غیر اخلاقی مارکیٹنگ کو روکنے اور ڈاکٹروں/رجسٹرڈ میڈیکل پریکٹیشنرز (آر ایم پیز) اور دواساز کمپنیوں کے نمائندوں کے درمیان تعامل کو منضبط کرکے دواسازی کی مصنوعات کی ذمہ دارانہ ترویج کو یقینی بنانے کے مقصد کے ساتھ، فارماسیوٹیکل ڈیپارٹمنٹ نے 12.3.2024 کو فارماسیوٹیکل مارکیٹنگ  کے طور طریقے 2024کا یکساں کوڈ جاری کیا ہے۔

 کوڈ میں ڈاکٹروں/آر ایم پیز کے درمیان منشیات کے فروغ کے حوالے سے رہنما خطوط بیان کیے گئے ہیں۔ فارماسیوٹیکل کمپنیاں اپنے طبی نمائندوں اور دیگر ملازمین کے اعمال کے لیے جوابدہ ہیں۔ ضابطہ دوا ساز کمپنیوں کی طرف سے ڈاکٹروں اور ان کے خاندان کے افراد کو تحائف، مالیاتی فوائد اور مہمان نوازی کی فراہمی پر پابندی عائد کرتا ہے۔ اس میں دوا ساز کمپنیوں کے لیے ضابطہ کی پابندی کا خود اعلان کرنے اور طبی تعلیم کو جاری رکھنے اور پیشہ ورانہ ترقی کو جاری رکھنے کے لیے منعقد کی جانے والی کانفرنسوں، سیمینارز اور ورکشاپس سے متعلق اخراجات کو ظاہر کرنے کے  لئے شرائط شامل ہیں۔ کمپنیاں آزاد، سرسری یا خطرے پر مبنی آڈٹ سے گزر سکتی ہیں۔ یہ ضابطہ دو پرتوں پر مشتمل شکایت کے فیصلے کا عمل قائم کرتا ہے، جس میں اپیلیں محکمہ فارماسیوٹیکلز کے ذریعے دیکھی جاتی ہیں۔

کوڈ کے تحت سزاؤں میں درج ذیل شامل ہیں:

• دوا ساز ادارے کی سرزنش اور اس کی مکمل تفصیلات کی اشاعت؛
• متعلقہ افراد سے فارماسیوٹیکل ادارے کے ذریعہ ضابطہ کی خلاف ورزی پر دی گئی رقم یا اشیاء کی وصولی اور کوڈ کے تحت اخلاقیات کمیٹی کو کی گئی کارروائی کی اطلاع؛
• میڈیا میں اصلاحی بیان کا اجراء، اگر اس میں جاری کردہ تشہیری مواد ضابطہ میں بیان کردہ تقاضوں کو پورا نہیں کرتا ہے۔ اور
• فارماسیوٹیکل کمپنیوں کو متعلقہ سرکاری محکموں کی طرف سے موجودہ قوانین کے تحت ، کوڈ کی انتظامیہ کے دوران پائی جانے والی خلاف ورزیوں کی بنیاد پرکارروائی کا سامنا کرنا پڑ سکتا ہے ۔

مزید یہ کہ، انڈین میڈیکل کونسل (پیشہ ورانہ طرز عمل، آداب اور اخلاقیات) ضوابط، 2002 جو انڈین میڈیکل کونسل ایکٹ، 1956 کے تحت بنائے گئے ہیں، ڈاکٹروں اور ڈاکٹروں کی پیشہ ورانہ ایسوسی ایشن کے لیے فارماسیوٹیکل اور اس سے منسلک صحت کے شعبے کی صنعت کے ساتھ ان کے تعلقات میں ضابطہ اخلاق فراہم کرتا ہے۔

انڈین میڈیکل کونسل (پیشہ ورانہ طرز عمل، آداب اور اخلاقیات) کے ضوابط، 2002 کی شق 1.5 یہ التزام کرتی ہے کہ ہر معالج کو عام ناموں کے ساتھ واضح اور ترجیحی طور پر بڑے حروف میں دوائیں تجویز کرنی چاہئیں اور وہ اس بات کو یقینی بنائے گا کہ دوائی کا معقول نسخہ اور استعمال موجود ہے۔ مزید، میڈیکل کونسل آف انڈیا نے 22.11.2012، 18.1.2013 اور 21.4.2017 کو سرکلر جاری کیے جس میں تمام رجسٹرڈ میڈیکل پریکٹیشنرز کو مذکورہ بالا دفعات کی تعمیل کرنے کی ہدایت کی گئی ہے۔

نیشنل میڈیکل کمیشن ایکٹ، 2019 مناسب ریاستی میڈیکل کونسلز یا نیشنل میڈیکل کمیشن کے اخلاقیات اور میڈیکل رجسٹریشن بورڈ کو مذکورہ ضوابط کی دفعات کی خلاف ورزی کرنے پر کسی ڈاکٹر کے خلاف تادیبی کارروائی کرنے کا اختیار دیتا ہے۔ مزید یہ کہ ریاستوں کو مشورہ دیا گیا ہے کہ وہ عام ادویات کی تجویز کو یقینی بنائیں اور صحت عامہ کی سہولیات میں نسخے کا باقاعدہ آڈٹ کریں۔

یہ معلومات کیمیکل اور کھاد کی مرکزی وزیر مملکت محترمہ انوپریہ پٹیل نے آج راجیہ سبھا میں ایک سوال کے تحریری جواب میں دی۔

 

************

ش ح ۔   م  د ۔  م  ص

 (U : 6093   )

(Release ID: 2099840) Visitor Counter : 14