আজি পুৱা ১০ বজালৈকে প্ৰয়াগৰাজৰ মহাকুম্ভ, ২০২৫ত পবিত্ৰ স্নান কৰা ভক্তৰ সংখ্যাই ৪২ কোটি অতিক্ৰম কৰিছে। আগন্তুক ১৯ দিনতো স্নান কৰা লোকৰ সংখ্যা ৫০ কোটিৰো অধিক হ’ব পাৰে বুলি আশা কৰা হৈছে।

মহা কুম্ভত প্ৰতিফলিত বৈচিত্ৰ্যময় সংস্কৃতি

তিনি অমৃত স্নান (মকৰ সংক্ৰান্তি, মৌনী অমাৱস্যা আৰু বসন্ত পঞ্চমী)ৰ পিছতো ভক্তসকলৰ উৎসাহ কমা নাই। পবিত্ৰ ত্ৰিবেণীত স্নান কৰিবলৈ সমগ্ৰ ভাৰত আৰু বিশ্বৰ বৃহৎ সংখ্যক ভক্ত আহি আছে। ইয়াৰ ভিতৰত আছে বিশ্বৰ ভিন্ন প্ৰান্তৰ ১০ নিযুত কল্পবাসীৰ লগতে ভক্ত আৰু সাধু।

ভক্তৰ বিপুল সমাগম

সৰ্বাধিক ৮ কোটিৰো অধিক ভক্তই মৌনী অমাৱস্যাত পবিত্ৰ স্নান কৰাৰ বিপৰীতে ৩.৫ কোটি লোকে মকৰ সংক্ৰান্তিৰ দিনা স্নান কৰিছিল। ৩০ জানুৱাৰী আৰু ১ ফেব্ৰুৱাৰী দুয়োটা দিনতে ২ কোটিৰো অধিক, সমগ্ৰ পৌশ পূৰ্ণিমাত ১.৭ কোটিৰো অধিক ভক্তই পবিত্ৰ স্নান কৰে। একেদৰে, বসন্ত পঞ্চমীত ২.৫ কোটিৰো অধিক ভক্তই ত্ৰিবেণীত স্নান কৰে।

এতিয়ালৈকে স্নান কৰা বিশিষ্ট ব্যক্তিসকল

প্ৰধানমন্ত্ৰী শ্ৰী নৰেন্দ্ৰ মোদী, গৃহমন্ত্ৰী শ্ৰী অমিত শ্বাহ, প্ৰতিৰক্ষা মন্ত্ৰী শ্ৰী ৰাজনাথ সিং, মুখ্যমন্ত্ৰী যোগী আদিত্যনাথ (উত্তৰ প্ৰদেশৰ কেবিনেট মন্ত্ৰীসকলৰ সৈতে) আৰু আন-আন বিশিষ্ট নেতাসকলে ইতিমধ্যে সংগমত স্নান কৰিছে। ভাৰতৰ মাননীয় ৰাষ্ট্ৰপতি শ্ৰীমতী দ্ৰৌপদী মূৰ্মুয়ে অহা ১০ ফেব্ৰুৱাৰীত সংগমত স্নান কৰিব।

আন-আন বিশিষ্ট লোকসকলৰ ভিতৰত উত্তৰ প্ৰদেশৰ ৰাজ্যপাল শ্ৰীমতী আনন্দীবেন পেটেল, ৰাজস্থানৰ মুখ্যমন্ত্ৰী শ্ৰী ভজন লাল শৰ্মা, হাৰিয়ানাৰ মুখ্যমন্ত্ৰী শ্ৰী নায়াব সিং ছাইনী, মণিপুৰৰ মুখ্যমন্ত্ৰী শ্ৰী এন. বিৰেন সিং, গুজৰাটৰ মুখ্যমন্ত্ৰী শ্ৰী ভূপেন্দ্ৰ পেটেল আছিল। কেন্দ্ৰীয় মন্ত্ৰীসকলৰ তালিকাত শ্ৰী গজেন্দ্ৰ সিং শ্বেখাৱত, শ্ৰী অৰ্জুন ৰাম মেঘৱাল, শ্ৰী শ্ৰীপদ নাইকৰ লগতে সাংসদসকল আছিল ডঃ সুধাংশু ত্ৰিবেদী, শ্ৰীমতী সুধা মূৰ্তি, শ্ৰী ৰবি কিষাণ আদি।

আন বিশিষ্ট ব্যক্তিসকলৰ মাজত আছিল বিজেপিৰ জ্যেষ্ঠ নেতা শ্ৰী ৰবি শংকৰ প্ৰসাদ, সমাজবাদী পাৰ্টিৰ ৰাষ্ট্ৰীয় সভাপতি শ্ৰী অখিলেশ যাদৱ, অলিম্পিকত পদক বিজয়ী ছাইনা নেহৱাল, প্ৰখ্যাত কবি কুমাৰ বিশ্বাস, ক্ৰিকেটাৰ সুৰেশ ৰাইনা, আন্তঃৰাষ্ট্ৰীয় মল্লযুঁজাৰু খালি, নৃত্য পৰিচালক ৰেমো ডি’ছৌজা আদি।

******

AD/VM/SB