کول انڈیا کی ذیلی کمپنی ساؤتھ ایسٹرن کول فیلڈز لمیٹڈ (ایس ای سی ایل)، وزارت کوئلہ کی رہنمائی میں، فرسٹ مائل کنیکٹیویٹی (ایف ایم سی) پروجیکٹوں کے ذریعے اپنی کانوں سے کوئلے کے محفوظ اور پائیدار طریقے سے نکالنے کو بڑھانے کی کوششوں کو تیز کر رہی ہے۔

ایک اہم سنگ میل میں، ایس ای سی ایل کے ڈپکا میگا پراجیکٹ نے 21 فروری 2025 کو اپنے نئے بنائے گئے ریپڈ لوڈنگ سسٹم اور سائلوس 3 اور 4 سے پہلے کول ریک لوڈ کر کے کامیابی کے ساتھ کام شروع کیا، جو کہ ماحول دوست اور موثر کوئلے کی نقل و حمل کو فروغ دینے میں ایک اہم قدم ہے۔

نئے کمیشن شدہ ڈپکا سی ایچ پی-سیلو ایف ایم سی پروجیکٹ کی سالانہ کوئلہ نکالنے کی گنجائش 25 ملین ٹن ہے، جس سے میگا پروجیکٹ کی ترسیل کی کارکردگی میں نمایاں بہتری آئی ہے۔

نئے سائلو کے شروع ہونے سے پہلے، ڈپکا 15 ایم ٹی پی اے کی صلاحیت کے ساتھ میری-گو-راؤنڈ (ایم جی آر) ڈسپیچ سسٹم پر انحصار کرتا تھا۔

دپیکا سی ایچ پی-سیلو ایف ایم سی پروجیکٹ کے سائلو 3 کا فضائی منظر

 

سائلو 3 اور 4 کے شروع ہونے کے ساتھ، ڈپکا کی کوئلے کی ترسیل کی کل صلاحیت اب بڑھ کر 40 ملین ٹن سالانہ ہو گئی ہے، جو نقل و حمل کے بنیادی ڈھانچے کو پیداواری سطح کے ساتھ مؤثر طریقے سے ہم آہنگ کرتی ہے۔

کوئلہ کی وزارت کی رہنمائی میں، ایس ای سی ایل نے پی ایم گتی شکتی پلان کے تحت ایف ایم سی بنیادی ڈھانچے کی ترقی کو ترجیح دی ہے۔ ایس ای سی ایل نے 233 ایم ٹی پی اے کی مجموعی صلاحیت کے ساتھ 17 فرسٹ مائل کنیکٹیویٹی (ایف ایم سی) منصوبے شروع کیے ہیں۔

ان میں سے، 151 ایم ٹی پی اے کی کل صلاحیت کے ساتھ 9 منصوبے پہلے ہی شروع کیے جا چکے ہیں جو کوئلے کی نقل و حمل کو جدید بنانے کے لیے کمپنی کے عزم کو ظاہر کرتے ہیں۔ 82 ایم ٹی پی اے کی صلاحیت کے باقی 8 ایف ایم سی منصوبے ترقی کے مختلف مراحل میں ہیں اور انہیں اگلے 2-3 سال میں کمیشن کرنے کا ہدف ہے۔

ایف ایم سی  وسیع پیمانے پر ایک موثر اور ماحول دوست کوئلے کی نقل و حمل کے طریقے کے طور پر پہچانا جاتا ہے۔ ڈپکا میں ایف ایم سی بنیادی ڈھانچے کا نفاذ متعدد فوائد لاتا ہے:

• بہتر کارکردگی اور درست لوڈنگ، ریک میں کوئلے کی انڈر لوڈنگ اور اوورلوڈنگ دونوں کو کم سے کم کرتا ہے۔
•  تیز لوڈنگ کے اوقات جس سے کُل وقت کم ہوتا ہے اور ریک کی دستیابی بہتر ہوتی ہے۔
•  کوئلے کے معیار میں اضافہ، آلودگی اور نقصانات کو کم کرنا۔
•  سڑک کی نقل و حمل پر کم انحصار، جس سے ڈیزل کے اخراجات میں بچت ہوتی ہے اور صاف ستھرا ماحول ہوتا ہے۔

ان نئے سائلوز کو شروع کرنا ایس ای سی ایل، انڈین ریلویز، اور کوئلے کے صارفین کے لیے رسد کو ہموار کرنے، کوئلے کی نقل و حرکت کو بہتر بنانے، اور ماحولیاتی اثرات کو کم کر کے ایک جیت کی صورت حال کی نمائندگی کرتا ہے۔

************

ش ح ۔   م  د ۔  م  ص

 (U : 7462)

(Release ID: 2105512) Visitor Counter : 12