OfficialKheloIndia?mibextid=9R9pXO

کھیلو انڈیا سرمائی کھیلوں کے بارے میں

کھیلو انڈیا اسکیم کے تحت نوجوانوں کے امور اور کھیلوں کی وزارت ( ایم وائی اے ایس) باصلاحیت کھلاڑیوں کو اپنی کھیل اور مسابقتی صلاحیتوں کا مظاہرہ کرنے کے لیے ایک پلیٹ فارم فراہم کرنے کے لیے کھیلو انڈیا یوتھ گیمز، کھیلو انڈیا یونیورسٹی گیمز، کھیلو انڈیا پیرا گیمز اور کھیلو انڈیا سرمائی کھیلوں جیسے قومی سطح کے مقابلوں کا انعقاد کرتی ہے۔ سال 2020 میں اپنے آغاز کے بعد سے کھیلو انڈیا سرمائی کھیلوں کے چار ایڈیشن کامیابی کے ساتھ منعقد کیے جا چکے ہیں جن میں 36 ریاستوں/مرکز کے زیر انتظام علاقوں کی شرکت شامل ہے۔ کھیلو انڈیا سرمائی کھیل - 2025 کے پانچویں ایڈیشن کا انعقاد دو حصوں میں کیا گیا تھا۔ پہلا مرحلہ 23 ​​سے 27 جنوری-2025 تک مرکز کے زیر انتظام علاقہ لداخ میں منعقد ہوا۔ جموں و کشمیر نے 9-12 مارچ 2025 کے دوران دوسرے اور آخری حصے کی میزبانی کی۔ کھیلو انڈیا ونٹر اسپورٹس، ہنر دکھانے کے علاوہ، اس علاقے کے فن، ثقافت، ورثے کو بھی ظاہر کرتا ہے اور کھیلوں کے ذریعے سیاحت کو فروغ دیتا ہے۔

********

ش ح- ظ ا – ف ر

Urdu No.8247

(Release ID: 2111096) Visitor Counter : 15