பிரதமர் திரு நரேந்திர மோடி தமது மனதின் குரல் உரையின் போது விடுத்த அழைப்பை ஏற்று, ஆயுஷ் அமைச்சகத்தின் கீழ் உள்ள நிறுவனங்கள் ‘ஒரு நாள் விஞ்ஞானி’ முயற்சியில் இளம் மாணவர்களை தீவிரமாக ஈடுபடுத்தியுள்ளன. இந்தத் திட்டம் ஆர்வமுள்ள மனங்களுக்கு அறிவியல் ஆராய்ச்சியில் ஆழ்ந்த அனுபவத்தை வழங்கியுள்ளது, ஆய்வக வேலைகள், மேம்பட்ட உபகரணங்கள் மற்றும் நவீன விஞ்ஞான முன்னேற்றங்களுடன் பாரம்பரிய மருத்துவத்தின் ஒருங்கிணைப்பு ஆகியவற்றை நேரடியாக வழங்குகிறது.

மாதாந்திர வானொலி நிகழ்ச்சி மூலம் நாட்டு மக்களுக்கு உரையாற்றிய பிரதமர், மாணவர்களின் ஆர்வத்தை வளர்க்கவும், அறிவியல் மனப்பான்மையை வளர்க்கவும் ஆராய்ச்சி கூடங்கள், கோளரங்கங்கள், விண்வெளி மையங்கள் மற்றும் அறிவியல் நிறுவனங்களுக்குச் செல்லுமாறு மாணவர்களை ஊக்குவித்தார். இந்தப் பார்வையால் ஈர்க்கப்பட்டு, ஆயுஷ் நிறுவனங்கள் மாணவர்களை தங்கள் ஆராய்ச்சி கூடங்களுக்கு  வரவேற்றன, அவர்கள் விஞ்ஞானிகளுடன் தொடர்பு கொள்ளவும், அதிநவீன தொழில்நுட்பத்தை ஆராயவும், முக்கிய சுகாதாரத்தில் ஆயுஷ் அமைப்புகளின் பரந்த திறனைப் புரிந்துகொள்ளவும் அனுமதித்தது.

முன்முயற்சியின் ஒரு பகுதியாக, ஜெய்ப்பூரில் உள்ள அமிட்டி பல்கலைக்கழக மாணவர்கள், பிப்ரவரி 19, 2025 அன்று, ஜெய்ப்பூர் தேசிய ஆயுர்வேத நிறுவனத்திற்கு சென்றனர்.   புதுமையான தொழில்நுட்பத்தில் மாணவர்கள் ஆர்வத்தை வெளிப்படுத்தினர், சுகாதார ஆராய்ச்சியை மேம்படுத்துவதில் அதன் திறனை உணர்ந்தனர்.

இதேபோல், பிப்ரவரி 28, 2025 அன்று, குடிவாடாவில் உள்ள டாக்டர். குருராஜு அரசு ஓமியோபதி மருத்துவக் கல்லூரி  மாணவர்கள்,  தேசிய அறிவியல் தினத்தை முன்னிட்டு ஹோமியோபதி ஆராய்ச்சிக்கான மத்திய கவுன்சிலின் (சிசிஆர்ஹெச்) கீழ், குடிவாடா பிராந்திய ஆராய்ச்சி நிறுவனத்தின்  ஆராய்ச்சி ஆய்வகத்தை பார்வையிட்டனர்.  ஹோமியோபதியில் பயன்படுத்தப்படும் ஆய்வக உபகரணங்கள் மற்றும் ஆராய்ச்சி முறைகள் பற்றிய விரிவான செயல்விளக்கத்தை ஆய்வக ஊழியர்கள் மாணவர்களுக்கு வழங்கினர்.

 ஹரியானாவில் உள்ள கேப்டன் ஜெய்லால் அகாடமிக் பள்ளியைச் சேர்ந்த மாணவர்கள், ஆயுஷ் ஆராய்ச்சியில் நுண்ணறிவு மற்றும் ஆழ்ந்த அனுபவத்திற்காக ஜஜ்ஜரில் உள்ள யோகா மற்றும் இயற்கை மருத்துவத்திற்கான மத்திய ஆராய்ச்சி நிறுவனத்திற்கு பயணம் செய்தனர். யோகா மற்றும் இயற்கை மருத்துவத்தின் பின்னணியில் உள்ள அறிவியல் கோட்பாடுகளை ஆராயவும், ஆராய்ச்சியாளர்களுடன் தொடர்பு கொள்ளவும், நவீன அறிவியல் முறைகள் மூலம் பாரம்பரிய சிகிச்சை முறைகள் எவ்வாறு ஆய்வு செய்யப்படுகின்றன என்பதை நேரடியாகக் காணவும் இந்த வருகை இளம் மனங்களுக்கு ஒரு தனித்துவமான வாய்ப்பை வழங்கியது.

இந்தப் பயணங்களில்  கலந்து கொண்ட மாணவர்கள் இந்த வாய்ப்பிற்கான உற்சாகத்தையும் பாராட்டுகளையும் தெரிவித்தனர். ஆயுஷ் துறையில் பணிபுரியும் விஞ்ஞானிகள் மற்றும் ஆராய்ச்சியாளர்களின் அர்ப்பணிப்பால் பலர் ஈர்க்கப்பட்டனர். பாரம்பரிய மருத்துவ ஆராய்ச்சியில் வாழ்க்கையை ஆராய விருப்பம் தெரிவித்தனர். ஆசிரிய உறுப்பினர்கள் மற்றும் நிறுவனப் பிரதிநிதிகளும் இந்த முயற்சியைப் பாராட்டினர், இதுபோன்ற தொடர்புகள் மாணவர்களுக்கு அறிவியல் செயல்முறைகள் மற்றும் சுகாதாரக் கண்டுபிடிப்புகளில் வாழ்க்கைப் பாதைகள் பற்றிய ஆழமான புரிதலை எவ்வாறு வழங்குகின்றன என்பதைக் குறிப்பிட்டனர்.

இந்தப் பயணங்களை எளிதாக்குவதன் மூலம், ஆயுஷ் அமைச்சகம் இளம் மனதுக்குள் அறிவியல் மனோபாவம் மற்றும் ஆர்வத்தை வளர்ப்பதற்கான அதன் உறுதிப்பாட்டை வலுப்படுத்தியுள்ளது. நேர்மறையான பதிலால் ஊக்குவிக்கப்பட்ட அமைச்சகம், பாரம்பரிய அறிவுக்கும் நவீன அறிவியல் ஆய்வுக்கும் இடையே உள்ள இடைவெளியைக் குறைக்கும் அதேபோன்ற முயற்சிகளை விரிவுபடுத்துவதை எதிர்நோக்குகிறது.

***

PKV/KV