વિશ્વ પર્યાવરણ અને સશક્તીકરણ માટે ફેશનના દ્રષ્ટિકોણને અપનાવી રહ્યું છે અને ભારત આ સંદર્ભમાં અગ્રેસર થઈ શકે છે. - પ્રધાનમંત્રી શ્રી નરેન્દ્ર મોદી

 

ભારત ટેક્સ 2025, ભારતનો સૌથી મોટો વૈશ્વિક ટેક્સટાઇલ ઇવેન્ટ, ભારત મંડપમ, નવી દિલ્હી ખાતે 14 થી 17 ફેબ્રુઆરી, 2025 દરમિયાન  સફળતાપૂર્વક યોજવામાં આવ્યો હતો. આ ઇવેન્ટ 2.2 મિલિયન ચોરસ ફૂટમાં ફેલાયેલી હતી અને તેમાં 5,000થી વધારે પ્રદર્શકો સામેલ થયા હતા, જે ભારતની ટેક્સટાઇલ ઇકોસિસ્ટમનું વિસ્તૃત પ્રદર્શન પ્રદાન કરે છે. આ કાર્યક્રમમાં વૈશ્વિક સીઇઓ, નીતિ ઘડવૈયાઓ અને ઉદ્યોગના અગ્રણીઓ સહિત 120થી વધુ દેશોના 1,20,000થી વધુ વેપાર મુલાકાતીઓ ઉપસ્થિત રહ્યા હતા.

ભારત ટેક્સ 2025 એ સરકારના "ફાર્મ ટુ ફાઇબર, ફેબ્રિક, ફેશન અને ફોરેન માર્કેટ્સ" વિઝનને વેગ આપવા માટેના પ્લેટફોર્મ તરીકે સેવા આપી  હતી. ભારતની કાપડની નિકાસ રૂ. 3 લાખ કરોડ સુધી પહોંચી ચૂકી છે, અને સ્થાનિક ઉત્પાદનને મજબૂત બનાવીને અને વૈશ્વિક પહોંચ વધારીને 2030 સુધીમાં તેને ત્રણ ગણી વધારીને ₹ 9 લાખ કરોડ કરવાનું લક્ષ્ય છે. આ કાર્યક્રમે ટેક્સટાઇલ ક્ષેત્રમાં ભારતનાં નેતૃત્વ અને નવીનતા, સ્થાયીત્વ અને વૈશ્વિક જોડાણ માટે તેની કટિબદ્ધતા પ્રદર્શિત કરી હતી.

ભારત ટેક્સ 2025ની સિદ્ધિઓને વ્યાખ્યાયિત કરવી

ભારતનો ટેક્સટાઇલ ઉદ્યોગઃ આર્થિક વૃદ્ધિનું મુખ્ય ચાલકબળ

ભારત વૈશ્વિક સ્તરે ટેક્સટાઇલ્સનો છઠ્ઠો સૌથી મોટો નિકાસકાર દેશ છે, જેણે 2023-24માં દેશની કુલ નિકાસમાં 8.21 ટકાનું યોગદાન આપ્યું છે. વૈશ્વિક વેપારમાં આ ક્ષેત્રનો  હિસ્સો 4.5 ટકા છે, જેમાં ભારતની ટેક્સટાઇલ અને એપરલની નિકાસમાં અમેરિકા અને યુરોપિયન યુનિયનનો હિસ્સો 47 ટકા  છે.

રોજગારીના પરિપ્રેક્ષ્યમાં જોઈએ તો કાપડ ઉદ્યોગ 4.5 કરોડથી વધુ લોકોને પ્રત્યક્ષ રોજગારી પૂરી પાડે છે અને આડકતરી રીતે 100 મિલિયનથી વધુ વ્યક્તિઓની આજીવિકાને ટેકો પૂરો પાડે છે, જેમાં મોટા પ્રમાણમાં મહિલાઓ અને ગ્રામીણ કામદારોનો પણ સમાવેશ થાય છે. તે મેક ઇન ઇન્ડિયા, સ્કિલ ઇન્ડિયા, મહિલા સશક્તીકરણ અને ગ્રામીણ યુવા રોજગાર જેવી મુખ્ય સરકારી પહેલો સાથે સુસંગત છે, જે સર્વસમાવેશક આર્થિક વિકાસમાં તેની ભૂમિકાને મજબૂત કરે છે.

ટેક્સટાઇલ મેન્યુફેક્ચરિંગ વધારવા, ઇન્ફ્રાસ્ટ્રક્ચરનું આધુનિકીકરણ કરવા, ઇનોવેશનને પ્રોત્સાહન આપવા અને ટેકનોલોજી અપગ્રેડ કરવા પર સરકારનું ધ્યાન કેન્દ્રિત થવાથી વૈશ્વિક ટેક્સટાઇલ હબ તરીકે ભારતની સ્થિતિ મજબૂત બની છે. ભારત ટેક્સ 2025એ ટકાઉ અને ઉચ્ચ મૂલ્યના ટેક્સટાઇલ ઉત્પાદનને પ્રોત્સાહન આપવાની સાથે આ પ્રગતિઓને પ્રદર્શિત કરવા માટે એક મંચ પ્રદાન કર્યું હતું.

સહાયક નીતિ માળખું

દીર્ઘદષ્ટિથી ચાલતી સરકારી પહેલોના નિહિત ભારતીય કાપડ ક્ષેત્ર આગામી વરસોમાં નવીનીકરણ, ધૈર્ય અને આર્થિક વિકાસની એક નોંધપાત્ર કથાને વેગ આપવા જઈ રહ્યું છે. સક્રિય નીતિઓના ટેકા સાથે, આ ઉદ્યોગ રચનાત્મક સંભવિતતાને મુક્ત કરવા, સ્થિતિસ્થાપકતા દર્શાવવા, આર્થિક વિકાસને વેગ આપવા વગેરે માટે જવાબદાર છે.

1. પ્રધાનમંત્રી મેગા ઇન્ટિગ્રેટેડ ટેક્સટાઇલ રિજન અને એપેરલ (PM MITRA) પાર્ક્સ યોજના,

એક સંકલિત કાપડ મૂલ્ય શૃંખલાનું નિર્માણ

10 અબજ યુએસ ડોલરના અપેક્ષિત રોકાણ સાથે 7 મેગા ટેક્સટાઇલ પાર્ક સ્થાપવામાં આવી રહ્યા છે, જેમાં વિશ્વ કક્ષાની માળખાગત સુવિધા, પ્લગ એન્ડ પ્લે સુવિધાઓ અને એક સંકલિત ઇકોસિસ્ટમ હશે.

2. પ્રોડક્શન લિન્ક્ડ ઇન્સેન્ટિવ (PLI) યોજના

MMF એપેરલ, MMF ફેબ્રિક્સ અને ટેકનિકલ ટેક્સટાઇલ ઉત્પાદનોના ઉત્પાદનને વેગ આપવા માટે

INR 10,683 કરોડ (USD 1 બિલિયન)ના પ્રોત્સાહનો સાથે ઉત્પાદન લિંક્ડ ઇન્સેન્ટિવ (PLI) યોજના મંજૂર કરવામાં આવી છે.

3. સમર્થ

નિર્માણ ક્ષમતા, ટેક્સટાઇલ વેલ્યુ ચેઇનમાં કૌશલ્યના અંતરને દૂર કરતી આ યોજના

સમગ્ર ટેક્સટાઇલ વેલ્યુ ચેઇનમાં ડિમાન્ડ-સંચાલિત અને પ્લેસમેન્ટ-ઓરિએન્ટેડ પ્રોગ્રામ છે. આ ઉપરાંત વિવિધ રાજ્યો પોતાની કૌશલ્યવર્ધક/તાલીમ સહાય યોજનાઓ પણ ધરાવે છે.

4. રાષ્ટ્રીય ટેકનિકલ શિક્ષણ

ટેકનિકલ ટેક્સટાઇલ્સને પ્રોત્સાહન - 2047 સુધીમાં USD 300 બિલિયન તરફ

ટેકનિકલ ટેક્સટાઇલ્સમાં સંશોધન, નવીનતા અને વિકાસ, શૈક્ષણિક તાલીમ, કૌશલ્ય વિકાસ અને બજાર વિકાસને ટેકો આપવા અને પ્રોત્સાહન આપવા માટે રાષ્ટ્રીય મિશન

5. લિબરલ સ્ટેટ પોલિસી

રાજ્ય સરકારો/કેન્દ્રશાસિત પ્રદેશો દ્વારા સામાન્ય ટેકો અને પ્રોત્સાહનો - મૂડી સહાય, વેતન અને કૌશલ્યવર્ધક પ્રોત્સાહનો, વીજળી અને જળ સહાય

ટેક્સટાઇલ ઉદ્યોગને પ્રોત્સાહન આપવા માટે ટેક્સટાઇલ મંત્રાલયે 10મી એમ્પાવર્ડ પ્રોગ્રામ કમિટી (EPC)ની બેઠકમાં 'ટેકનિકલ ટેક્સટાઇલ્સમાં એસ્પાયરિંગ ઇનોવેટર્સમાં સંશોધન અને ઉદ્યોગસાહસિકતા માટે ગ્રાન્ટ ફોર રિસર્ચ એન્ડ એન્ટરપ્રિન્યોરશિપ' યોજના હેઠળ ચાર સ્ટાર્ટ-અપ્સને મંજૂરી આપી હતી, જેમાં મેડિકલ, ઇન્ડસ્ટ્રીયલ અને પ્રોટેક્ટિવ ટેક્સટાઇલ્સમાં નવીનતા માટે દરેકને રૂ. 50 લાખની સહાય આપવામાં આવી  હતી. આ ઉપરાંત આઇઆઇટી ઇન્દોર અને એનઆઇટી પટના સહિતની ત્રણ શૈક્ષણિક સંસ્થાઓએ  જીઓટેક્સિસ્ટ, જીઓસિન્થેટિક્સ અને સ્પોર્ટ્સ ટેક્સટાઇલ્સમાં વિશિષ્ટ અભ્યાસક્રમો શરૂ કરવા માટે રૂ. 6.5 કરોડ મેળવ્યાં હતાં, જેનો ઉદ્દેશ આ ક્ષેત્રમાં ટેકનિકલ કુશળતાને મજબૂત કરવાનો છે. ઉપરાંત  મેડિકલ, પ્રોટેક્ટિવ, મોબાઇલ અને એગ્રિકલ્ચર ટેક્સટાઇલ્સમાં 12 કૌશલ્ય વિકાસ અભ્યાસક્રમોને મંજૂરી આપવામાં આવી હતી, જે સિત્રા, નિત્રા અને એસએએસએમઆઇઆરએ દ્વારા વિકસાવવામાં આવ્યા હતા, જેથી ટેક્સટાઇલ વેલ્યુ ચેઇનમાં ઉદ્યોગ-કેન્દ્રિત તાલીમ પ્રદાન કરી શકાય.

વૈશ્વિક ટેક્સટાઇલ્સને ભારતથી વિશ્વમાં પુનઃવ્યાખ્યાયિત કરવામાં આવ્યું

ભારત ટેક્સ 2025 એ સ્થાન છે જ્યાં ભારતનો સમૃદ્ધ ટેક્સટાઇલ વારસો આધુનિક નવીનતાને મળે છે, જેણે વૈશ્વિક ટેક્સટાઇલ નેતૃત્વ માટે મંચ ઉભો કર્યો છે. વિશ્વના સૌથી યુવા અને સૌથી મોટા વૈશ્વિક ટેક્સટાઇલ શો તરીકે, તે ભાગીદારી કરવા અને આર્થિક વિકાસને આગળ વધારવા માટેનું એક મંચ છે.

તે ઉદ્યોગના અગ્રણીઓ, ઉત્પાદકો, નિકાસકારો અને સંશોધકો માટે અગ્રણી મંચ તરીકે કામ કરે છે, જે ટેક્સટાઇલ ક્ષેત્રના મુખ્ય હિસ્સેદારોને એકમંચ પર લાવે છે. આ ઇવેન્ટ ઉત્પાદકો, નિકાસકારો અને આયાતકારો વચ્ચે સહયોગની સુવિધા પૂરી પાડે છે, જે તેમને વૈશ્વિક પ્રેક્ષકોને તેમની કુશળતા, અત્યાધુનિક નવીનતાઓ અને નવીનતમ સંગ્રહ પ્રદર્શિત કરવાની તક પૂરી પાડે  છે.

ફોકસ્ડ બિઝનેસ માટે ફોકસ્ડ ઝોન

બુદ્ધિશાળી ઉત્પાદન

બુદ્ધિશાળી ઉત્પાદન ટેક્સટાઇલ ઉદ્યોગમાં ક્રાંતિ લાવી રહ્યું છે, જેમાં કાર્યદક્ષતા, ગુણવત્તા અને નવીનતામાં સુધારો કરવા માટે અદ્યતન ટેકનોલોજી અને ડેટા-સંચાલિત અભિગમોને સંકલિત કરવામાં આવ્યા છે. આ પરિવર્તન પરંપરાગત કાપડ ઉત્પાદન પ્રક્રિયાઓને આધુનિક બનાવવા માટે ઓટોમેશન, આર્ટિફિશિયલ ઇન્ટેલિજન્સ (AI), ઇન્ટરનેટ ઓફ થિંગ્સ (IoT) અને અદ્યતન વિશ્લેષણનો લાભ આપે છે.

ટેકનિકલ વસ્ત્ર

ટેક્નિકલ વસ્ત્ર વિવિધ ક્ષેત્રોમાં નવીન ઉકેલો આપીને ભારતમાં કાપડ ઉદ્યોગમાં ક્રાંતિ લાવી રહ્યા  છે. આ વિશિષ્ટ કાપડ ઓટોમોટિવ અને એરોસ્પેસથી માંડીને હેલ્થકેર અને બાંધકામ સુધીના ચોક્કસ કામગીરીના લક્ષણો અને એપ્લિકેશન્સ માટે તૈયાર કરવામાં આવ્યા છે. ટેકનોલોજી અને સંશોધન પર વધી રહેલા ભાર સાથે ભારત આ ક્ષેત્રમાં પોતાની જાતને વૈશ્વિક નેતા તરીકે સ્થાપિત કરી રહ્યું છે, જે તેના મજબૂત ટેક્સટાઇલ વારસા અને અત્યાધુનિક ઉત્પાદન ક્ષમતાઓનો ઉપયોગ કરી રહ્યું છે.

હોમ ટેક્સટાઈલ

ભારતનો હોમ ટેક્સટાઇલ ક્ષેત્ર તેની સમૃદ્ધ પરંપરાઓ અને કારીગરી માટે જાણીતો છે, જેમાં વિવિધ પ્રદેશો અનન્ય કાપડ તકનીકો અને પેટર્નમાં નિષ્ણાત છે. ગુજરાત તેના જીવંત અને જટિલ ભરતકામ માટે જાણીતું છે, જ્યારે કાશ્મીર તેના વૈભવી ઊની શાલ અને કાર્પેટ માટે પ્રખ્યાત છે. આ વિવિધતા ભારતના વ્યાપક વારસા અને કાપડ ઉત્પાદનમાં કુશળતાને પ્રતિબિંબિત કરે છે.
 

કાપડ

ભારત ફેબ્રિક્સના વિશ્વના સૌથી મોટા ઉત્પાદકો અને નિકાસકારોમાંનો એક છે, જે સ્થાનિક અને આંતરરાષ્ટ્રીય એમ બંને બજારોને સેવા પૂરી પાડે છે. આ ક્ષેત્રની લાક્ષણિકતા મોટા પાયે ઔદ્યોગિક ઉત્પાદન અને નાના પાયે કારીગરીના ઉત્પાદનના મિશ્રણ દ્વારા કરવામાં આવે છે, જે નવીનતા અને પરંપરાના જીવંત ચાકળાને પ્રતિબિંબિત કરે છે. દેશના મુખ્ય ફેબ્રિક હબમાં ગુજરાત, તમિલનાડુ, પંજાબ અને પશ્ચિમ બંગાળનો સમાવેશ થાય છે, જે દરેક તેની વિશિષ્ટ ટેક્સટાઇલ વિશેષતા માટે જાણીતું છે.

એપરલ અને ફેશન

ભારતમાં એપરલ અને ફેશન ઉદ્યોગ મુખ્ય આર્થિક પરિબળ છે, જે જીડીપી અને રોજગારીમાં નોંધપાત્ર પ્રદાન કરે છે. દેશ કાપડ અને પરંપરાગત કારીગરીમાં સમૃદ્ધ વારસા માટે જાણીતો છે, જેમાં જટિલ હેન્ડલૂમ કાપડ, ભરતકામ અને ડાઇંગ તકનીકોનો સમાવેશ થાય છે. ભારતનું એપેરલ ક્ષેત્ર પરંપરાગત અને સમકાલીન શૈલીઓનું જીવંત મિશ્રણ ધરાવે છે, જે સ્થાનિક અને આંતરરાષ્ટ્રીય સ્તરે ગ્રાહકોની વિવિધ પસંદગીઓ પૂર્ણ કરે છે.

હેન્ડલૂમ

ભારતનું હાથવણાટનું ક્ષેત્ર જટિલ સાડીઓ, શાલ, સ્કાર્ફ અને અન્ય વણાયેલી ચીજવસ્તુઓ સહિત વિવિધ પ્રકારના ટેક્સટાઇલ માટે જાણીતું છે. ભારતના દરેક ક્ષેત્રમાં હાથવણાટની વિશિષ્ટ પરંપરાઓ અને તકનીકો છે. ઉદાહરણ તરીકે વારાણસીનું બનારસી રેશમ, તામિલનાડુનું કાંજીવરમ રેશમ અને પશ્ચિમ બંગાળનું જામદાની રેશમ તેમની ગુણવત્તા અને કારીગરી માટે ખૂબ જ સન્માનિત છે. આ કાપડમાં ઘણી વખત વિસ્તૃત પેટર્ન, વાઇબ્રન્ટ કલર્સ અને પરંપરાગત ભાતો જોવા મળે છે, જેના કારણે સ્થાનિક અને આંતરરાષ્ટ્રીય સ્તરે તેની ખૂબ જ માંગ રહે છે.

હસ્તકળા અને કાર્પેટ

ભારતમાં હસ્તકળા અને કાર્પેટ ક્ષેત્ર દેશની કારીગરી અર્થતંત્રનો જીવંત અને સાંસ્કૃતિક રીતે નોંધપાત્ર ઘટક છે, જે તેના સમૃદ્ધ વારસા અને અસાધારણ કારીગરી માટે પ્રસિદ્ધ છે. આ ક્ષેત્રમાં જટિલ હેન્ડક્રાફ્ટેડ ટેક્સટાઇલ્સ અને સુશોભનાત્મક કલાકૃતિઓથી માંડીને હાથની ગાંઠવાળી ઉત્કૃષ્ટ કાર્પેટ સુધીના ઉત્પાદનોની વિશાળ શ્રેણીનો સમાવેશ થાય છે. ભારતનો દરેક પ્રદેશ તેની વિશિષ્ટ પરંપરાઓ અને તકનીકોમાં ફાળો આપે છે, જેના પરિણામે વિવિધ પ્રકારના ઉત્પાદનો આવે છે જે દેશની કલાત્મક વિવિધતાને પ્રતિબિંબિત કરે છે.

આ કાર્યક્રમનું મુખ્ય આકર્ષણ "ઇન્ડી હાટ" હતું, જે  12 થી 18 ફેબ્રુઆરી, 2025 દરમિયાન  નેશનલ ક્રાફ્ટ્સ મ્યુઝિયમ અને હસ્તકલા એકેડેમી, નવી દિલ્હી ખાતે યોજવામાં આવ્યું હતું. તેમાં વિવિધ રાજ્યોના 85 કારીગરો અને વણકરો દ્વારા બનાવવામાં આવેલા 80થી વધુ વિવિધ પ્રકારના હસ્તકલા અને હાથવણાટના ઉત્પાદનોનું પ્રદર્શન કરવામાં આવ્યું હતું. ઇન્ડી હાટે ભારતની વિશાળ હાથવણાટ અને હસ્તકળાની પરંપરાઓ પર ભાર મૂક્યો હતો, જે ગ્રામીણ કારીગરોને પ્રોત્સાહન આપવાના સરકારના વિઝન સાથે સુસંગત છે.

બ્રીધિંગ થ્રેડ્સ: ભારત ટેક્સ 2025માં ફેશન શો

ભારત સરકારનાં ટેક્સટાઇલ મંત્રાલયનાં હેન્ડલૂમ્સ માટે ડેવલપમેન્ટ કમિશનરની ઓફિસે કારીગરીનાં ધબકારાને અનુભવવા, વાઇબ્રન્ટ વારસાનું સન્માન કરવા અને આધુનિક સિલુએટ્સમાં ભારતીય હાથવણાટની કાલાતીત લાવણ્યને નિહાળવા "બ્રીધિંગ થ્રેડ્સ" શીર્ષક હેઠળ એક ફેશન ઇવેન્ટનું આયોજન કર્યું હતું.

હેન્ડલૂમની સુંદરતા અને બ્રાન્ડનું મિશન સ્થિરતા અને શૂન્ય-કચરાની વ્યૂહરચના સાથે સુસંગત છે, જે ભારતીય ગામોની જીવનશૈલીને પ્રતિબિંબિત કરે છે. આ કાર્યક્રમે આંતરરાષ્ટ્રીય ખરીદદારો અને મુખ્ય હિતધારકોને આકર્ષ્યા હતા, જેણે સાતત્યપૂર્ણ ફેશન અને કારીગરીમાં ભારતની સંભવિતતાને મજબૂત કરી હતી.

ભારત ટેક્સ 2024: એક ઐતિહાસિક આયોજન

ભારત ટેક્સ 2024એ વૈશ્વિક ટેક્સટાઇલ પાવરહાઉસ તરીકે ભારતના ઉદયનો તખ્તો તૈયાર કર્યો હતો, જેમાં 3,500થી વધુ પ્રદર્શકો, 3,000થી વધુ વિદેશી ખરીદદારો અને સમગ્ર વિશ્વમાંથી 1,00,000થી વધુ મુલાકાતીઓ આવ્યા હતા. ભારત ટેક્સ 2024માં 2 લાખ ચોરસ મીટરના વિસ્તૃત સત્રોનું આયોજન કરવામાં આવ્યું હતું, જેમાં વૈશ્વિક વેપાર, નવીનીકરણ અને ઉદ્યોગના પરિવર્તન પર ચર્ચાને પ્રોત્સાહન મળ્યું હતું.

આ ઇવેન્ટે વૈશ્વિક ટેક્સટાઇલ સપ્લાય ચેઇનમાં મુખ્ય ખેલાડી તરીકે ભારતની સ્થિતિને મજબૂત બનાવવામાં મુખ્ય ભૂમિકા ભજવી હતી. તેની સફળતાએ ભારત ટેક્સ 2025 માટે એક મજબૂત પાયો નાખ્યો હતો, જેણે પ્રદર્શકોની ભાગીદારી, આંતરરાષ્ટ્રીય સહયોગ અને ઔદ્યોગિક પ્રભાવમાં નવી ઊંચાઈઓ સર કરી હતી.

વણાટનું ભવિષ્ય: ભારતની ટેક્સટાઇલ ક્રાંતિ

કાલાતીત કારીગરી અને અગ્રણી નવીનતાના જીવંત ચાકળામાં સમાવિષ્ટ ભારતીય કાપડ ઉદ્યોગ ઉજ્જવળ ભવિષ્યના ઉંબરે આવીને ઊભો છે. દરેક પસાર થતા વર્ષ સાથે તે વિકસિત થવાનું ચાલુ રાખે છે - અત્યાધુનિક ટેક્નોલૉજીનો ઉપયોગ કરે છે, સ્થિરતાને અપનાવે છે અને વૈશ્વિક પ્રવાહોને સ્થાપિત કરે છે.

જેમ જેમ તે આગળ વધતું જાય છે, તેમ તેમ ઉદ્યોગ માત્ર તેના સમૃદ્ધ વારસાને જ જાળવી રહ્યો નથી, પરંતુ સંશોધન-સંચાલિત પ્રગતિઓ અને ડિજિટલ સંકલન દ્વારા ઉત્કૃષ્ટતાને ફરીથી વ્યાખ્યાયિત પણ કરી રહ્યો છે. સંતુલિતતા પ્રત્યે મજબૂત પ્રતિબદ્ધતા અને વૈશ્વિક નેતૃત્વ માટે વિઝન સાથે ભારતનું ટેક્સટાઇલ ક્ષેત્ર ફેશન, ટેકનિકલ ટેક્સટાઇલ્સ અને ઇન્ટેલિજન્ટ મેન્યુફેક્ચરિંગના ભવિષ્યને આકાર આપવા સજ્જ છે, જે વૈશ્વિક મંચ પર આર્થિક વૃદ્ધિ અને નવીનતાના મુખ્ય સંચાલક તરીકેની તેની સ્થિતિને મજબૂત કરે છે.

સંદર્ભો

https://pib.gov.in/PressReleasePage.aspx?PRID=2103838

• https://www.bharat-tex.com/#
  વાર્ષિક અહેવાલ 2023-24 (11.39 એમબી)
• https://www.bharat-tex.com/wp-content/uploads/2025/01/Bharat-Tex-2025-Brochure_P_compressed.pdf
• https://www.bharat-tex.com/advantedge-india/
  https://pib.gov.in/PressReleasePage.aspx?PRID=2099651
• https://pib.gov.in/PressReleasePage.aspx?PRID=2102958
• https://pib.gov.in/PressReleasePage.aspx?PRID=2103763
• https://pib.gov.in/PressReleaseIframePage.aspx?PRID=2103838.
   

પીડીએફ જોવા માટે અહીં ક્લિક કરો:

 

AP/IJ/JY/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 2104603) Visitor Counter : 55