گگ اور پلیٹ فارم کی معیشت پھیل رہی ہے، جو رائیڈ شیئرنگ، ڈیلیوری، لاجسٹک اور پیشہ ورانہ خدمات جیسے شعبوں میں نئی ​​ملازمتیں پیش کر رہی ہے۔ نیتی آیوگ نے ​​پیش گوئی کی ہے کہ ہندوستان میں گگ معیشت 25-2024 میں ایک کروڑ سے زیادہ کارکنوں کو ملازمت دے گی، اس کے بعد 30-2029 تک یہ تعداد 2.35 کروڑ تک پہنچ جائے گی۔

ملک کی معیشت میں گگ اور پلیٹ فارم کارکنوں کے تعاون کو تسلیم کرتے ہوئے، مرکزی بجٹ 26-2025 کے اعلان میں (i) ای شرم پورٹل پر آن لائن پلیٹ فارم کارکنوں کی رجسٹریشن، (ii) شناختی کارڈ جاری کرنے، اور (iii) آیوشمان بھارت پردھان منتری جن آروگیہ یوجنا (اے بی-پی ایم جے اے وائی) کے تحت صحت کی دیکھ بھال کے احاطہ کے انتظامات ہیں۔

اے بی-پی ایم جے اے وائی ہیلتھ اسکیم ہندوستان کے 31,000 سے زیادہ سرکاری اور نجی اسپتالوں میں ثانوی اور ترتیری دیکھ بھال کے اسپتال میں داخل ہونے کے لیے فی خاندان 5 لاکھ روپے سالانہ کا کور فراہم کرتی ہے۔

بجٹ کی ان دفعات کے جلد نفاذ کے لیے وزارت محنت و روزگار جلد ہی اس اسکیم کا آغاز کر رہی ہے۔ پہلے قدم کے طور پر، وزارت پلیٹ فارم کارکنوں سے درخواست کرتی ہے کہ وہ ای-شرم پورٹل پر خود کو رجسٹر کرائیں، تاکہ ان پر جلد از جلد اسکیم کے تحت ہونے والے فوائد پر غور کیا جا سکے۔

پلیٹ فارم ایگریگیٹر اس معلومات کو ان کے ساتھ مصروف پلیٹ فارم کارکنوں کے درمیان پھیلانے اور انہیں ای-شرم پورٹل پر رجسٹر کرنے میں سہولت فراہم کرنا ہے۔

پلیٹ فارم کارکن وزارت کے ای-شرم پورٹل پر جا سکتے ہیں اور ترجیحی بنیاد پر اپنا رجسٹریشن مکمل کر سکتے ہیں۔ ای شرم پورٹل کا لنک ذیل میں دیا گیا ہے: https://register.eshram.gov.in

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ن م(

7991