بہبودی خواتین واطفال کی وزیر مملکت محترمہ ساوتری ٹھاکر کی سربراہی میں ہندوستانی وفد اور وزارتِ محنت وسماجی تحفظ کی مستقل سکریٹری محترمہ ڈیون جیننگز کی زیر قیادت جمائیکا کی ٹیم کے درمیان سماجی ترقی کے کمیشن کے 63ویں اجلاس کے بعد نیویارک میں ایک اعلیٰ سطحی دو طرفہ بات چیت ہوئی۔ میٹنگ میں سماجی تحفظ کے نظام کو بہتر کرنے کے لیے ڈیجیٹلائزیشن اور ٹیکنالوجی کے استعمال میں تعاون پر تبادلہ خیال کیا گیا۔

بات چیت کے دوران ، توجہ مرکوز کرنے کے اہم شعبوں میں مالی شمولیت ، ڈی بی ٹی ، بڑھاپے کی پنشن وغیرہ میں ہندوستان کی طرف سے کی جانے والی مختلف ڈیجیٹل مداخلت اور ٹیکنالوجی کے کردار پر گفتگوشامل تھی ، جو ترقی میں اہم کردار ادا کر سکتی ہے ۔  بات چیت کا مرکز پوشن ٹریکر تھا-جو تغزیہ فراہمی کے نتائج کی نگرانی اور بہتری کے لیے ہندوستان کا ڈیجیٹل ٹول ہے۔ اس کے علاوہ ایسے طریقوں پر بات چیت کی گئی جن میں اسی طرح کی تکنیکی اختراعات جمیکا کے سماجی تحفظ کے فریم ورک کی حمایت کر سکتی ہیں ۔  دونوں فریقوں نے سماجی بہبود کے پروگراموں میں موثر ، شفاف اور ٹھوس خدمات کی فراہمی کو یقینی بنانے کے لیے ڈیجیٹل حل سے فائدہ اٹھانے کی اہمیت پر زور دیا ۔

ہندوستانی وفد نے ملک میں قائم آنگن واڑی مراکز میں سماجی اور تغزیہ سے متعلق نتائج کی نگرانی میں پوشن ٹریکر کے استعمال پر بھی زامبیا کے ساتھ بات چیت کی ۔

اس میٹنگ کے بعد نیویارک میں واقع ہندوستان کے مستقل مشن (پی ایم آئی) کے احاطے میں ہندوستان کے سفیر جناب پرواتھنینی ہریش اور مشن کے دیگر سینئر افسران کی موجودگی میں یوم ہندی کا جشن منایا گیا ۔  اس موقع سے عالمی سطح پر ثقافتی اور لسانی تبادلے کے تئیں ہندوستان کے عزم کی نشاندہی کی گئی ۔

*****

ش ح۔م ش ع۔ م ق ا۔

U NO:7002