قومی شاہراہوں کی بھارتی اتھارٹی (این ایچ اے آئی) نے وضاحت کی ہے کہ ادائیگیوں سے متعلق بھارت کی قومی کارپوریشن (این پی سی آئی) کی طرف سے جاری کردہ سرکلر نمبر این پی سی آئی/25-2024/ این ای ٹی سی/004 اے، مورخہ 28 جنوری 2025 کا فاسٹیگ کے صارفین پر کوئی اثر نہیں پڑے گا۔

یہ سرکلر ادائیگیوں سے متعلق بھارت کی قومی کارپوریشن (این پی سی آئی) کی طرف سے جاری کیا گیا ہے تاکہ گاڑی کے ٹول پلازہ کو عبور کرنے کے دوران فاسٹیگ کی حیثیت پر ایکوائرر بینک اور جاری کنندہ بینک کے درمیان تنازعات کے حل میں سہولت فراہم کی جاسکے۔ سرکلر کا مقصد یہ بھی یقینی بنانا ہے کہ فاسٹیگ لین دین گاڑی کے ٹول پلازہ سے گزرنے کے مناسب وقت کے اندر کیا جائے تاکہ صارفین کو دیر سے لین دین سے ہراساں نہ کیا جائے ۔

تمام قومی شاہراہوں کےٹول پلازہ آئی سی ڈی 2.5 پروٹوکول پر کام کرتے ہیں جو بروقت ٹیگ کی حیثیت دیتا ہے ، اس لیے فاسٹیگ کے صارفین ٹول پلازہ کو عبور کرنے سے پہلے کسی بھی وقت ری چارج کر سکتے ہیں ۔

ریاستی شاہراہوں پر کچھ ٹول پلازہ اب بھی آئی سی ڈی 2.4 پروٹوکول پر ہیں، جن کو ٹیگ کی صورتحال کی باقاعدہ اپ ڈیٹ کی ضرورت ہے۔  اس طرح کے تمام ٹول پلازہ کو جلد ہی آئی سی ڈی 2.5 پروٹوکول میں منتقل کرنے کا منصوبہ ہے۔

فاسٹیگ صارفین کی حوصلہ افزائی کی جاتی ہے کہ وہ مینوئل ریچارجز کی ضرورت کو ختم کرنے کے لیے خود کار ریچارج سیٹنگ کے تحت اپنے فاسٹیگ والیٹ کو یو پی آئی/چالو کھاتے/بچت کھاتے سے لنک کریں ۔ صارفین مختلف قسم کے ادائیگی کے وسیلے جیسے یو پی آئی ، نیٹ بینکنگ اور دیگر کا استعمال کرتے ہوئے ٹول تک پہنچنے سے پہلے کسی بھی وقت اپنے فاسٹیگ کو ری چارج کرنا جاری رکھ سکتے ہیں ۔

*********************

UR-7350

(ش ح۔ م ع۔ش ہ ب)