انڈین کونسل آف میڈیکل ریسرچ (آئی سی ایم آر) نے مطلع کیا ہے کہ نوزائیدہ اموات کے معاملے کو قومی صحت کی تحقیق کی ترجیح کے طور پر شناخت کیا گیا ہے اور کونسل نے نوزائیدہ اور بچوں کی صحت پر کئی اہم تحقیقی منصوبے شروع کیے ہیں۔

اپنے بڑے اقدامات میں سے، آئی سی ایم آر نے ایک عدد نوزائیدہ اموات کی شرح کو حاصل کرنے کے ہدف کو تقویت دینے، نافذ کرنے اور نگرانی کرنے کے لیے ‘‘سنکلپ’’ پروگرام شروع کیا ہے۔ اس نے مردہ بچوں کی پیدائش کو کم کرنے کے لیے ایک جامع حل پیکج اور ڈیلیوری پالیسیوں کا ایک حسب ضرورت ماڈل تیار کرنے کے لیے تحقیق بھی کی ہے۔ یہ بھارت میں مردہ بچوں کی پیدائش کو روکنے کے لیے شواہد اور حل کے ڈیزائن پر ایک تحقیقی پروجیکٹ - بھارت میں حمل کے کلسٹرز کا تجزیہ کرنے کے لیے ایک باہمی تعاون  پر بھی کام کر رہا ہے ۔

آئی سی ایم آر نے اپنے جدید تحقیقی مراکز کے ذریعے متعدد نفاذی تحقیقی پروجیکٹ شروع کئے ہیں۔ اگست 2024 میں مکمل ہونے والی اس کی حالیہ تحقیق میں سے ایک نے ظاہر کیا کہ ہندوستانی آبادی میں بچپن میں سانس کی بیماریوں کے تغیراتی پروفائل مغربی اعداد و شمار کے مقابلے مختلف ہیں۔ اس نے بچوں کے گردے کی بیماریوں اور نوزائیدہ بیکٹیریل سیپسس کے علاج میں نس کے ذریعے اینٹی بائیوٹکس کے بارے میں بھی اہم مطالعہ کیا۔ آئی سی ایم آر نے زندگی کے پہلے ہزار دن کا پروجیکٹ بھی شروع کیا ہے جس کا مقصد پیدائش کے پہلے 1000 دنوں میں جامع نگہداشت فراہم کرنے کے لیے ایک ماڈل کو ڈیزائن، لاگو اور بہتر بنانا ہے۔

نیشنل انسٹی ٹیوٹ فار ریسرچ ان ری پروڈکٹیو اینڈ چائلڈ ہیلتھ (این آئی آر آر سی ایچ) ، آئی سی ایم آر کے ایک انسٹی ٹیوٹ نے ہندوستان کی چھ ریاستوں (راجستھان، اڈیشہ، تمل ناڈو، مہاراشٹر، مدھیہ پردیش اور گجرات) میں سات مقامات پر نوزائیدہ سیکل اسکریننگ پروگرام پر ایک کثیر مرکزی مطالعہ کیا ہے جس میں 2019 سے سیکل سیل کی بیماری کا زیادہ پھیلاؤ ہے۔ آئی سی ایم آر – این آئی آر آر سی ایچ   نے ریاستی صحت کے نظام کے تعاون سے مہاراشٹر کے پال گھرضلع کے دیہی بلاکس میں راشٹریہ بال سواستھ کاریہ کرم (آر بی ایس کے) کے ساتھ آبادی پر مبنی پیدائشی نقائص کی نگرانی پر ایک مطالعہ سمیت دیگر تحقیق بھی کی ہے۔

اس کے علاوہ، آئی سی ایم آر نے مختلف ریاستوں میں پھیلے ہوئے اپنے درمیانے، چھوٹے اور ایڈہاک گرانٹس کے تحت نوزائیدہ اور بچوں کی صحت کے لیے کئی دیگر پروجیکٹوں کو فنڈ فراہم کیا ہے۔

صحت اور خاندانی بہبود کی وزارت تمام ریاستوں/مرکز کے زیر انتظام علاقوں کو ریاستوں/مرکز کے زیر انتظام علاقوں کی طرف سے پیش کردہ سالانہ پروگرام نفاذی منصوبہ (اے پی آئی پی) کی بنیاد پر قومی صحت مشن (این ایچ ایم) کے تحت تولیدی، زچگی، نوزائیدہ، بچہ، نوعمر صحت اور تغذیہ(آر ایم این سی اےایچ پلس این) حکمت عملی کے نفاذ میں مدد فراہم کرتی ہے۔ نوزائیدہ اور بچوں کی صحت کے نتائج کو بہتر بنانے کے لیے تمام سرگرمیاں تمام ریاستوں/مرکز کے زیر انتظام علاقوں میں جنس، ذات پات اور مذہب کی بنیاد پر امتیاز کے بغیر، قبائلی اور پسماندہ آبادیوں پر خصوصی توجہ کے ساتھ نافذ کی جاتی ہیں۔ ملک بھر میں نوزائیدہ اور بچوں کی بقا کو بہتر بنانے کے لیے کیے گئے کچھ اہم اقدامات درج ذیل ہیں۔

(1)  سہولت پر مبنی نومولود کی دیکھ بھال: خصوصی نوزائیدہ کیئر یونٹس (ایس این سی یو ایس) ضلع ہسپتال اور میڈیکل کالج کی سطح پر قائم کیے گئے ہیں اور نوزائیدہ اسٹیبلائزیشن یونٹس (این بی ایس یو ایس) فرسٹ ریفرل یونٹس ( ایف آر یو ایس)  کمیونٹی ہیلتھ سینٹرز (سی ایچ سی ایس)  میں بیمار اور چھوٹے بچوں کی دیکھ بھال کے لیے قائم کیے گئے ہیں۔

(2)  ماں اور نوزائیدہ بچے کی دیکھ بھال کے یونٹ (ایم این سی یو) ماں اور بچے کو بالکل بھی  علیحدہ نہ کئے جانے کے مقصد سے قائم کیے گئے ہیں ، جن میں چھوٹے اور بیمار بچے بھی شامل ہیں جنہیں نوزائیدہ  کی دیکھ بھال کی ضرورت ہوتی ہے ۔

(3)  کنگارو مدر کیئر (کے ایم سی)  کو سہولت اور کمیونٹی کی سطح پر کم وزن/قبل از وقت پیدائش کے بچوں کے لیے لاگو کیا جاتا ہے جس میں ماں یا خاندان کے اراکین کے ساتھ ابتدائی اور طویل قریبی رابطہ اور بار بار دودھ پلانا شامل ہوتا ہے۔

(4)  نوزائیدہ اور چھوٹے بچوں کی کمیونٹی بیسڈ کیئر: ہوم بیسڈ نوبورن کیئر (ایچ بی این سی)  اور ہوم بیسڈ کیئر آف چلڈرن (ایچ بی وائی سی) پروگراموں کے تحت، بچوں کی پرورش کے طریقوں کو بہتر بنانے اور کمیونٹی میں بیمار نوزائیدہ اور چھوٹے بچوں کی شناخت کرنے کے لیے آشا کارکنان کے ذریعہ گھر گھر دورے کیے جاتے ہیں۔

(5)  جننی  شیشو تحفظ کاریاکرم: (جے ایس ایس کے) ایک سال تک کا بیمار بچہ صحت عامہ کے اداروں میں مفت علاج کا حقدار ہے جس میں مفت نقل و حمل، تشخیص، ادویات، خون اور استعمال کی اشیاء کی فراہمی ہے۔

(6) یونیورسل امیونائزیشن پروگرام (یو آئی پی) بچوں کو جان لیوا بیماریوں سے بچانے کے لیے حفاظتی ٹیکے فراہم کرنے کے لیے لاگو کیا جاتا ہے۔

(7) ماؤں کا مطلق پیار (ایم اے اے) ابتدائی آغاز اور پہلے چھ ماہ کے لیے خصوصی دودھ پلانا اور مناسب شیر خوار اور چھوٹے بچوں کو کھانا کھلانے (آئی وائی سی ایف) کے طریقوں کو ماؤں کا مطلق پیار (ایم اے اے) کے تحت فروغ دیا جاتا ہے ۔

