لوک سبھا کے اسپیکر جناب اوم برلا 14 فروری 2025 کو چنڈی گڑھ میں واقع ریاستی قانون ساز ادارے کی عمارت میں ہریانہ کی پندرہویں قانون ساز اسمبلی کے نو منتخب اراکین کے لیے دو روزہ اورینٹیشن پروگرام کا افتتاح کریں گے۔

ہریانہ کے وزیر اعلی جناب نائب سنگھ سینی ؛ ہریانہ قانون ساز اسمبلی کے اسپیکر جناب ہرویندر کلیان ؛ ہریانہ قانون ساز اسمبلی میں قائد حزب اختلاف جناب بھوپیندر سنگھ ہوڈا ؛ ریاستی حکومت کے وزراء اور اسمبلی کے ممبران اس موقع پر شرکت کریں گے ۔
دو روزہ  اورینٹیشن پروگرام کے دوران ، مرکزی وزراء ، پارلیمانی کمیٹیوں کے چیئر پرسن ، ممبران پارلیمنٹ اور ڈومین کے ماہرین ہریانہ قانون ساز اسمبلی کے اراکین کو درج ذیل موضوعات پر آگاہ کریں گے:

• ایک موثر قانون ساز کیسے بنے: اراکین کے لیے کیا کریں اور کیا نہ کریں ؛
• ہندوستانی پارلیمنٹ اور ہریانہ قانون ساز اسمبلی میں قانون سازی اور مالیاتی کاروبار ؛
• کمیٹی نظام-پارلیمانی جمہوریت کی روح ؛
• قانون سازوں میں سوالات اور دیگر آلات کے ذریعے انتظامی جواب دہی ؛
• قانون سازی کے عمل میں وزیر کا کردار ؛
• پارلیمانی استحقاق اور قومی ای ویدھن ایپلی کیشن (این ای وی اے(
  ہریانہ کی 15 ویں قانون ساز اسمبلی کے اراکین کے لیے واقفیت (اورینٹیشن)  پروگرام کا اہتمام پارلیمانی ریسرچ اینڈ ٹریننگ انسٹی ٹیوٹ فار ڈیموکریسیز  (پرائیڈ ۔ پی آر آئی ڈی ای) لوک سبھا سیکرٹریٹ کے ذریعے ہریانہ قانون ساز اسمبلی سیکرٹریٹ کے تعاون سے کیا جا رہا ہے ۔

انیس سو اکیاسی (1981) میں ارونچل پردیش قانون ساز اسمبلی کے نو منتخب ارکان کے لیے پہلے اورینٹیشن پروگرام کے انعقاد کے بعد سے، ‘پرائیڈ۔پی آر آئی ڈی ای’ نے اب تک 70 اورینٹیشن کورسز منعقد کیے ہیں، جن میں 5032 سے زائد ریاستی اسمبلیوں کے اراکین نے شرکت کی ہے۔

****

UR-6566

(ش ح۔ اس ک۔ج )