دس فروری 2025 کو، کچھ بے قابو مسافروں نے مدھوبنی ریلوے اسٹیشن پر ٹرین نمبر 12561 سواتنترتا سینانی ایکسپریس (سابق جے نگر- نئی دہلی) کے اے سی کوچز کی 73 شیشے کی کھڑکیوں کو نقصان پہنچایا۔ جس سے ریلوے مسافروں میں خوف و ہراس پھیل گیا۔ شرپسندوں نے اس بات کا فائدہ اٹھایا کہ مدھوبنی میں آر پی ایف یا جی آر پی پوسٹ نہیں ہے۔ ریلوے املاک کو نقصان پہنچانے کی واردات کے بعد شر پسندفرار ہوگئے۔

توڑ پھوڑ کی اس کارروائی کے جواب میں، ریلوے پروٹیکشن فورس، ایسٹ سنٹرل ریلوے نے ریلوے ایکٹ کی دفعہ 145(ب)، 146، 153 اور 174(الف) کے تحت  مقدمہ درج کرکے فوری کارروائی کی۔ مجرموں کی شناخت اور انہیں انصاف کے کٹہرے میں لانے کے لیے آر پی ایف کی ایک خصوصی ٹیم تشکیل دی گئی تھی۔

خصوصی ٹیم کی انکوائری کے دوران ذرائع سے اور تکنیکی شواہد کے ذریعے معلومات اکٹھی کی گئیں جس کے نتیجے میں ایک نوجوان کی شناخت اور گرفتاری عمل میں آئی، جو اس واقعے میں ملوث پایا گیا۔ اس نے واقعے میں اپنے ملوث ہونے کا اعتراف کرتے ہوئے افسوس کا اظہار کیا ہے۔ توڑ پھوڑ کے اسی طرح کے دیگر واقعات میں ملوث دیگر افراد کی شناخت اور گرفتاری کے لیےمقدمہ کی انکوائری سرگرمی سے جاری ہے۔ آر پی ایف ریلوے املاک کو تباہ کرنے؍ نقصان پہنچانے کی کارروائیوں میں ملوث شرپسندوں کے خلاف سخت کارروائی کرنے کے لیے پرعزم ہے۔

ریلوے کی جائیداد ایک قومی اثاثہ ہے، اور ریلوے کی املاک کو نقصان پہنچانے کا کوئی بھی عمل غیر قانونی ہے۔ آر پی ایف نے مسافروں کی حفاظت اور حفاظت کو یقینی بنانے اور ریلوے کے بنیادی ڈھانچے کی حفاظت کے لیے ریاستی حکومت اورجی آرپی  حکام کے ساتھ تال میل میں ضروری حفاظتی انتظامات کیے ہیں۔

پوری عزم کے ساتھ مسافروں کی حفاظت کو یقینی بناتے ہوئےآر پی ایف اس طرح کی غیر قانونی سرگرمیوں میں ملوث افراد کے خلاف سخت کارروائی کرنے کے لیے بھی پابند عہد ہے۔ ہم عوام سے اپیل کرتے ہیں کہ وہ غیر قانونی سرگرمیوں اور کاموں میں ملوث ہونے سے گریز کریں جس سے عوامی تحفظ کو خطرہ ہو۔

ریلوے ایکٹ 1989 کے سیکشن 153 میں کہا گیا ہے کہ جو کوئی بھی ریلوے پر سفر کرنے والے کسی شخص کی حفاظت کو خطرے میں ڈالتا ہے اسے پانچ سال تک قید کی سزا ہو سکتی ہے۔ اس میں ریلوے رولنگ اسٹاک میں رکاوٹ ڈالنا یا رکاوٹ ڈالنے کی کوشش شامل ہے۔ ریلوے ایکٹ 1989 کی دفعہ 174(الف)ٹرین یا دیگر رولنگ اسٹاک میں رکاوٹ ڈالنے کے جرم کا احاطہ کرتی ہے۔ دفعہ 174(الف)کے تحت جرم کی سزا دو سال تک قید، دو ہزار روپے تک جرمانہ یا دونوں ہیں۔

***

(ش ح۔اص)

UR No 7400