மத்திய  நுகர்வோர் விவகாரத் துறை , கல்வித் துறையில் 600க்கும் மேற்பட்ட ஆர்வலர்கள் மற்றும் மாணவர்களுக்காக  ரூ 1.56 கோடியைத் திரும்பப் பெற்றுள்ளது. சிவில் சர்வீசஸ், இன்ஜினியரிங் படிப்பு மற்றும் பிற திட்டங்களுக்கான பயிற்சி மையங்களில் பதிவுசெய்யப்பட்ட இந்த மாணவர்களுக்கு, பயிற்சி நிறுவனங்களால் வகுக்கப்பட்ட விதிமுறைகள் மற்றும் நிபந்தனைகளைப் பின்பற்றிய போதிலும், முன்னர் பணத்தைத் திரும்பப் பெறுவது மறுக்கப்பட்டது.

தேசிய நுகர்வோர் உதவி எண்  வழியாக மாணவர்கள் தாக்கல் செய்த குறைகளின் மூலம் இந்த நிவாரணம் சாத்தியமானது, இது தகராறு தீர்விற்கான நெறிப்படுத்தப்பட்ட செயல்முறையை எளிதாக்கியது. துறையின் விரைவான நடவடிக்கை, மாணவர்கள் நிறைவேற்றப்படாத சேவைகள், தாமதமான வகுப்புகள் அல்லது ரத்து செய்யப்பட்ட படிப்புகளுக்கான இழப்பீட்டைப் பெற உதவியது.

அதன் தீர்க்கமான திசையில், நுகர்வோர் விவகாரத் துறை, மாணவர்களின் நிதி நலன்களைப் பாதுகாக்க தெளிவான, வெளிப்படையான பணத்தைத் திரும்பப்பெறும் கொள்கைகளை கட்டாயமாக்கி, மாணவர்களை மையமாகக் கொண்ட அணுகுமுறையை பின்பற்றுமாறு அனைத்து பயிற்சி மையங்களுக்கும் அறிவுறுத்தியுள்ளது. நுகர்வோர் உரிமைகளை நிலைநிறுத்த கல்வி நிறுவனங்களை வலியுறுத்தி, முறையான பணத்தைத் திரும்பப்பெறும் உரிமைகோரல்களை மறுக்கும் அநியாயமான நடைமுறை இனி அனுமதிக்கப்படாது என்றும் துறை  தெளிவுபடுத்தியுள்ளது.

நுகர்வோர் விவகாரங்கள் துறை , அதன் செயலூக்கமான முயற்சிகளின் மூலம், புகார்களைத் தீர்க்கும் பொறிமுறையை வலுப்படுத்தவும், அவர்களின் நுகர்வோர் உரிமைகள் குறித்து மாணவர்களுக்குக் கற்பிக்கவும், நியாயமற்ற முறையில் நடத்தப்பட்டால் நடவடிக்கை எடுக்க அவர்களுக்கு அதிகாரம் அளிக்கவும் உறுதியளித்துள்ளது.

நீதிக்கான தேடலில் மாணவர்கள் மற்றும் ஆர்வலர்களை மேம்படுத்துவதில் தேசிய நுகர்வோர் உதவி எண் ஒரு முக்கிய ஆதாரமாக நிரூபிக்கப்பட்டுள்ளது. பல மாணவர்கள் தங்கள் நேர்மறையான அனுபவத்தைப் பகிர்ந்துகொண்டனர், பணத்தைத் திரும்பப்பெறும் உரிமைகோரல்களின் சிக்கல்களைத் தீர்ப்பதற்கும் சரியான நேரத்தில் தீர்மானங்களை வழங்குவதற்கும் உதவி எண் அவர்களுக்கு எவ்வாறு உதவியது என்பதை எடுத்துக்காட்டுகிறது.

தளத்தின் மூலம், தனிநபர்கள் நீடித்த சட்டப் போராட்டங்கள் தேவையில்லாமல், நேரத்தையும் சக்தியையும் மிச்சப்படுத்துவதுடன், நியாயமான விளைவுகளை உறுதிசெய்து பிரச்சினைகளைத் தீர்க்க முடிந்தது.

முன்முயற்சியின் ஒரு பகுதியாக, மாணவர் உரிமைகளுக்காக துறை  தொடர்ந்து வாதிடுகிறது. இதுபோன்ற சிக்கல்களை எதிர்கொள்ளும் அனைத்து மாணவர்களையும் விரைவான தீர்வுக்காக தேசிய நுகர்வோர் உதவி எண் தளத்தைப் பயன்படுத்த ஊக்குவிக்கிறது. வெளிப்படைத்தன்மை, பொறுப்புடைமை  மற்றும் மாணவர்-நட்பு அணுகுமுறை ஆகியவற்றை உறுதிசெய்யும் வகையில், பயிற்சி மையங்கள் வகுக்கப்பட்ட வழிகாட்டுதல்களைக் கடைப்பிடிக்க வேண்டும் என்றும் துறை வலியுறுத்துகிறது.

மேலும் விவரங்களுக்கு இந்த ஆங்கில செய்திக்குறிப்பைக் காணவும் https://pib.gov.in/PressReleasePage.aspx?PRID=2105466

***

PKV/DL