Da ka jingthmu ban iada ia ka jingpyniaid iew bym don jingbahkhlieh bad pynthikna ka jingkyntiew kaba don jingbahkhlieh ia ki tiar ai jingsumar lyngba ka jingpyrkhing ia ki jingiakren hapdeng ki doctor / ki nongai jingsumar ba la ioh jingithuh bad ki dkhot jong ki kompani shna dawai, ka Tnad Pharmaceuticals, ha ka 12.3.2024 ka la pyllait ia ka Uniform Code of Pharmaceuticals Marketing Practices 2024.

Ka code ka batai ia ki kyndon ba iadei bad ka jingkyntiew ia ki dawai hapdeng ki doctor/ ki nongai jingsumar ba la ioh jingithuh. Ki kompani shna dawai ki hap bahkhlieh ia ki sienjam jong ki nongmihkhmat halor ki kam dawai jong ki bad kiwei kiwei ki nongtrei. Ka code ka mana ia ka kyndon ai sngewbha, ki jingmyntoi ha ka liang ka pisa bad ki jingleh bha ia ki doctor bad kiba haiing jong ki da ki kompani shna dawai. Ka kynthup ki jingdonkam ia ki kompani shna dawai ban ai jingtip dalade shaphang ka jingbud ia ki kyndon bad pyni ia ki jingpynlut ba iadei bad ki conference, ki seminar bad ki workshop ba la pynlong na ka bynta ka jingbteng ia ka jingioh jinghikai ha ka kam ai jingsumar bad ka jingbteng ban pyntbit ialade ha ka kam. Ki Kompani ki hap ban iaid lyngba ki audit. Ka code ka wanrah ia ka rukom treikam ba don ar kyrdan ban peit ia ki jingujor, ha kaba ia ki jingkyrpad yn peit da ka tnad Pharmaceuticals.

Ki jingpynshitom hapoh ka code kilong kumne harum:

• Ka jingmaham ia ka kompani kaba iadei bad ki dawai bad ka jingpynmih ia ki jingbatai bniah shaphang ki jingmaham
• Ka jingknieh ia ka pisa lane ki tiar ba la ai ha ka jingpynkhein ia ka code da ka kynhun shna dawai na ki briew ba dei khmih bad ka jingphah jingtip ia ka sienjam ba la shim sha ka Ethics Committee hapoh ka code;
• Ka jingphah ia ka jingai jingtip ia ki media, lada ka jingai jingtip kaba la pynmih kam iahap bad ki jingdonkam kumba la batai ha ka code, bad
• Ki kompani shna dawai ki lah ban mad ia ki sienjam hapoh ki ain ba la don lypa lyngba ki tnad sorkar, katkum ki jingpynkhein ba la lap ha ka jingpyntreikam ia ka code.

Shuh shuh, ka Indian Medical Council (Professional Conduct, Etiquette and Ethics) Regulations, 2002 ba la shna hapoh ka Indian Medical Council Act, 1956 ka ai ia ki rukom treikam ia ki doctor bad ka kynhun jong ki doctor ha ka jingiadei jong ki bad ki karkhana shna dawai bad ki kam ba iadei bad ka koit ka khiah.

Ka Clause 1.5 jong ka Indian Medical Council (Professional Conduct, Etiquette and Ethics) Regulations, 2002 ka ong ba baroh ki nongai jingsumar ki dei ban ai ia ki dawai ba paw shai ka kyrteng, kaba la thoh da ki dak heh bad kin pynthikna ba kan don ka nongrim balei ba la ai ia kine ki dawai. Shuh shuh, ka Medical Council of India ka la pyllait ki jingpynbna kaba ha ka 22.11.2012, 18.1.2013 bad 21.4.2017 kaba bthah ia baroh ki doctor ba la kyntiew kyrteng ban bud ia kitei ki kyndon ba la kdew.

Ka National Medical Commission Act, 2019 ka pynkup bor ia ki State Medical Council lane ka Ethics and Medical Registration Board jong ka National Medical Commission ban shim ka sienjam pyrshah ia u doctor ba pynkhein ia ki kyndon ba la batai halor. Shuh shuh, la bthah ia ki jylla ban pynthikna ia ka jingai da ki dawai ba shna ha ka ri bad ban pynlong ia ki audit shaphang ki jingai dawai na ka por sha ka por ha ki jaka ai jingsumar ia ki paidbah.

Ia kane ka jingtip la ai da ka Myntri Khynnah jong ka sorkar pdeng ba dei khmih ia ka Tnad Chemicals and Fertilizers ka Anupriya Patel ha Rajya Sabha ha ka jubab ba shu thoh ia ka jingkylli mynta ka sngi.

*****

(Release ID: 2099789) Visitor Counter : 13