পাতনি

ক্ৰিয়েট ইন ইণ্ডিয়া চেলেঞ্জ – ছিজন ১ৰ অংশ ট্ৰুথটেল হেকাথন লাইভ সম্প্ৰচাৰৰ সময়ত বাস্তৱ সময়ৰ তথ্য-পৰীক্ষাৰ বাবে অত্যাধুনিক এআই-চালিত সঁজুলি বিকশিত কৰিবলৈ সেইমতে আৰ্হি প্ৰস্তুত  কৰা হৈছে। ইণ্ডিয়া চেলুলাৰ এণ্ড ইলেক্ট্ৰনিক্স এছ’চিয়েশ্যন (আইচিইএ), তথ্য আৰু সম্প্ৰচাৰ মন্ত্ৰালয় (এমআইবি), ইলেক্ট্ৰনিক্স আৰু তথ্য প্ৰযুক্তি মন্ত্ৰালয় (মেইটৱাই), আৰু ইণ্ডিয়াএআই মিছনৰ দৰে অগ্ৰণী সংস্থাসমূহৰ সহায়ত এই হেকাথনে সংবাদ মাধ্যম আৰু প্ৰযুক্তি খণ্ডত উদ্ভাৱনক লাভাৱান্বিত কৰিবলৈ মূল অংশীদাৰসকলক একত্ৰিত কৰিব। এই পদক্ষেপ  ৱেভছ (বিশ্ব অডিঅ’ ভিজুৱেল এণ্ড এণ্টাৰটেইনমেণ্ট ছামিট)ৰ এক গুৰুত্বপূৰ্ণ উপাদান।

প্ৰথম সংস্কৰণত বিশ্ব অডিঅ’ ভিজুৱেল এণ্ড এণ্টাৰটেইনমেণ্ট ছামিট (WAVES) হৈছে সমগ্ৰ মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ অভিসৰণৰ বাবে সাজু হৈ থকা এক অনন্য হাব আৰু স্পক প্লেটফৰ্ম। গ্লোবেল এম এণ্ড ই উদ্যোগৰ কেন্দ্ৰবিন্দু ভাৰতলৈ অনা আৰু ভাৰতীয় এম এণ্ড ই খণ্ডৰ সৈতে ইয়াৰ প্ৰতিভাৰ  সংযোগ স্থাপনৰ লক্ষ্যৰে এই অনুষ্ঠানটো আয়োজন কৰা  হৈছে। ই হৈছে  এক প্ৰিমিয়াৰ গ্ল’বেল ইভেণ্ট।

২০২৫ চনৰ ১-৪ মে’লৈ মুম্বাইৰ জিঅ’ ৱৰ্ল্ড কনভেনশ্যন চেণ্টাৰ এণ্ড জিঅ’ ৱৰ্ল্ড গাৰ্ডেনত অনুষ্ঠিত হ’ব এই সন্মিলন। এই সন্মিলনে চাৰিটা মূল স্তম্ভ—ব্ৰডকাষ্টিং এণ্ড ইনফ’টেনমেণ্ট, এভিজিচি-এক্সআৰ, ডিজিটেল মিডিয়া এণ্ড ইনোভেচন, আৰু ফিল্মছ-ৱেভছে ভাৰতৰ মনোৰঞ্জন উদ্যোগৰ ভৱিষ্যত প্ৰদৰ্শন কৰিবলৈ নেতা, সৃষ্টিকৰ্তা আৰু প্ৰযুক্তিবিদসকলক একত্ৰিত কৰিব।

ট্ৰুথটেল হেকাথন হৈছে ৱেভছৰ স্তম্ভৰ এটা মূল উপাদান, যিয়ে সম্প্ৰচাৰ আৰু তথ্য বিনোদনৰ বিষয়ত গুৰুত্ব আৰোপ কৰে। আজিলৈকে ১৮৬ টা আন্তঃৰাষ্ট্ৰীয় প্ৰৱেশকে ধৰি ৫,৬৫০ জন অংশগ্ৰহণকাৰীয়ে পঞ্জীয়ন ইয়াত কৰিছে।

পঞ্জীয়ন প্ৰক্ৰিয়া আৰু সময়সীমা

ট্ৰুথটেল হেকাথনে অংশগ্ৰহণকাৰীসকলক ভুল তথ্য প্ৰতিহত কৰিবলৈ আৰু নৈতিক সাংবাদিকতাক প্ৰসাৰিত কৰিবলৈ এআই-চালিত সমাধান প্ৰস্তুত কৰিবলৈ আমন্ত্ৰণ জনাইছে। ইয়াত অংশগ্ৰহণকাৰীসকলে ব্যক্তিগতভাৱে যোগদান কৰিব পাৰে বা ডেভেলপাৰ, ডাটা বিজ্ঞানী আৰু মিডিয়া পেছাদাৰীকে ধৰি ৫ জনলৈকে দল গঠন কৰিব পাৰে। এতিয়া পঞ্জীয়ন বন্ধ হৈ পৰিছে, ইয়াৰ বাবে চূড়ান্ত তাৰিখ ২১ ফেব্ৰুৱাৰী ২০২৫ আছিল।

পঞ্জীয়ন মুকলি: ১ অক্টোবৰ ২০২৪

আইডিয়া আৰু প্ৰট’টাইপ দাখিলৰ অন্তিম তাৰিখ: ২১ ফেব্ৰুৱাৰী ২০২৫

শীৰ্ষ ২৫ ৰ ঘোষণা: ৭ মাৰ্চ ২০২৫

মেণ্টৰিং আৰু টিংকাৰিং: ৮ - ১৮ মাৰ্চ ২০২৫

জুৰীৰ উপস্থাপন আৰু শীৰ্ষ ৫ গৰাকী বিজয়ীৰ নিৰ্বাচন: ২৪ - ২৮ মাৰ্চ ২০২৫

ৱেভছ শীৰ্ষ সন্মিলন: ১ মে' - ৪ মে' ২০২৫

অন্তৰ্ভুক্ত কাৰ্যাৱলী:

ডাটাছেট প্ৰস্তুতি:

বাহ্যিক তথ্য-পৰীক্ষা এপিআই ব্যৱহাৰ কৰি তথ্য বিশ্লেষণ কৰক।

প্ৰি-প্ৰক্ৰিয়া আৰু পৰিষ্কাৰ লিখনী-ভিত্তিক মাধ্যমৰ বিষয়বস্তু (টোকেনাইজেচন, সত্তা নিষ্কাশন)।

এটা বাস্তৱ সময়ৰ এন এল পি মডেল বিকশিত কৰা:

ভুল তথ্য ডাটাছেটত মেচিন লাৰ্নিং/গভীৰ শিক্ষণ মডেল প্ৰশিক্ষণ দিয়া।

বাস্তৱ সময়ৰ পাঠ্য বিশ্লেষণৰ বাবে এন এল পি কৌশল (পাঠ্য শ্ৰেণীবিভাজন, আৱেগ বিশ্লেষণ, সত্তা স্বীকৃতি) ৰূপায়ণ কৰা।

তথ্য-পৰীক্ষা সংহতি:

ফ্লেগ কৰা বিষয়বস্তু পৰীক্ষা কৰিবলৈ বাহ্যিক তথ্য-পৰীক্ষা এপিআইসমূহৰ সংহতি কৰা।

বিশ্বাসযোগ্য জ্ঞান ডাটাবেছৰ সৈতে লাইভ সম্প্ৰচাৰসমূহ ক্ৰছ-ৰেফাৰেন্স।

বাস্তৱ সময়ৰ তথ্য প্ৰক্ৰিয়াকৰণ:

লাইভ সম্প্ৰচাৰ ফিডৰ বাবে ষ্ট্ৰীমিং আন্তঃগাঁথনি স্থাপন কৰক।

নতুন তথ্য আহি পোৱাৰ লগে লগে প্ৰক্ৰিয়াকৰণ কৰিবলৈ ডাটা পাইপলাইন প্ৰণয়ন কৰা।

তথ্য-পৰীক্ষাৰ বাবে জ্ঞান সম্পৰ্কীয় গ্ৰাফ:

সত্তাসমূহ আৰু সিহতৰ পৰীক্ষিত অৱস্থা অনুসৰণ কৰিবলে এটা জ্ঞান গ্ৰাফ নিৰ্মাণ আৰু মোতায়েন কৰক।

ভুল তথ্যৰ আৰ্হি ধৰা পেলাবলৈ গ্ৰাফ ব্যৱহাৰ কৰা।

সম্প্ৰচাৰকসকলৰ বাবে বাস্তৱ সময়ৰ ডেচব'ৰ্ড:

বাস্তৱ-সময়ৰ সতৰ্কবাণী, আস্থা স্ক'ৰ, আৰু সত্যাপন তথ্য প্ৰদৰ্শন কৰা এটা পাৰস্পৰিক ডেচব'ৰ্ড সৃষ্টি কৰা।

পৰীক্ষণ আৰু বৈধকৰণ:

লাইভ বা ৰেকৰ্ডিং সম্প্ৰচাৰৰ সৈতে পৰীক্ষা কৰা।

তথ্য-পৰীক্ষা কৰা সংস্থাসমূহৰ পৰা ভূমি-সত্য তথ্য ব্যৱহাৰ কৰি সঠিকতা বৈধ কৰা।

প্ৰকল্প দাখিলৰ নিৰ্দেশনা

লিখিত প্ৰস্তাৱ:

প্ৰকল্পৰ বিৱৰণ: আপোনাৰ প্ৰস্তাৱিত সঁজুলি আৰু ইয়াৰ উদ্দেশ্যসহ কাৰ্য্যকৰীতাৰ এটা বিশদ ব্যাখ্যা প্ৰদান কৰক।

সমস্যা সম্পৰ্কীয় বিবৃতি: আপোনাৰ সঁজুলিয়ে সম্বোধন কৰা নিৰ্দিষ্ট সমস্যাটো স্পষ্টভাৱে বৰ্ণনা কৰক।

লক্ষ্য হিচাবে নিৰ্বাচিত গ্ৰাহক: আপোনাৰ সঁজুলিৰ উদ্দেশ্যপ্ৰণোদিত ব্যৱহাৰকাৰী বা হিতাধিকাৰী চিনাক্ত কৰক।

কাৰিকৰী পদ্ধতি: আপুনি ব্যৱহাৰ কৰিবলগীয়া পদ্ধতিসমূহ, এলগৰিদমসমূহ, আৰু প্ৰযুক্তিসমূহৰ ৰূপৰেখা প্ৰস্তুত কৰক, হেকাথনে প্ৰদান কৰা এপিআইসমূহ আৰু ডাটাছেটসমূহৰ বিষয়ত  গুৰুত্ব আৰোপ কৰি।

উন্নয়নৰ সময়সীমা: মূল মাইলৰ খুঁটি আৰু সময়সীমাৰ সৈতে এটা বাস্তৱসন্মত সময়সীমা প্ৰদান কৰা।

প্ৰট'টাইপ:

কাৰ্য্যকৰী প্ৰ'ট'টাইপ: আপোনাৰ সঁজুলিৰ মূল কাৰ্য্যকৰীতা প্ৰদৰ্শন কৰক। ই ব্যৱহাৰকাৰী-বন্ধুত্বপূৰ্ণ, কাৰ্য্যক্ষম  আৰু আপোনাৰ সমাধানৰ প্ৰভাৱ প্ৰদৰ্শন কৰাটো নিশ্চিত কৰিব।

মূল বিবেচনাৰ বিষয়সমূহ:

কাৰ্য্যক্ষমতা: ই উদ্দেশ্যনিহিত  কামসমূহ ফলপ্ৰসূভাৱে সম্পন্ন কৰিব পৰাটো নিশ্চিত কৰিব।

ব্যৱহাৰকাৰীৰ অভিজ্ঞতা: এটা স্বজ্ঞাত আৰু সহজ-নেভিগেট কৰিব পৰা আন্তঃপৃষ্ঠ ডিজাইন কৰা।

সম্পূৰ্ণতা: আপোনাৰ সঁজুলিৰ সকলো প্ৰয়োজনীয় বৈশিষ্ট্য অন্তৰ্ভুক্ত কৰা।

নথিপত্ৰ: আপোনাৰ প্ৰ'ট'টাইপ ব্যৱহাৰ কৰাৰ স্পষ্ট নিৰ্দেশনা প্ৰদান কৰা।

অতিৰিক্ত টিপচ্:

স্পষ্ট, সংক্ষিপ্ত ভাষা ব্যৱহাৰ কৰক।

প্ৰমাণ আৰু উদাহৰণেৰে দাবীসমূহ সমৰ্থন কৰা।

আপোনাৰ প্ৰস্তাৱটো দৃশ্যগতভাৱে আকৰ্ষণীয় আৰু ভালদৰে ফৰ্মেট কৰা হোৱাটো নিশ্চিত কৰা।

