পাতনি

 

ৰাজহুৱা আন্তঃগাঁথনি হৈছে অৰ্থনৈতিক উন্নয়নৰ মেৰুদণ্ড।  যোগাযোগ , বাণিজ্য, আৰু সামগ্ৰিক জীৱনৰ মান বৃদ্ধি কৰিবলৈ আন্তঃগাথনিৰ নিতান্তই প্ৰয়োজন।  বিশ্বৰ পঞ্চম বৃহত্তম অৰ্থনীতি হিচাবে ভাৰতে বিগত দশকত আন্তঃগাঁথনি উন্নয়নৰ ক্ষেত্ৰত উল্লেখযোগ্য অগ্ৰগতি লাভ কৰিছে।

 

শেহতীয়াকৈ ভাৰতত মুঠ আন্তঃগাঁথনি বিনিয়োগ যথেষ্ট বৃদ্ধি পাইছে।  ৰাজহুৱা আৰু ব্যক্তিগত খণ্ডৰ অৱদানে বৃদ্ধিৰ গতিপথ সলনি কৰি পেলাইছে। ভাৰতৰ মুঠ আন্তঃগাঁথনি ব্যয় দ্ৰুতগতিত বৃদ্ধি পাইছে, ২০২৩-২৪ চনত বাজেটত আন্তঃগাথনিৰ বাবে  আবণ্টিত ধনৰ পৰিমাণ  ১০ লাখ কোটি টকালৈ বৃদ্ধি পাইছে।

 

পি এম গতি শক্তি

২০২১ চনত আৰম্ভ হোৱা পি এম গতি শক্তিয়ে ৰাষ্ট্ৰীয় গুৰু আঁচনি (এন এম পি) ৰে’ল আৰু পথকে ধৰি বিভিন্ন মন্ত্ৰালয়ক একত্ৰিত কৰি আন্তঃগাঁথনি প্ৰকল্পৰ সংহত পৰিকল্পনা আৰু সমন্বিত ৰূপায়ণ নিশ্চিত কৰিবলৈ পথ সুগম কৰিছে। এই পদক্ষেপৰ লক্ষ্য হৈছে বিভিন্ন পৰিবহণ পদ্ধতিৰ মাজেৰে মানুহ, সামগ্ৰী আৰু সেৱাৰ চলাচলৰ বাবে নিৰৱচ্ছিন্ন আৰু কাৰ্যক্ষম সংযোগ প্ৰদান কৰা। যাৰ ফলত সমাজৰ শেষ মাইলৰ স্তৰত থকাসকলৰ বাবেও   যোগাযোগ বৃদ্ধিপায়  আৰু ভ্ৰমণৰ সময় হ্ৰাস কৰিবৱ পৰা যায় । ২০২৪ চনৰ অক্টোবৰ মাহৰ ভিতৰত এই প্ৰকল্পই ৪৪টা কেন্দ্ৰীয় মন্ত্ৰালয় আৰু ৩৬খন ৰাজ্য/কেন্দ্ৰীয় শাসিত অঞ্চলক সামৰি লৈছে আৰু মুঠ ১,৬১৪টা ডাটা লেয়াৰকো একত্ৰিত কৰা হৈছে। প্ৰধানমন্ত্ৰী গতি শক্তির অধীনত  বিভিন্ন মন্ত্ৰালয়ে ১৫.৩৯ লাখ কোটি টকাৰ  ২০৮  টা বৃহৎ  আন্তঃগাঁথনি প্ৰকল্পৰ এক মাইলৰ খুঁটি  স্থাপন কৰিবলৈ সক্ষম হৈছে।

 

 বিশ্ব বেংকৰ লজিষ্টিক পাৰফৰমেন্স ইনডেক্স (এল পি আই) ৰেংকিঙৰ  প্ৰতিবেদন অনুসৰি   ভাৰতৰ স্থান পূৰ্বতকৈ ৬ টা স্থানলৈ আগবাঢ়ি ২০১৮ চনত   ৪৪ৰ পৰা ২০২৩ চনত  ৩৮লৈ  উন্নীত  হৈছে। এয়া বিশ্বৰ ১৩৯খন দেশৰ ভিতৰত ভাৰতে লাভ কৰা স্থান আছিল। পি এম গতিশক্তিৰ পৰিপূৰক হিচাপে ২০২২ চনৰ ছেপ্টেম্বৰ মাহত ৰাষ্ট্ৰীয় লজিষ্টিক নীতি আৰম্ভ কৰা হয়।২৬খন ৰাজ্যই নিজৰ ৰাজ্যিক পৰ্যায়ৰ লজিষ্টিক   নীতিৰ বিষয়ে জাননী জাৰি  কৰিছে।

