சிறு மற்றும் நடுத்தர மருந்து உற்பத்தியாளர்கள் மருந்து உற்பத்திக்கான நடைமுறைகளை அடங்கிய திருத்தியமைக்கப்பட்ட அட்டவணை–எம்-ன் படி மேற்கொள்வதற்கான காலஅவகாசம் நிபந்தனையுடன் நீட்டிக்கப்பட்டுள்ளது. 250 கோடி ரூபாய்க்கும் குறைவான விற்பனை கொண்ட நிறுவனங்கள் 2025-ம் ஆண்டு டிசம்பர் 31-ம் தேதிக்குள் இந்த அறிக்கையை தாக்கல் செய்ய வேண்டும்.   மருந்து உற்பத்தி குறித்த நடைமுறைகள், திட்டமிடல் மற்றும் கருவிகள்  தொடர்பான விவரங்கள், இந்த திருத்தியமைக்கப்பட்ட அட்டவணையின்படி சமர்ப்பிக்கப்பட வேண்டும் என்ற அறிவிக்கையை 2023-ம் ஆண்டு டிசம்பர் 28-ம் தேதி அன்று மத்திய அரசு வெளியிட்டுள்ளது.  இதன்படி மருந்து உற்பத்தி நிறுவனங்கள், 2 வகைகளாக பிரிக்கப்படுகின்றன. முதலாவதாக, 250 கோடி ரூபாய்க்கும் அதிகமான விற்பனை கொண்ட பெருநிறுவனங்கள் ஒரு வகையாகவும்,  250 கோடி ரூபாய்க்கும் குறைவான விற்பனை கொண்ட சிறு மற்றும் நடுத்தர நிறுவனங்கள் என்றும் பிரிக்கப்பட்டுள்ளன.

இந்த காலஅவகாசம் பெருநிறுவனங்களுக்கு 6 மாதமாகவும், சிறு நிறுவனங்களுக்கு 12 மாதமாகவும் நீட்டிக்கப்பட்டுள்ளது. 

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும் https://pib.gov.in/PressReleasePage.aspx?PRID=2102291

-----

TS/SV/KPG/DL