زراعت اور کسانوں کی بہبود کی وزارت، کل بجٹ کے بعد’’زراعت اور دیہی خوشحالی‘‘ کے موضوع پر ایک روزہ ویبنار منعقد کر رہی ہے ۔  وزیر اعظم جناب نریندر مودی کلیدی خطبہ دیں گے، اس میں تمام مرکزی وزراء شامل ہوں گے ۔  وزیر زراعت جناب شیوراج سنگھ چوہان کل سہ پہر 3:30 بجے اپنے خیالات کا اظہار کریں گے۔  اس ویبنار کا مقصد متعلقہ فریقوں کو مرکوز بحث و مباحثے میں شامل کرنا اور  2025 کے بجٹ اعلانات کے موثر نفاذ کی حکمت عملی مرتب کرنا ہے۔  یہ پروگرام ، جو ایک ویبنار کی شکل میں طے کیا گیا ہے، زراعت کی ترقی اور دیہی خوشحالی سے متعلق اہم شعبوں پر توجہ مرکوز کرے گا ، جس سے بجٹ میں بیان کردہ وژن کو عملی جامہ پہنانے کے لیے ایک باہمی تعاون کے نقطہ نظر کو یقینی بنایا جاسکے گا۔  اس کے علاوہ، یہ ویبنار بنیادی ، ذیلی تھیم پر مبنی ویبنار کے ذریعے ’’زراعت اور دیہی خوشحالی‘‘ کے لیے 2025 کے بجٹ کے نفاذ میں نجی شعبے کے ماہرین ، صنعت کے نمائندوں اور موضوعاتی ماہرین سمیت کلیدی متعلقہ فریقوں کو یکجا کرنے کے لیے بھی ہے ، جس کا  مقصد بات چیت کو آسان بنانا ، بصیرت افروز خیالات کو یکجا کرنا  اور مقررہ اہداف کے حصول کے لیے بروقت اور مربوط اقدامات کو یقینی بنانا ہے۔  یہ ویبنار کل صبح 10 بجے شروع ہوگا اور سات سے آٹھ مقررین مختلف موضوعات پر اپنے خیالات پیش کریں گے۔  اس کے علاوہ وزیر اعظم  دن میں ساڑھے بارہ بجے ورچوئل وسیلے سے کلیدی خطاب کریں گے۔

۔۔۔۔۔۔۔۔۔۔۔۔۔۔۔۔۔

ش ح۔ ش م ۔ م ر

Urdu No. 7651