بھارت کے بجلی اور ہاؤسنگ اور شہری امور کے مرکزی وزیر جناب منوہر لال اور برطانیہ کے توانائی سیکورٹی اور نیٹ زیرو کے سکریٹری جناب ایڈ ملی بینڈ کی مشترکہ صدارت میں چوتھی بھارت-برطانیہ توانائی بات چیت آج نئی دہلی میں ہوئی ۔

بات چیت میں بجلی اور قابل تجدید توانائی سمیت دونوں ممالک کے توانائی کے شعبوں میں ہونے والی پیش رفت کا جائزہ لینے اور پائیدار ، لچکدار اور جامع توانائی کے مستقبل کے عزم کا اعادہ کرنے پر توجہ مرکوز کی گئی ۔  وزرا ءنے اس بات کو یقینی بنانے کی اہمیت پر زور دیا کہ سب کے لیے سستی اور صاف ستھری توانائی تک رسائی کو برقرار رکھتے ہوئے توانائی کی منتقلی اور اقتصادی ترقی ایک ساتھ جاری رہے ۔

وزرا ءنے توانائی کے تحفظ اور پائیدار ترقی کو یقینی بنانے کی اہمیت پر زور دیا اور بجلی کی تقسیم، سیکٹر اصلاحات ،صنعتی توانائی کی کارکردگی اور ڈی کاربونائزیشن اور الیکٹرک موبلٹی کے شعبوں میں تعاون کو وسعت دینے اور توانائی کی ذخیرہ، گرین ڈیٹا سینٹرز اور آف شور ونڈ جیسے ابھرتے ہوئے شعبوں میں نئے مواقع تلاش  کرنے ، ساتھ ہی ایم ایس ایم ای پرزیادہ توجہ دینے پر زور دیا۔

وزراء نے بھارت-برطانیہ دو طرفہ ایکسلریٹنگ اسمارٹ پاور اینڈ رینوایبل انرجی ان انڈیا (اے ایس پی آئی آر ای) پروگرام کے فیز-2 کے آغاز کا اعلان کرتے ہوئے خوشی کا اظہار کیا ۔  اس مرحلے کا مقصد بجلی کی وزارت (ایم او پی) اور نئی اور قابل تجدید توانائی کی وزارت (ایم این آر ای) کی شراکت داری میں چوبیس گھنٹے بجلی کی فراہمی کو یقینی بنانے ، قابل تجدید توانائی کے اقدامات کو بڑھانے اورصنعتی توانائی کی کارکردگی اور ڈی کاربونائزیشن کو تیز کرنے کے لیے تکنیکی مدد فراہم کرنا ہے ۔

وزراء نے طرفین کے درمیان تکنیکی امداد میں تعاون اور سرمایہ کاری کے ذریعے ترقی اور روزگار کو فروغ دینے کے لیے دو طرفہ تعاون کا مشاہدہ کرنے پر خوشی کا اظہار کیا ۔  انہوں نے آف شور ونڈ اور گرین ہائیڈروجن پر توجہ مرکوز کرنے والے تجارتی مشنوں کی پیش رفت کے ساتھ ساتھ برطانیہ کے انرجی سسٹمز کیٹپلٹ اور بھارت کی پاور ٹریڈنگ کارپوریشن کے درمیان تعاون پر بھی تبادلہ خیال کیا ۔

آف شور ونڈ ڈیولپمنٹ کو آگے بڑھانے کے مشترکہ عزائم کو تسلیم کرتے ہوئے ، وزراء نے برطانیہ-بھارت آف شور ونڈ ٹاسک فورس کے قیام کا اعلان کیا ، جو دونوں ممالک میں آف شور ونڈ ایکو سسٹم کی ترقی ، سپلائی چین اور فنانسنگ ماڈلز کو آگے بڑھانے پر توجہ دے گی ۔  جناب ملی بینڈ نے قابل تجدید توانائی کے شعبے میں بھارت کے حوصلہ مندانہ اقدامات کی تعریف کی اور سولر روف ٹاپ پروگرام (پی ایم-سوریہ گھر مفت بجلی یوجنا) کو نافذ کرنے میں بھارت کے تجربے سے بصیرت حاصل کرنے میں گہری دلچسپی ظاہر کی ۔

وزراء نے توانائی کی منتقلی کو آگے بڑھانے اور توانائی کی زیادہ سے زیادہ سیکورٹی اور رسائی کو یقینی بنانے میں پاور مارکیٹ کے ضوابط کی اہمیت پر اتفاق کیا ۔  اس میں مدد کے لیے، انہوں نے یوکے پارٹنرنگ فار ایکسلریٹنگ کلائمیٹ چینج (یوکے پی اے سی ٹی) کے تحت  بجلی کے شعبہ کی اصلاحات کے پروگرام کو جاری رکھنے کا اعلان کیا ۔  مزید برآں ،بھارت میں قابل تجدید توانائی  کو مربوط کرنے اور گرڈ کی یکسر تبدیلی کی مدد کے لیے برطانیہ کے آفس آف گیس اینڈ الیکٹرسٹی مارکیٹس (او ایف جی ای ایم) اور بھارت کے سینٹرل الیکٹرسٹی ریگولیٹری کمیشن (سی ای آر سی) کے درمیان ایک نئی ٹاسک فورس کی تجویز پیش کی گئی ہے ۔

دونوں وزرا ءنے باہمی توانائی منتقلی کے اہداف کو آگے بڑھانے ، توانائی تک رسائی کو یقینی بنانے اور محفوظ اور پائیدار صاف توانائی سپلائی چین کی تعمیر میں ان کوششوں کو اقتصادی ترقی کے ساتھ ہم آہنگ کرتے ہوئے بھارت-برطانیہ توانائی مذاکرات کی جاری اہمیت پر زور دیا ۔

وزراء نے جامع اسٹریٹجک شراکت داری کے ذریعے اپنے اشتراک کو مزید مستحکم کرنے کے ارادے کا اظہار کیا اور کہا کہ وہ 2026 میں پانچویں یوکے-انڈیا انرجی ڈائیلاگ کے منتظر ہیں ۔  بات چیت کا اختتام ‘صنعتی توانائی کی کارکردگی/ ڈیکاربونائزیشن کے بہترین طریقوں کے خلاصہ’ اور ‘بھارتی ایلومینیم سیکٹر میں توانائی کی کارکردگی اور ڈیکاربونائزیشن کے لیے راستوں’ کے آغاز کے ساتھ ہوا ۔

****************

(ش ح۔ف ا ۔ش ت)

U:6395

(Release ID: 2101655) Visitor Counter : 11