(8) نمونیا کو بے اثر کرنے کے لیے سماجی آگاہی اور ایکشن : (ایس اے اے این ایس) نمونیا کی وجہ سے بچپن کی بیماری اور اموات کو کم کرنے کے لیے 2019 سے جاری ایک پہل۔

(9) اور آر ایس اور زنک کے استعمال کو فروغ دینے اور بچپن کے اسہال کی وجہ سے ہونے والی بیماری اور اموات کو کم کرنے کے لیے اسہال سے بچاؤ کے اقدامات پر عمل درآمد کیا جا رہا ہے۔

(10) راشٹریہ بال سواستھ کاریہ کرم (آر بی ایس کے): راشٹریہ بال سوستھیا کاریاکرم (آر بی ایس کے) 0 سے 18 سال کی عمر کے بچوں کو 32 صحت کی حالتوں (یعنی بیماریوں، کمیوں، نقائص اور نشوونما میں تاخیر) کے لیے اسکریننگ کرتا ہے تاکہ بچے کی بقا کو بہتر بنایا جا سکے۔ ڈسٹرکٹ ارلی انٹروینشن سینٹرز (ڈی ای آئی سی ایس) ضلعی صحت کی سہولت کی سطح پر آر بی ایس کے کے تحت اسکرین کیے جانے والے بچوں کے لیے قائم کیے گئے ہیں۔

(11) طبی پیچیدگیوں کے ساتھ داخل ہونے والے شدید غذائیت کے شکار (ایس اے ایم) بچوں کے علاج اور انتظام کے لیے صحت عامہ کی سہولیات میں غذائی بحالی کے مراکز قائم کیے گئے ہیں۔

(12) پوشن ابھیان کے ایک حصے کے طور پر، انیمیا مکت بھارت (اے ایم بی) کی حکمت عملی کا مقصد موجودہ صحت کے طریقہ کار کو مضبوط کرنا اور خون کی کمی سے نمٹنے کے لیے نئی حکمت عملیوں کو فروغ دینا ہے جس میں اسکول جانے والے نوعمروں اور حاملہ خواتین میں خون کی کمی کی اسکریننگ اور علاج شامل ہے، خون کی کمی کی غیر غذائی وجوہات کو حل کرنا اور ایک جامع مواصلاتی حکمت عملی۔

(13) صلاحیت کی تعمیر: بچوں کی بقا اور صحت کے نتائج کو بہتر بنانے کے لیے صحت کی دیکھ بھال فراہم کرنے والوں کے کئی صلاحیت سازی کے پروگرام شروع کیے گئے ہیں۔ ان میں 2023 میں جاری کردہ حال ہی میں اپ ڈیٹ کردہ پیکجز: (الف) نوزائیدہ اور بچپن کی بیماری کا سہولت پر مبنی مربوط انتظام (ایف-آئی ایم این سی آئی) اور نوزائیدہ اور بچپن کی بیماری کے مربوط انتظام پر نظر ثانی شدہ تربیتی پیکیج (ایف آئی ایم این سی آئی)  ؛ اور (ب) سہولت پر مبنی نوزائیدہ دیکھ بھال (ایف بی این سی) پر نظر ثانی شدہ تربیتی پیکج شامل ہیں۔

انڈین کونسل آف میڈیکل ریسرچ متعلقہ اسٹیک ہولڈرز کے ساتھ باقاعدہ میٹنگز اور مشاورت کرتی ہے جس میں قومی/ریاستی پیڈیاٹرک ایسوسی ایشنز، غیر منافع بخش تنظیمیں، نوزائیدہ اور بچوں کی صحت کی تحقیق کے میدان میں قومی اور بین الاقوامی تعاون کار شامل ہیں۔

صحت اور خاندانی بہبود کے مرکزی وزیر مملکت جناب پرتاپ راؤ جادھو نے آج راجیہ سبھا میں ایک سوال کے تحریری جواب میں یہ جانکاری دی۔

***

ش ح۔ ک ا۔ م ش