প্রধানমন্ত্রীগী লোইশঙ
প্রধান মন্ত্রী অমসুং ফ্রান্সকী রাস্ত্রপতিনা পুন্না আই.তি.ই.আর ফেসিলিতি য়েংখ্রে
Posted On:
12 FEB 2025 5:00PM by PIB Imphal
ঙসি অঙনবদা প্রধান মন্ত্রী শ্রী নরেন্দ্র মোদী অমসুং ফ্রান্সকী রাস্ত্রপতি ইম্মান্যুএল মেক্রোন্না পুন্না কাদারাচেদা লৈবা ইন্তরনেসনেল থর্মোন্যুক্লিয়ার এক্সপেরিমেন্তেল রিয়েক্তর (আই তি ই আর) য়েংখ্রে। লুচিংবশিং আই.তি.ই.আরগী দিরেক্তর জেনেরেলনা তরাম্না ওকখি। ঙসি মালেমদা ফ্যুসন ইনর্জি প্রোজেকশিংগী মনুংদা খ্বাইদগী ফবা অমা ওইরিবা আই.তি.ই.আরদা লৈবাক অমগী লুচিংবা নত্ত্রগা সরকারগী মকোক অমনা চৎপা অসি হন্দক্কী অসিনা অহানবনি।
খোঙচৎ মনুংদা, প্লাজমা শেমদুনা অমসুং মৈ চাকপা লাকশিন্দুনা মেগাৱাত ৫০০ গী ফ্যুসন পৱার পুথোক্লিবা মালেমদা খ্বাইদগী চাউবা তোকামাক এশেমব্লি য়াওনা আই.তি.ই.আরগী খুমাঙচাউশিনবা উবদা লুচিংবশিংনা থাগৎপা ফোঙদোকখি। প্রোজেক্কী থবক তৌরিবা আই.তি.ই.আর ইঞ্জিনিয়ারশিং অমসুং সাইন্তিস্তশিংগী কৎথোকপা লুচিংবশিংনা থাগৎপা ফোঙদোকখি।
হৌখিবা চহি ২০ দা প্রোজেক অসিদা মতেং পাংলিবা আই.তি.ই.আর মেম্বর ৭ গী মনুংদা ভারত য়াওরি। এল এন্দ তি, আইনোক্স ইন্দিয়া, তি.সি.এস, তি.সি.ই, ঐচ.সি.এল তেক্নোলোজিস য়াওনা শিংথানিঙাই ওইরবা ইন্দস্ত্রিশিং অমসুং ভারতকী সাইন্তিস্ত ২০০ রোম আই.তি.ই.আর প্রোজেক্ত শরুক য়ারি।
*****
(Release ID: 2102382)
Visitor Counter : 47
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam