કેન્દ્રીય શ્રમ અને રોજગાર તેમજ યુવા બાબતો અને રમતગમત મંત્રી ડૉ. મનસુખ માંડવિયાએ આજે મુંબઈ, મહારાષ્ટ્રની બે દિવસીય મુલાકાત દરમિયાન અંધેરીમાં ESIC હોસ્પિટલ અને ડિરેક્ટોરેટ જનરલ, ફેક્ટરી એડવાઈસ એન્ડ લેબર ઇન્સ્ટિટ્યૂટ (DGFASLI)ની મુલાકાત લીધી.

ESIC હોસ્પિટલની મુલાકાત દરમિયાન ડૉ. માંડવિયાએ નોંધણી કાઉન્ટર, ધન્વંતરી મોડ્યુલ હેઠળ ઓનલાઇન નોંધણી સુવિધા, ડેન્ટલ યુનિટ અને આંતરિક દવા વિભાગ સહિત વિવિધ સુવિધાઓનું મૂલ્યાંકન કર્યું. તેમણે દર્દીઓ અને સ્ટાફ સાથે વાતચીત કરીને તેમના અનુભવો અને પૂરી પાડવામાં આવતી સેવાઓ અંગે પ્રતિસાદ જાણ્યા હતા.

વીમાધારક કામદારોને ગુણવત્તાયુક્ત આરોગ્યસંભાળ સેવાઓ પૂરી પાડવાની સરકારની પ્રતિબદ્ધતા પર ભાર મૂકતા, તેમણે અધિકારીઓને કાર્યક્ષમ તબીબી સેવા વિતરણને પ્રાથમિકતા આપવા અને હોસ્પિટલના નવીનીકરણ અને બાંધકામ પ્રોજેક્ટ્સને સમયસર પૂર્ણ કરવા માટે સૂચના આપી હતી.

દિવસના અંતે, કેન્દ્રીય મંત્રીએ DGFASLIની મુલાકાત લીધી, જ્યાં તેમને વ્યવસાયિક સલામતી અને આરોગ્ય (OSH), નિયમનકારી માળખા અને ચાલુ તાલીમ કાર્યક્રમોમાં સંસ્થાની મુખ્ય ભૂમિકા વિશે માહિતી આપવામાં આવી. તેમણે તાલીમ હોલ, કોન્ફરન્સ રૂમ અને ડિજિટલ સંસાધન કેન્દ્રો સહિત વિવિધ માળખાકીય સુવિધાઓની મુલાકાત લીધી હતી.

ડૉ. માંડવિયાએ DGFASLI દ્વારા જાળવવામાં આવતી પ્રયોગશાળાઓમાં ખાસ કરીને ઔદ્યોગિક સ્વચ્છતા અને વ્યક્તિગત રક્ષણાત્મક ઉપકરણો (PPE) પરીક્ષણ પર ધ્યાન કેન્દ્રિત કરતી પ્રયોગશાળાઓમાં ઊંડો રસ દાખવ્યો. તેમણે OSH માળખાને મજબૂત બનાવવા અને આ ક્ષેત્રમાં તકનીકી કુશળતા વધારવાના મહત્વ પર ભાર મૂક્યો હતો.

કાર્યક્ષમતા અને પારદર્શિતા સુધારવા માટે તેમણે અધિકારીઓને નિરીક્ષણ સહિતની પ્રક્રિયાઓના ડિજિટાઇઝેશનને ઝડપી બનાવવા, પ્રયોગશાળાઓની સારી જાળવણી સુનિશ્ચિત કરવા અને નિયમનકારી પ્રવૃત્તિઓમાં પારદર્શિતા પર મજબૂત ધ્યાન કેન્દ્રિત કરવા નિર્દેશ આપ્યો હતો.

 

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 2103694) Visitor Counter : 52