سماجی انصاف اور بااختیار بنانے کے محکمہ ، سماجی انصاف اور بااختیار بنانے  کی مرکزی وزارت نے راشٹریہ کرم یوگی جن سیوا پروگرام کے پہلے بیچ کا کامیابی کے ساتھ افتتاح کیا۔ کیپسٹی بلڈنگ کمیشن کی طرف سے شروع کی گئی اس پہل کا مقصد سرکاری اہلکاروں میں سیوا بھاو (خدمت کا جذبہ) کے مضبوط احساس کو فروغ دینا ہے جو حل پر مبنی، ہمدرد، اور شہری توجہ مرکوز ہیں۔

اس پروگرام میں چار مختصر تربیتی سیشن (ہر ایک میں تقریباً 1.5 گھنٹے) شامل ہیں، جو کھلے مباحثوں، ٹیم ورک، اور خدمت پر مبنی بیانیے کے ذریعے عملی مسائل کے حل کی حوصلہ افزائی کے لیے ڈیزائن کیے گئے ہیں۔ سماجی انصاف اور امپاورمنٹ کے محکمہ میں راشٹریہ کرم یوگی جن سیوا پروگرام 5 سے 11 مارچ 2025 تک ڈاکٹر امبیڈکر انٹرنیشنل سینٹر، نئی دہلی میں جاری رہے گا۔

پروگرام کا افتتاح جناب امیت یادو، سکریٹری، ڈی او ایس جے ای  نے کیا، جنہوں نے اپنے خطاب میں سرکاری خدمت کے بنیادی مقصد پر زور دیا۔ انہوں نے کہا، ‘‘ہم میں سے بہت سے لوگ کچھ الگ ہٹ کر کرنے کے جذبے کے ساتھ عوامی خدمت میں داخل ہوتے ہیں۔ تاہم، وقت گزرنے کے ساتھ، روزمرہ کے معمولات اور شہریوں کا محدود تعامل ہمیں اس مقصد سے محروم کر سکتا ہے۔ یہ پروگرام اس بات کی یاد دہانی کے طور پر کام کرتا ہے کہ ہم کیوں خدمت کرتے ہیں - لوگوں کی زندگیوں میں بامعنی تبدیلی لانے کے لیے۔ سرکاری ملازمین کا ہر عمل ملک کی ترقی میں معاون ہوتا ہے۔

اس کے علاوہ ،جناب  یادو نے عوامی خدمت میں ذاتی ترقی اور خود کو پورا کرنے کی اہمیت کو اجاگر کیا۔ انہوں نے اس بات پر زور دیا کہ شہریوں کی بات چیت گورننس کا مرکز ہے، اور کس طرح حکام عوام کے ساتھ مشغول ہوتے ہیں، خدشات کو دور کرتے ہیں، اور مسائل کو حل کرتے ہیں موثر انتظامیہ میں اہم کردار ادا کرتے ہیں۔ پروگرام کے نام کے فلسفے پر بات کرتے ہوئے، انہوں نے مزید کہا، ‘‘کرم یوگی ہماری قوم، اپنے محکمہ، اپنے شہریوں اور اپنے تئیں ہمارے فرض کی نشاندہی کرتا ہے۔ یہ اقدام ہر افسر کے لیے قائدانہ صلاحیتوں کو فروغ دینے، حل پر مبنی نقطہ نظر کو اپنانے اور اپنے کردار میں سیوا بھاو کو اپنانے کا ایک موقع ہے۔

تربیتی سیشنز کی قیادت ماسٹر ٹرینرز - محترمہ کاجل سنگھ (ڈائریکٹر) اور جناب  پسپیندر سنگھ (ڈپٹی سکریٹری)، ڈی او ایس جی ای  کر رہے ہیں، محترمہ شپرا سنگھ (پروگرام کوآرڈینیٹر)، کیپیسٹی بلڈنگ کمیشن کے تعاون سےسیشن میں حاضرین کی فعال شرکت کا مشاہدہ کیا گیا، جنہوں نے سماجی انصاف اور بااختیار بنانے کے محکمے کے اندر اپنے کرداروں اور ذمہ داریوں اور قوم کی تعمیر میں اس کی اہم شراکت کے بارے میں گہری سمجھ حاصل کی۔ محکمہ کے وژن اور مشن پر تبادلہ خیال کیا گیا۔

تربیتی ماڈیولز پر گفتگو کرتے ہوئے، شرکاء کو عملی، حقیقی دنیا کے سیاق و سباق کے ساتھ فراہم کرتے ہوئے ملک گیر فلاحی اقدامات اور مہمات کے کامیاب نفاذ سے متعلق بصیرت کا حوالہ دیا گیا۔ اس کے علاوہ ، پالیسی کی تشکیل، شکایات کے ازالے، قانونی فریم ورک، اور سماجی انصاف کی اسکیموں تک رسائی میں آسانی کو بڑھانے میں محکمہ کے کردار کے اہم پہلوؤں پر پروگرام کے مقاصد کے ساتھ ہم آہنگی میں غور کیا گیا۔ اس نقطہ نظر نے شرکاء کو پروگرام کے سیکھنے کو اپنی روزمرہ کی ذمہ داریوں سے جوڑنے کے قابل بنایا۔

***

ش ح۔ام۔ ف ر

 (U: 7893)