 

ঘাইপথ আৰু পথ

 

ভাৰতত বিশ্বৰ ভিতৰতে দ্বিতীয় বৃহত্তম পথ নেটৱৰ্ক  আছে আৰু দেশ খনৰ ৰাষ্ট্ৰীয় ঘাইপথসমূহ  মুঠ ১,৪৬,১৪৫ কিলোমিটাৰ দৈৰ্ঘ্যত বিস্তৃত হৈ  থাকি   দেশখনৰ প্ৰাথমিক ধমনী  হিচাবে পৰিগণিত হৈছে। ভাৰত চৰকাৰে ভাৰতমালা  আঁচনিৰ দৰে ফ্লেগশ্বিপ কাৰ্যসূচীৰ জৰিয়তে ৰাষ্ট্ৰীয় ঘাইপথৰ নেটৱৰ্ক বৃদ্ধি আৰু শক্তিশালী কৰাৰ বাবে কেইবাটাও পদক্ষেপ গ্ৰহণ কৰিছে । য’ত অন্তৰ্ভুক্ত  হৈ আছে ৰাষ্ট্ৰীয় ঘাইপথ উন্নয়ন প্ৰকল্প (এন এইচ ডি পি), উত্তৰ-পূব অঞ্চলৰ বাবে বিশেষ ত্বৰান্বিত পথ উন্নয়ন কাৰ্যসূচী (এছ এ আৰ ডি পি -উত্তৰ-পূব) আৰু আৰু বহু চলি থকা প্ৰকল্প।

 

• ভাৰতৰ ৰাষ্ট্ৰীয় ঘাইপথ নেটৱৰ্ক ২০০৪ চনত ৬৫,৫৬৯ কিলোমিটাৰৰ পৰা ২০১৪ চনত ৯১,২৮৭ কিলোমিটাৰ আৰু ২০২৪ চনত ১,৪৬,১৪৫ কিলোমিটাৰলৈ সম্প্ৰসাৰিত  হৈছে।

 

•চাৰিটা বা ততোধিক লেন থকা ৰাষ্ট্ৰীয় ঘাইপথ ২০১৪ চনত ১৮,৩৭১ কিলোমিটাৰৰ পৰা ২০২৪ চনত ৪৮,৪২২ কিলোমিটাৰলৈ, অৰ্থাৎ  ২.৬ গুণলৈ বৃদ্ধি পাইছে।

• কাৰ্যকৰী হাই-স্পীড কৰিডৰ ২০১৪ চনত ৯৩ কিলোমিটাৰৰ পৰা ২০২৪ চনত ২,১৩৮ কিলোমিটাৰলৈ বৃদ্ধি পাইছে।

• ৰাষ্ট্ৰীয় ঘাইপথ নিৰ্মাণৰ গতি ২০১৪-১৫ চনত ১২.১ কিলোমিটাৰ প্ৰতিদিনৰ পৰা ২০২৩-২৪ চনত ৩৩.৮ কিলোমিটাৰলৈ বৃদ্ধি পাইছে।

 

• মূলধনী ব্যয় (ব্যক্তিগত বিনিয়োগকে ধৰি) ২০১৩-১৪ চনত ৫৩,০০০ কোটি টকাৰ পৰা ২০২৩-২৪ চনত ৩.০১ লাখ কোটি টকালৈ (এতিয়ালৈকে সৰ্বাধিক) ৫.৭ গুণ বৃদ্ধি পাইছে।

 

 

ভাৰতমালা পৰিযোজন

 