শক্তিশালী সঁজুলি আৰু প্ৰযুক্তিৰ প্ৰৱেশ

ট্ৰুথটেল হেকাথনে ভুল তথ্যৰ বিৰুদ্ধে যুঁজিবলৈ উদ্ভাৱনীমূলক এআই-চালিত সমাধান বিকশিত কৰাৰ এক অনন্য সুযোগ প্ৰদান কৰে। অংশগ্ৰহণকাৰীসকলে তেওঁলোকৰ প্ৰকল্প গঢ়ি তুলিবলৈ শক্তিশালী সঁজুলি, মেণ্টৰশ্বিপ আৰু সম্পদৰ সুবিধা লাভ কৰিব। ভুল তথ্যৰ বিৰুদ্ধে যুঁজিবলৈ এআই-চালিত সমাধান বিকশিত কৰিবলৈ ব্যৱহাৰ কৰিব পৰা কিছুমান জনপ্ৰিয় সঁজুলি আৰু প্ৰযুক্তি ইয়াত দিয়া হ'ল:

প্ৰগ্ৰেমিঙৰ ভাষা:

পাইথন (TensorFlow, PyTorch, NLTK, Scikit-learn ৰ দৰে লাইব্ৰেৰীৰ সৈতে)

আৰ, জাভা, জাভাস্ক্রিপ্ট

প্ৰাকৃতিক ভাষা প্ৰক্ৰিয়াকৰণ (এনএলপি) লাইব্ৰেৰীসমূহ:

টেনছৰ ফ্ল' (TensorFlow) টেক্সট, হাগিং ফেচ ট্ৰেন্সফৰ্মাৰ, SpaCy, Gensim

মেচিন লাৰ্নিং কাঠামো:

টেনছৰফ্ল', পাইটৰ্চ, কেৰাছ

উন্নয়নৰ বাবে মূল বিবেচনা

কাৰ্য্যকৰীতা: আপোনাৰ সঁজুলিয়ে ইয়াৰ উদ্দেশ্যপ্ৰণোদিত কামসমূহ ফলপ্ৰসূভাৱে সম্পাদন কৰাটো নিশ্চিত কৰক।

ব্যৱহাৰকাৰী অভিজ্ঞতা: এটা স্বজ্ঞাত, ব্যৱহাৰকাৰী-বন্ধুত্বপূৰ্ণ আন্তঃপৃষ্ঠ ডিজাইন কৰক।

সম্পূৰ্ণতা: আপোনাৰ সঁজুলিৰ প্ৰয়োজনীয় বৈশিষ্ট্য আৰু উপাদানসমূহ অন্তৰ্ভুক্ত কৰক।

দস্তাবেজ: আপোনাৰ প্ৰ'ট'টাইপ ব্যৱহাৰ কৰাৰ বাবে স্পষ্ট নিৰ্দেশনা প্ৰদান কৰক।

মূল্যায়নৰ মাপকাঠী

ট্ৰুথটেল হেকাথনৰ বাবে মূল্যায়নৰ মাপকাঠীসমূহ হ’ল:

১.উদ্ভাৱন: সমাধানৰ মৌলিকতা আৰু সৃষ্টিশীলতা।

২.প্ৰভাৱ: ভুল তথ্যৰ বিৰুদ্ধে যুঁজ দিয়াৰ ক্ষেত্ৰত সমাধানৰ সম্ভাৱনা।

৩.কাৰিকৰী যোগ্যতা: ক’ডৰ মান, তথ্য বিশ্লেষণ আৰু এআই ৰূপায়ণ।

৪.স্কেলেবিলিটি: বৃহৎ পৰিসৰত প্ৰয়োগ কৰিব পৰা দ্ৰৱৰ ক্ষমতা।

৫.ব্যৱহাৰকাৰী অভিজ্ঞতা: ব্যৱহাৰকাৰী আন্তঃপৃষ্ঠৰ ব্যৱহাৰৰ সহজতা আৰু ফলপ্ৰসূতা।

৬.নৈতিক নিৰ্দেশনাৰ আনুগত্য: নৈতিক নীতি আৰু মানদণ্ডৰ সৈতে সমাধানৰ মানি চলা।

৭.উপস্থাপন আৰু যোগাযোগ: প্ৰকল্পৰ উপস্থাপনৰ স্পষ্টতা আৰু বুজাব পৰাতা।

৮.ধাৰণাৰ প্ৰমাণ (PoC): সমাধানৰ কাৰ্য্যক্ষমতা আৰু ফলপ্ৰসূতাৰ প্ৰদৰ্শন।

পুৰস্কাৰ

শীৰ্ষ ৫ গৰাকী বিজয়ীক ৱেভছৰ অনুষ্ঠানত স্বীকৃতি আৰু বঁটা প্ৰদান কৰা হ’ব, বিজয়ীসকলক নগদ পুৰস্কাৰ প্ৰদান কৰা হ’ব।

