மத்திய அறங்காவலர் வாரிய செயற்குழுவின் 112-வது கூட்டம், பிப்ரவரி 25, 2025 அன்று புதுதில்லியில் உள்ள தொழிலாளர் வருங்கால வைப்பு நிதி அமைப்பின் (இ.பி.எஃப்.ஓ) தலைமை அலுவலகத்தில் தொழிலாளர் மற்றும் வேலைவாய்ப்பு அமைச்சகத்தின் செயலாளர் திருமதி சுமிதா தவ்ரா தலைமையில் நடைபெற்றது. மத்திய வருங்கால வைப்பு நிதி ஆணையர் திரு ரமேஷ் கிருஷ்ணமூர்த்தி, மத்திய தொழிலாளர் மற்றும் வேலைவாய்ப்பு அமைச்சகத்தின் மூத்த அதிகாரிகள் உள்ளிட்டோர் இந்தக் கூட்டத்தில் கலந்து கொண்டனர்.

இ.பி.எஃப்.ஓ அதிகாரிகள் மற்றும் ஊழியர்களுக்கான ஒருங்கிணைந்த ஓய்வூதியத் திட்டத்தை செயற்குழு முறையாக ஏற்றுக்கொண்டது. இது தேசிய ஓய்வூதிய முறையின் (என்.பி.எஸ்) கீழ் உள்ள இ.பி.எஃப்.ஓ ஊழியர்களுக்கு கட்டமைக்கப்பட்ட மற்றும் உறுதியளிக்கப்பட்ட ஓய்வூதிய கட்டமைப்பை நிறுவுவதற்கான ஒரு குறிப்பிடத்தக்க  முயற்சியைக் குறிக்கிறது. ஏப்ரல் 1, 2025 முதல், ஒருங்கிணைந்த ஓய்வூதியத் திட்டம், ஓய்வுக்குப் பிந்தைய நிதிப் பாதுகாப்பை உறுதி செய்கிறது, குடும்ப ஓய்வூதிய ஏற்பாடுகள் மற்றும் அகவிலை நிவாரண சரிசெய்தல் போன்ற கூடுதல் நன்மைகளுடன் குறைந்தபட்ச உத்தரவாத ஓய்வூதியத்தை வழங்குகிறது.

2025 ஜனவரியில்  அனைத்து பிராந்திய அலுவலகங்களிலும் செயல்படுத்தப்பட்ட மையப்படுத்தப்பட்ட ஓய்வூதிய கொடுப்பனவு முறை (சி.பி.பி.எஸ்) நேர்மறையான விளைவுகளை அளிக்கத் தொடங்கியுள்ளது என்று செயற்குழுவிற்கு  தெரிவிக்கப்பட்டது.

டிஜிட்டல் மாற்றம் மற்றும் உறுப்பினரை மையமாகக் கொண்ட சீர்திருத்தங்கள், விரைவான உரிமைகோரல் தீர்வுகள், தடையற்ற ஓய்வூதிய பட்டுவாடா மற்றும் அதன் உறுப்பினர்களுக்கு மேம்பட்ட சேவை வழங்கல் ஆகியவற்றை உறுதி செய்வதற்கான தனது உறுதிப்பாட்டை இ.பி.எஃப்.ஓ மீண்டும் உறுதிப்படுத்தியது. முன்னேற்றத்தை மறுஆய்வு செய்ய ஒரு மாதத்திற்குள் மீண்டும் கூடுவதற்கு செயற்குழு முடிவு செய்தது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2106480

***

RB/DL