২০১৭ চনত আৰম্ভ হোৱা ভাৰতমালা পৰিযোজনাই প্ৰায় ২৬,০০০ কিলোমিটাৰ দৈৰ্ঘ্যৰ অৰ্থনৈতিক কৰিডৰৰ উন্নয়নৰ কথা চিন্তা কৰিছে, যিয়ে সোণালী চতুৰ্ভুজ (জি কিউ) আৰু উত্তৰ-দক্ষিণ আৰু পূব-পশ্চিম (এনএছ-ইডব্লিউ) কৰিডৰৰ লগতে মালবাহী যাতায়াতৰ সৰহভাগ পথৰ অংশ সামৰি ল'ব   বুলি আশা কৰা হৈছে। ইয়াৰ উপৰি চহৰসমূহৰ মাজেৰে পাৰ হৈ যোৱা পথ  ভিৰ মুক্ত কৰিবলৈ আৰু লজিষ্টিক দক্ষতা বৃদ্ধি কৰিবলৈ ৰিং ৰোড/বাইপাছ আৰু উচ্চ কৰিডৰৰ উন্নয়নৰ কথাও চিন্তা কৰা হৈছে। ২০২৪ চনৰ নৱেম্বৰ মাহৰ  ভিতৰত এই প্ৰকল্পৰ অধীনত মুঠ ১৮,৯২৬ কিলোমিটাৰ পথ নিৰ্মাণৰ নিৰ্মাণ  সম্পূৰ্ণ হৈছে।

 

ভাৰতমালা পৰিযোজনাৰ অংশ হিচাপে ৩৫খন মাল্টি ম’ডাল লজিষ্টিক পাৰ্কৰ অধিক নেটৱৰ্ক গঢ়ি তোলাৰ পৰিকল্পনা কৰা হৈছে৷ ইয়াত মুঠ বিনিয়োগ কৰা হৈছে প্ৰায় ৪৬ হাজাৰ কোটি টকা৷ যি প্ৰকল্প এবাৰ কাৰ্যক্ষম  হৈ উঠিলে  প্ৰায় ৭০ কোটি মেট্ৰিক টন পৰিমাণৰ  সামগ্ৰী পৰিবহন কৰিব পৰা যাব৷

 

 

প্ৰধানমন্ত্ৰী গ্ৰামীণ সড়ক যোজনা

 

প্ৰধানমন্ত্ৰী গ্ৰাম সড়ক  যোজনা (PMGSY), ভাৰত চৰকাৰে  ২০০০ চনত   আৰম্ভ কৰিছিল৷ দৰিদ্ৰতা হ্ৰাস কৌশলৰ অংশ হিচাপে দেশৰ সংযোগৰ দিশত পিছপৰা  স্থানক   সংযোগ কৰাৰ লক্ষ্যৰে এই আঁচনি  আৰম্ভ কৰা হৈছিল৷

 

২০০৬-২০০৭ চনত পিএমজিএছৱাইৰ অধীনত ১,০৭,৩৭০ কিলোমিটাৰ পথৰ নিৰ্মাণ সম্পূৰ্ণ হয়, ইয়াত মুঠ ব্যয় ১০,৭৬৯ কোটি  টকা হৈছে । ২০১৪-১৫ চনত মুঠ ১৩০,১৪৯ কোটি টকা ব্যয়ৰে ৪,১৯,৩৫৮ কিলোমিটাৰ পথ নিৰ্মাণ সম্পূৰ্ণ হয় আৰু ২০২৪-২৫ চনত মুঠ ৩৩১,৫৮৪ কোটি টকা ব্যয়ৰে ৭,৭১,৯৫০ কিলোমিটাৰ পথ নিৰ্মাণ সম্পূৰ্ণ হয়।

 

 

অসামৰিক বিমান পৰিবহণ

 

ভাৰতৰ বিমান পৰিবহণ খণ্ডত এক লক্ষ্যণীয়  উত্থান ঘটিছে৷  যাৰ উদ্দেশ্য  হৈছে আকাশলংঘী চাহিদা আৰু সহায়ক নীতিৰ জৰিয়তে চৰকাৰৰ বিকাশৰ প্ৰতি অটল দায়বদ্ধতাক  প্ৰমাণ কৰা । এই গতিশীল পৰিৱৰ্তনে ভাৰতক বিশ্বৰ বিমান পৰিবহণ পৰিৱেশতন্ত্ৰৰ আগশাৰীলৈ আগুৱাই লৈ গৈছে আৰু ভাৰতক বিশ্বৰ তৃতীয় বৃহত্তম ঘৰুৱা বিমান পৰিবহনৰ ক্ষেত্ৰ   হিচাপে পৰিগণিত হৈ কৰিছে৷

