ہندوستانی ریلوے وندے بھارت سلیپر ٹرین سیٹ کے ساتھ طویل فاصلے کے سفر میں انقلاب لانے کے لیے تیار ہے، جو ملک کے سب سے تیزی سے ترقی کرنے والے بیڑے میں ایک جدید ترین اضافہ ہے۔ عالمی معیار کی تیز رفتار سلیپر ٹرین کا خواب اب حقیقت بن گیا ہے کیونکہ پہلی 16 کاروں والی وندے بھارت سلیپر ٹرین سیٹ نے 15 جنوری 2025 کو ریسرچ ڈیزائنز اینڈ اسٹینڈرڈز آرگنائزیشن (آر ڈی ایس او) کے ذریعہ ممبئی-احمد آباد سیکشن میں پانچ سو چالیس کلومیٹر کے فاصلے کے لیے سخت آزمائشیں کامیابی سے مکمل کی ہیں۔ انٹیگرل کوچ فیکٹری، چنئی نے گزشتہ سال 17 دسمبر کو ہندوستان کی پہلی وندے بھارت سلیپر ٹرین کی تیاری مکمل کی تھی۔ پندرہ دن کے اندر ٹرین کو کوٹا ڈویژن لایا گیا اور پچھلے مہینے کے پہلے ہفتے میں لگاتار تین دن تک 30 سے ​​40 کلومیٹر کے مختصر فاصلے کے لیے اس کا کامیاب تجربہ کیا گیا، جہاں اس نے فی گھنٹہ 180 کلومیٹر کی رفتار سے آرام دہ سفر کا تجربہ کیا۔

یہ کامیابی ریلوے کی جدید کاری میں ایک اہم چھلانگ کی نشاندہی کرتی ہے، جو مسافروں کے لیے بغیر کسی رکاوٹ اور پرتعیش سفر کے تجربے کا وعدہ کرتی ہے۔ آرام، رفتار، اور جدید ٹیکنالوجی پر توجہ مرکوز کرتے ہوئے، وندے بھارت سلیپر ٹرینیں آنے والے دنوں میں عوام کے لیے رات بھر کے سفر کی نئی وضاحت کرنے کے لیے تیار ہیں۔

پیداوار کو بڑھانا: آگے کا راستہ

پروٹو ٹائپ کے کامیاب ٹرائل کے بعد، نو مزید وندے بھارت سلیپر ٹرین سیٹس کی تیاری اپریل اور دسمبر 2025 کے درمیان طے کی گئی ہے۔ یہ ٹرینیں طویل فاصلے کے مسافروں کے لیے کارکردگی اور سہولت میں نئے معیارات قائم کریں گی۔

اس اولوالعزم  رول آؤٹ کو تقویت دینے کے لیے، انڈین ریلوے نے 17 دسمبر 2024 کو 24 کاروں والی وندے بھارت سلیپر ٹرین سیٹ کے 50 ریک کے لیے پروپلشن الیکٹرک کے لیے ایک بڑا آرڈر دیا ہے۔ یہ آرڈر دو سرکردہ ہندوستانی مینوفیکچرر کو دیا گیا ہے، جو کہ 2 سال کی مدت میں تیار ہونے کا امکان ہے۔

• میسرز میدھا 33 ریک کے لیے پروپلشن سسٹم فراہم کرے گی۔
• میسرز السٹون 17 ریک کے لیے پروپلشن سسٹم فراہم کرے گا۔

آگے دیکھتے ہوئے، 24 کاروں والی وندے بھارت سلیپر ٹرین سیٹ کی مکمل پیداوار 27-2026 میں شروع ہو جائے گی، جو ریلوے ٹیکنالوجی میں ہندوستان کی خود انحصاری کو مزید مضبوط کرے گی۔

رفتار اورآرام دہ  کے ساتھ ریل سفر کا ایک نیا باب

یہ وندے بھارت سلیپر ٹرینیں خودکار دروازے، انتہائی آرام دہ برتھ، بورڈ پر وائی فائی اور ہوائی جہاز جیسا ڈیزائن جیسی خصوصیات کے ساتھ ڈیزائن کی گئی ہیں۔ ہندوستان میں مسافر پہلے ہی درمیانی اور مختصر فاصلے پر ملک بھر میں چلنے والی 136 وندے بھارت ٹرینوں کے ذریعہ ٹیک لگائے بیٹھنے اور عالمی معیار کے سفر کے تجربے سے لطف اندوز ہو رہے ہیں۔ وندے بھارت سلیپر کے ساتھ، مسافر عالمی معیار کی سہولیات اور جدید حفاظتی خصوصیات سے آراستہ ایک پرسکون، ہموار اور زیادہ آرام دہ سفر کی توقع کر سکتے ہیں۔ میک اِن انڈیا پہل کے تحت ڈیزائن اور تعمیر کی گئی یہ ٹرین ہندوستان کی انجینئرنگ کی مہارت اور ریل کے سفر کو تبدیل کرنے کے عزم کا اظہار کرتی ہے۔

جیسا کہ انڈین ریلوے اس تبدیلی کے منصوبے کے ساتھ آگے بڑھ رہا ہے، وندے بھارت سلیپر ٹرین سیٹ جدید، موثر، اور مسافروں کے لیے دوستانہ نقل و حمل کے ملک کے وژن کے ثبوت کے طور پر قائم ہے۔

ٹرین کی خصوصیات

ٹرین میں 16 ڈبے ہیں جن کو تین کلاسوں میں تقسیم کیا گیا ہے: فرسٹ اے سی  کلاس، اے سی 2-ٹائر اور اے سی 3-ٹائر۔

ٹرین میں کل 1,128 مسافروں کی گنجائش ہے۔

ٹرین میں کریش بفرز، ڈیفارمیشن ٹیوبیں اور فائر بیریئر وال ہیں۔

ٹرین میں خودکار دروازے، کشن والی برتھ اور وائی فائی ہے۔

ہندوستان کی پہلی وندے بھارت سلیپر ٹرین کو چلانے سے پہلے، ریسرچ ڈیزائنز اینڈ اسٹینڈرڈز آرگنائزیشن (آر ڈی ایس او) ٹرائل رن کا تجزیہ کرنے کے بعد حتمی سرٹیفکیٹ جاری کرے گی۔ ریلوے سیفٹی کمشنر ٹرین کی زیادہ سے زیادہ رفتار کا جائزہ لیں گے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ن م(

6208