بچوں، نوعمروں، حاملہ خواتین اور دودھ پلانے والی ماؤں کے لیے غذائیت کے نتائج کو بہتر بنانے کے لیے 8 مارچ 2018 کو مجموعی غذائیت کے لیے ایک جامع اسکیم پوشن ابھیان شروع کی گئی تھی۔ پوشن ابھیان کے تحت آنگن واڑی کارکنوں کی صلاحیت کو بڑھانے اور مضبوط کرنے کے لیے انکریمنٹل لرننگ اپروچ (آئی ایل اے) کو شامل کیا گیا تھا۔ 15ویں مالیاتی کمیشن کے تحت، غذائی قلت کے چیلنج سے نمٹنے کے لیے، مختلف اجزاء جیسے آنگن واڑی خدمات، پوشن ابھیان اور نوعمر لڑکیوں کے لیے اسکیم (14-18 سال کی عمر کے خواہشمند اضلاع اور شمال مشرقی خطے) کو مشن سکشم آنگن واڑی اور پوشن 2.0 (مشن 2.0 پوشن) کے تحت شامل کیا گیا ہے۔

مشن پوشن 2.0 کے تحت، آنگن واڑی ورکرز (اے ڈبلیو ڈبلیوز) کو موثر نگرانی اور خدمات کی فراہمی کے لیے اسمارٹ فون کی فراہمی کے ساتھ تکنیکی طور پر بااختیار بنایا گیا ہے۔ آنگن واڑی مراکز میں غذائیت کی فراہمی کے معاونت کے نظام کو مضبوط بنانے اور شفافیت لانے اور بچوں (0-6 سال) میں بونے پن، کمزوری، کم وزنی کے پھیلاؤ کی متحرک شناخت کے لیے آئی ٹی سسٹمز کا فائدہ اٹھایا گیا ہے۔ اس نے آنگن واڑی خدمات جیسے روزانہ حاضری، ابتدائی بچپن کی دیکھ بھال اور تعلیم (ای سی سی ای) ، گرم پکا ہوا کھانا (ایچ سی ایم) / گھر لے جانے والا راشن (ٹی ایچ آر- بغیر پکا ہوا راشن)، ترقی کی پیمائش وغیرہ کے لیے حقیقی وقت میں ڈیٹا اکٹھا کرنے کی سہولت فراہم کی ہے۔ یہ ایپلی کیشن آنگن واڑی ورکر کے لیے فزیکل رجسٹروں کو بنانے کی ضرورت کو پورا کرنے کے لیے کام کی امداد کے طور پر کام کر رہی ہے،جس کی وجہ سے ورکروں پر کام کا بوجھ کم ہو گیا ہے۔

آنگن واڑی کارکنوں کی استعداد کار میں اضافے کے لیے  غذائیت اور ابتدائی دیکھ بھال اور تعلیم کے بارے میں سیکھنے کے ماڈیول تمام نیوٹریشن ٹریکر پر آسانی سے آن لائن دستیاب ہیں۔

اس کے علاوہ، پوشن بھی پڑھائی بھی (پی بی پی بی) پہل 10 مئی 2023 کو شروع کی گئی تھی ، جس کا مقصد تمام آنگن واڑی کارکنوں کو چھ سال سے کم عمر کے بچوں کی ابتدائی بچپن کی دیکھ بھال اور غذائیت کی خدمات سے متعلق تربیت فراہم کرنا ہے۔ آج تک، پوشن بھی پڑھائی بھی پروگرام کے تحت ملک بھر میں 31,114  ایس ایل ایم ٹیز (سی ڈی پی اوز، سپروائزرز اور ایڈیشنل ریسورس پرسن) اور 145,481 آنگن واڑی کارکنوں کو تربیت دی گئی ہے۔

مشن پوشن 2.0 کے اہم پروگرام عناصر میں سے ایک آنگن واڑی ورکرز (اے ڈبلیو ڈبلیو ز)  اور آنگن واڑی معاونین (اے ڈبلیو ایچز) کو ماہانہ بنیادوں پر ترغیب دینا ہے تاکہ غذائیت اور صحت کی خدمات کی زیادہ سے زیادہ فراہمی اور رویے میں تبدیلی کی حمایت کی جا سکے۔ آنگن واڑی ورکرز اور آنگن واڑی معاونین کے لیے ترقی کی پیمائش، گھر کے دورے (ہوم وزٹس) اور آنگن واڑی مراکز کھولنے کے لیے بالترتیب  500/- روپے ماہانہ اور 250/-    روپے ماہانہ کی کارکردگی سے منسلک ترغیب کا انتظام ہے۔

 یہ اطلاع خواتین اور بچوں کی ترقی کی وزیر مملکت محترمہ ساوتری ٹھاکر نے آج لوک سبھا میں ایک سوال کے جواب میں دی۔

*********

ش ح ۔ ش ت۔ م الف

U. No.6247