• ২০১৪ চনত ভাৰতত কাৰ্যকৰী বিমানবন্দৰৰ সংখ্যা আছিল ৭৪টা।২০২৪ চনৰ ছেপ্টেম্বৰ মাহলৈকে এই সংখ্যা ১৫৭টালৈ বৃদ্ধি পাইছিল।

•ভাৰতৰ ১৫%তকৈ অধিক পাইলট মহিলা, যিটো বিশ্বৰ গড় ৫%তকৈ যথেষ্ট বেছি।

 

•নতুন অভিলেখ গঢ়ি ২০২৪ চনৰ ১৭ নৱেম্বৰত এটা দিনত প্ৰথমবাৰৰ বাবে ঘৰুৱা বিমান যাত্ৰীৰ যাতায়তৰ সংখ্যাই  ৫ লাখ অতিক্ৰম কৰে।

•২০১৬ চনৰ জুন মাহত ফ্লাইং প্ৰশিক্ষণ সংস্থা (এফটিঅ’)ৰ সংখ্যা আছিল ২৯টা।২০২৪ চনৰ ডিচেম্বৰ মাহলৈকে এই সংখ্যা  ৩৮টালৈ বৃদ্ধি পায় ।

 

•বিমানৰ সংখ্যাৰ  ক্ষেত্ৰত   কোভিড-১৯ৰ ৰ প্ৰভাৱৰ পিছতো ২০১৪ চনত প্ৰায় ৪০০ খনৰ ৰ পৰা ২০২৩ চনত ৭২৩ খনলৈ বৃদ্ধি পাইছে।

 

 

আঞ্চলিক সংযোগ আঁচনি (RCS) - উড়ান (উদে দেশ কা আম নাগৰিক)

 

বৰ্তমানৰ বিমানবন্দৰ আৰু বিমানবন্দৰসমূহ পুনৰুজ্জীৱিত কৰি ২০১৬ চনত আৰম্ভ হোৱা উড়ানে  বিচ্ছিন্ন সম্প্ৰদায়সমূহলৈ বিমান যাত্ৰাৰ প্ৰয়োজনীয় সুবিধা প্ৰদান কৰা আৰু আঞ্চলিক অৰ্থনীতিক  উন্নীত কৰাৰ লক্ষ্য স্থিৰ কৰিছে। দহ বছৰীয়া কাৰ্যকৰী পৰিকল্পনাৰে উড়ানে সকলো ভাৰতীয়ৰ বাবে বিমান যাত্ৰাৰ ন্যায্য সুবিধা নিশ্চিত কৰাৰ কথা  চিন্তা  কৰিছে। ৩১ ডিচেম্বৰ ২০২৪ৰ তথ্য অনুসৰি -

 

•এই আঁচনিৰ সুবিধা লাভ কৰিছে ১৪৭.৫৩ লাখ যাত্ৰীয়ে।

•উড়ান আঁচনিৰ অধীনত এই পৰ্যন্ত ২.৯৩ লাখৰো অধিক বিমান চলাচল কৰিছে।

•৬১৯টা আৰচিএছ পথে এতিয়ালৈকে ১৩টা হেলিপৰ্ট আৰু ২টা জল বিমানবন্দৰকে ধৰি ৮৮টা বিমানবন্দৰ সংযোগ কৰি কাৰ্য্যকলাপ আৰম্ভ কৰিছে।

 

 

শ্বিপিং আৰু বন্দৰ

 

ভাৰতৰ সামুদ্ৰিক খণ্ডটো বন্দৰ, জাহাজ পৰিবহণ, জাহাজ নিৰ্মাণ, জাহাজ মেৰামতি আৰু আভ্যন্তৰীণ জল পৰিবহণ ব্যৱস্থাৰে গঠিত। ভাৰতত মুঠ ১২টা চৰকাৰী মালিকানাধীন প্ৰধান বন্দৰ আৰু প্ৰায় ২১৭টা সৰু তথা মধ্যমীয়া  বন্দৰ আছে। ভাৰতীয় জাহাজ উদ্যোগে বছৰ বছৰ ধৰি ভাৰতৰ অৰ্থনীতিৰ সামুদ্ৰিক খণ্ডত গুৰুত্বপূৰ্ণ ভূমিকা পালন কৰি আহিছে। আয়তনৰ হিচাপত দেশখনৰ প্ৰায় ৯৫% বাণিজ্য আৰু মূল্যৰ হিচাপত ৭০% সামুদ্ৰিক পৰিবহণৰ জৰিয়তে অৰ্জন কৰা হয়।

