وزارت تجارت، میانمار کے نائب وزیر عالیجناب یو من من نے جمعہ 14 فروری 2025 کو نئی دہلی کے وانجیہ بھون میں، کامرس اور صنعت، حکومت ہند کے مرکزی وزیر مملکت، جناب جتن پرساد سے ملاقات کی۔ ملاقات میں دونوں اطراف کے اعلیٰ حکام بھی موجود تھے۔

باہمی تجارت میں اضافے کے امکانات پر زور دیتے ہوئے وزرا نے دواسازی، دالوں اور پھلیوں، پٹرولیم مصنوعات اور باہمی ترقی کو فروغ دینے کے لیے حال ہی میں شروع کیے گئے روپیہ-کیات تجارتی تصفیے کے طریقہ کار کے زیادہ سے زیادہ استعمال کے شعبوں میں امکانات پر تبادلہ خیال کیا۔

ملاقات کے دوران دونوں رہنماؤں نے دو طرفہ تجارت کو فروغ دینے کے لیے تعاون کے ممکنہ شعبوں پر غور کیا اور سڑکوں کے ذریعے سرحدی تجارت کو دوبارہ شروع کرنے کی اہمیت کو بھی تسلیم کیا اور اس معاملے پر اقدامات کرنے پر اتفاق کیا۔

**************

ش ح۔ ف ش ع

15-02-2025

U: 7107