উপসংহাৰ

ট্ৰুথটেল হেকাথনে উদ্ভাৱনৰ বাবে এক বিশেষ মঞ্চ প্ৰদান কৰিব, যিয়ে অংশগ্ৰহণকাৰীসকলক ভুল তথ্যৰ বিৰুদ্ধে যুঁজ দিয়া আৰু নৈতিক সাংবাদিকতাক প্ৰসাৰ কৰা এআই-চালিত সমাধান সৃষ্টি কৰিবলৈ সক্ষম কৰি তুলিব। শক্তিশালী সঁজুলি, বিশেষজ্ঞ মেণ্টৰশ্বিপ  আৰু ৱেভছ শীৰ্ষ সন্মিলনত প্ৰভাৱশালী সমাধান প্ৰদৰ্শন কৰাৰ সুযোগৰ সৈতে, এই অনুষ্ঠানে সংবাদ মাধ্যমৰ পৰিৱেশত প্ৰকৃত পৰিৱৰ্তন আনিবলৈ এক  সুযোগ প্ৰদান কৰিব।

তথ্যসূত্ৰসমূহ

https://wavesindia.org/challenges-2025

http://119.82.68.149/cic-dashboard/

https://icea.org.in/truthtell/

PDF চাবলৈ ইয়াত ক্লিক কৰক।

*****

ৱেভছৰ বিষয়েৱেভছৰ  বিষয়ে

ভাৰত চৰকাৰে মহাৰাষ্ট্ৰৰ মুম্বাইত ২০২৫ চনৰ ১ মে’ৰ পৰা ৪ মে’লৈ আয়োজন কৰিব মিডিয়া এণ্ড এণ্টাৰটেইনমেণ্ট (এম এণ্ড ই) খণ্ডৰ বাবে এক মাইলৰ খুঁটি স্বৰূপ  অনুষ্ঠান (WAVES)।

আপুনি এজন উদ্যোগ পেছাদাৰী, বিনিয়োগকাৰী, সমল সৃষ্টিকৰ্তা বা উদ্ভাৱক যিয়েই হওক, শীৰ্ষ সন্মিলনে সংযোগ, সহযোগিতা, উদ্ভাৱন আৰু এম এণ্ড ই খণ্ডত  অৰিহণা যোগাবলৈ বিশ্বব্যাপী মঞ্চ এখন  প্ৰদান কৰিছে।

ৱেভছে  ভাৰতৰ সৃষ্টিশীল শক্তিক বৃদ্ধি কৰিবলৈ সাজু হৈছে, কন্টেন্ট সৃষ্টি, বৌদ্ধিক সম্পত্তি, আৰু প্ৰযুক্তিগত উদ্ভাৱনৰ কেন্দ্ৰ হিচাপে ইয়াৰ স্থান বৃদ্ধি কৰিব। এই অনুষ্ঠানত গুৰুত্ব দিয়া উদ্যোগ আৰু খণ্ডসমূহৰ ভিতৰত আছে সম্প্ৰচাৰ, প্ৰিন্ট মিডিয়া, টেলিভিছন, ৰেডিঅ', চলচ্চিত্ৰ, এনিমেচন, ভিজুৱেল ইফেক্ট, গেমিং, কমিক্স, শব্দ আৰু সংগীত, বিজ্ঞাপন, ডিজিটেল মিডিয়া, ছ'চিয়েল মিডিয়া প্লেটফৰ্ম, জেনেৰেটিভ এআই, অগমেণ্টেড ৰিয়েলিটি (এ আৰ), ভাৰ্চুৱেল ৰিয়েলিটি (ভি আৰ), আৰু এক্সটেণ্ডেড ৰিয়েলিটি (এক্সআৰ)।

কিবা প্ৰশ্ন আছে নেকি? ইয়াত উত্তৰ বিচাৰি পাওক

আহক, আমাৰ সৈতে একেলগে এই মহাযাত্ৰাৰ সহযোগী হওঁক! ৱেভছৰ বাবে এতিয়াই পঞ্জীয়ন কৰক (অতিশীঘ্ৰে আহি আছে!)।