مالی سال 24-2023 میں ریکارڈ پیداوار کی سطح تک پہنچنے کے بعد،مالی سال 25-2024 (اپریل-جنوری) کے دوران، ملک میں کچھ اہم معدنیات کی پیداوار میں مسلسل اضافہ دیکھنے میں آیا ہے۔ قیمت کے لحاظ سے کل ایم سی ڈی آر معدنی پیداوار کا 70فیصد لوہے کا ہے۔ مالی سال 24-2023 میں لوہے کی پیداوار 274 ملین میٹرک ٹن (ایم ایم ٹی) تھی۔

عارضی اعداد و شمار کے مطابق، خام لوہے کی پیداوار مالی سال 24-2023 (اپریل-جنوری) میں 228 ایم ایم ٹی سے بڑھ کر مالی سال 25-2024 (اپریل-جنوری) میں 236 ایم ایم ٹی ہو گئی ہے، جو کہ مثبت 3.5 فیصد اضافہ دکھاتی ہے۔ مالی سال 25-2024 (اپریل-جنوری) میں مینگنیز کی پیداوار 11.1 فیصد بڑھ کر 3.0 ایم ایم ٹی ہوگئی ہے جو پچھلے سال کی اسی مدت کے دوران 2.7 ایم ایم ٹی تھی۔ کرومائیٹ کی پیداوار مالی سال 25-2024 (اپریل-جنوری) میں 8.7فیصد بڑھ کر 2.5 ایم ایم ٹی ہو گئی ہے جو پچھلے سال کی اسی مدت کے دوران 2.3 ایم ایم ٹی تھی۔ مزید برآں، باکسائٹ کی پیداوار بھی مالی سال 25-2024 (اپریل-جنوری) میں 5.6فیصد بڑھ کر 20.6 ایم ایم ٹی ہو گئی ہے جو مالی سال 2023-24 (اپریل-جنوری) میں 19.5 ایم ایم ٹی تھی۔

غیر آہنی دھات کے شعبے میں، مالی سال 25-2024 (اپریل-جنوری) میں بنیادی ایلومینیم کی پیداوار میں گزشتہ سال کی اسی مدت کے مقابلے میں 1.2 فیصد اضافہ ہوا، جو مالی سال 25-2024 (اپریل-جنوری) میں بڑھ کر 35.10 لاکھ ٹن (ایل ٹی ) تک پہنچ گیا۔ جو مالی سال 24-2023(اپریل-جنوری) میں 34.67 ایل ٹی تھا۔ اسی تقابلی مدت کے دوران، بہتر تانبے کی پیداوار 4.19 ایل ٹی سے 4.50 ایل ٹی تک 7.4 فیصد بڑھ گئی ہے۔

ہندوستان ایلومینیم پیدا کرنے والادنیا کا دوسرا سب سے بڑا ملک ہے۔ ریفائنڈ کاپر پیدا کرنے میں چوٹی کے 10 ملکوں میں اس کا شمار ہوتا ہے اور ہندوستان دنیا میں لوہا پیدا کرنے والا چوتھا سب سے بڑا ملک ہے۔ موجودہ مالی سال میں خام لوہے کی پیداوار میں مسلسل اضافہ صارف کی صنعت میں مانگ کے مضبوط حالات کی عکاسی کرتا ہے۔ اسٹیل ایلومینیم اور تانبے میں ترقی کے ساتھ، ترقی کے یہ رجحانات صارف کے شعبوں جیسے توانائی، بنیادی ڈھانچے، تعمیرات، آٹوموٹو اور مشینری میں مسلسل مضبوط اقتصادی سرگرمیوں کی طرف اشارہ کرتے ہیں۔ 

 

************

ش ح ۔   م  د ۔  م  ص

 (U :    7624 )

(Release ID: 2106719) Visitor Counter : 14