नवी दिल्ली, 20 फेब्रुवारी 2025

भारतीय लष्कर, भारतीय वायुसेना आणि भारतीय नौदल यांच्यासाठी एकूण  697.35 कोटी रुपयांच्या 1868 रफ टेरेन फोर्क लिफ्ट ट्रकच्या (RTFLT) खरेदीसाठी,संरक्षण सचिव आर के सिंह यांच्या उपस्थितीत संरक्षण मंत्रालयाने मेसर्स एस लिमिटेड  आणि मेसर्स जेसीबी इंडिया लिमिटेड यांच्याशी  करार केला आहे.

रफ टेरेन फोर्क लिफ्ट ट्रक (आरटीएफएलटी) हे एक महत्त्वपूर्ण उपकरण आहे ज्यामुळे विविध लढाऊ आणि वाहतूक  कार्यांतील प्रत्यक्ष हाताळणी मोठ्या प्रमाणावर टाळता येईल आणि त्यामुळे भारतीय लष्कर,भारतीय वायुसेना आणि भारतीय नौदलाची कार्यक्षमता वाढण्यास मदत होईल.

ही  खरेदी भारतीय असल्याने राष्ट्रीय संरक्षण उपकरणांची उत्पादन क्षमता वाढेल. सुट्या भागांच्या  निर्मितीद्वारे  एमएसएमई क्षेत्राला प्रोत्साहन मिळेल आणि त्यात  प्रत्यक्ष आणि अप्रत्यक्ष रोजगार निर्मितीची अफाट क्षमता आहे.  ही खरेदी भारताच्या संरक्षण पायाभूत सुविधांचे आधुनिकीकरण आणि स्वदेशी उद्योगांना सक्षम बनवण्याच्या दिशेने एक महत्त्वाचे पाऊल असून ती‘आत्मनिर्भर भारत’ चा गौरवशाली ध्वजवाहक आहे.

S.Kane/S.Patgaonkar/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai