بھارتی حکومت نے 15 ویں مالی کمیشن سائیکل کے دوران26-2025 تک پردھان منتری ان داتا آئے سنرکشن ابھیان (پی ایم-آشا) مربوط اسکیم کو جاری رکھنے کی منظوری دی  ہے۔ مربوط پی ایم-آشا اسکیم کا انتظام خریداری سے متعلق کارروائیوں کے نفاذ کو مزید مؤثربنانے کے لیے کیا جاتا ہے جو نہ صرف کسانوں کو ان کی پیداوار کے لیے معاوضے کی قیمتیں فراہم کرنے میں مدد کرے گی بلکہ صارفین کو سستی قیمتوں پر ان کی دستیابی کو یقینی بنا کر ضروری اشیاء کی قیمتوں میں اتار چڑھاؤ کو بھی کنٹرول کرے گی ۔ مربوط پی ایم-آشا اسکیم کی پرائس سپورٹ اسکیم کے تحت ، مقررہ منصفانہ اوسط معیار (ایف اے کیو) کے مطابق نوٹیفائیڈ دالوں ، تلہن اور کھوپرا کی خریداری مرکزی نوڈل ایجنسیوں (سی این اے) کے ذریعے ایم ایس پی پر براہ راست پہلے سے رجسٹرڈ کسانوں سے ریاستی سطح کی ایجنسیوں کے ذریعے کی جاتی ہے ۔
دالوں کی گھریلو پیداوارکو  بڑھانے میں حصہ لینے والے کسانوں کی حوصلہ افزائی کرنے اور درآمدات پر انحصار کو کم کرنے کے لیے حکومت نے سال   25-2024کے لیے ریاست کی پیداوار کے 100فی صد کے مساوی پی ایس ایس کے تحت تور ، اڑد اور مسور کی خریداری کی اجازت دی ہے ۔
حکومت نے بجٹ 2025 میں یہ بھی اعلان کیا ہے کہ دالوں میں خود کفالت حاصل کرنے کے لیے مرکزی نوڈل ایجنسیوں کے ذریعے ریاست کی پیداوار کے 100 فیصد تک تور (ارہر) اڑد اور مسور کی خریداری مزید چار سال تک جاری رکھی جائے گی ۔

زراعت اور کسانوں کی بہبود کے مرکزی وزیر جناب شیوراج سنگھ چوہان نے خریف25-2024 سیزن کے لیے پرائس سپورٹ اسکیم کے تحت آندھرا پردیش ، چھتیس گڑھ ، گجرات ، ہریانہ ، کرناٹک ، مدھیہ پردیش ، مہاراشٹر ، تلنگانہ اور اتر پردیش میں تور (ارہر) کی خریداری کو منظوری دے دی ہے ۔
آندھرا پردیش ، کرناٹک ، مہاراشٹر اور تلنگانہ میں اس کے تحت خریداری پہلے ہی شروع ہو چکی ہے اور15فروری 2025 تک ان ریاستوں میں 0.15 ایل ایم ٹی تور (ارہر) کی کل مقدار کی خریداری کی گئی ہے جس سے ان ریاستوں کے 12,06 کسانوں کو فائدہ پہنچا ہے ۔ دیگر ریاستوں میں بھی تور (ارہر) کی خریداری بہت جلد شروع  کی جائے گی ۔  بھارتی حکومت مرکزی نوڈل ایجنسیوں یعنی نیفیڈ اور این سی سی ایف کے ذریعے کسانوں کے ذریعہ تیار کردہ 100فیصد تور کی خریداری کے لیے پرعزم ہے ۔

***

ش ح۔ش م ۔ ج ا

 (U: 7259)