 

 

• কাৰ্গো পৰিচালনা ক্ষমতা ২০১৪ চনত বছৰি ৮০০.৫  নিযুত টনৰ  পৰা ২০২৪ চনত বছৰি ১৬৩০ নিযুত  টনলৈ বৃদ্ধি পাইছে ।২০১৪ চনৰ তুলনাত এয়া  ৮৭% উন্নতি।

 

•২০১৪ চনত ৪৪ নম্বৰ স্থানৰ বিপৰীতে আন্তঃৰাষ্ট্ৰীয় ৎশ্বিপমেন শাখাত ভাৰতে ২২ নম্বৰ স্থান দখল কৰিছে।

•প্ৰধান বন্দৰসমূহৰ টাৰ্ণ এৰাউণ্ড টাইম (টি আৰ টি) ২০১৩-১৪ বিত্তীয় বৰ্ষত প্ৰায় ৯৪ ঘণ্টাৰ পৰা ২০২৩-২৪ বিত্তীয় বৰ্ষত প্ৰায় ৪৮.০৬ ঘণ্টালৈ হ্ৰাস পাইছে।

•২০১৪-১৫ বিত্তীয় বৰ্ষৰ তুলনাত জাহাজৰ বাৰ্থৰ দৈনিক ৰ গড় উৎপাদন ৫২%লৈ উন্নত হৈছে।

•২০১৪-১৫ চনৰ তুলনাত ২০২২-২৩ চনত সাগৰীয় ক্ৰুজৰ বাবে পৰ্যটকৰ সংখ্যা ৩.০৮ লাখলৈ বৃদ্ধি পাইছে আৰু লাইট হাউছৰ বাবে ১২.৩ লাখলৈ বৃদ্ধি পাইছে।

•প্ৰধান বন্দৰসমূহত ক্ষমতা এনেধৰণৰ :

 

ক্ৰমিক  নং

 

বছৰ

 

বন্দৰৰ ক্ষমতা

 

ট্ৰেফিক  পৰিচালনা

 

১

 

২০০৪-০৫ চন

 

৩৯৭.৫০

 

৩৮৩.৭৫

 

২

 

২০১৪-১৫ চন

 

৮৭১.৫২

 

৫৮১.৩৪

 

৩

 

২০২৩-২৪ চন

 

১৬২৯.৮৬

 

৮১৯.২৩

 

•২০১৪-১৫ চনত জাহাজৰ সংখ্যা ১,২৫০ খনৰ পৰা ২০২৩-২৪ চনত ১,৫২৬ খনলৈ বৃদ্ধি পায় আৰু  ২২% বৃদ্ধিৰে শিখৰত উপনীত হয়।

•নিয়োজিত সাগৰীয় যাত্ৰীসকলৰ সংখ্যা হ’ল-

 

 

ৰে'লৱে

 

ভাৰতীয় ৰে'লৱেই এক ঐতিহাসিক মাইলৰ খুঁটি অৰ্জন কৰিছে৷ ২০২৪ চনৰ ৪ নৱেম্বৰত একেদিনাই ৩ কোটিৰো অধিক যাত্ৰী কঢ়িয়াবলৈ সক্ষম হৈছিল ভাৰতীয় ৰে'লে ।আজিৰ দিনটোতে ভাৰতীয় ৰে'লৱেই অভিলেখ সংখ্যক ১২০.৭২ লাখ অ-উপনগৰীয়া যাত্ৰী কঢ়িয়াইছে। ইয়াৰ ভিতৰত আছিল ১৯.৪৩ লাখ সংৰক্ষিত শ্ৰেণীৰ  যাত্ৰী আৰু ১০১.২৯ লাখ অসংৰক্ষিত  শ্ৰেণীৰ অ-উপনগৰীয়া যাত্ৰী। একেদৰে উপনগৰীয়া যাতায়তৰ সংখ্যাই অভিলেখ সৃষ্টি কৰিলে ১৮০ লাখ যাত্ৰীৰে, এয়া হৈছে  বছৰটোৰ এদিনীয়া যাত্ৰীৰ সংখ্যা সৰ্বাধিক।

 

• লিংক-হফমেন-বুছ (এল এইচ বি) ডবা নিৰ্মাণৰ পৰিমাণ ২০০৬-২০১৪ চনত ২২০৯টাৰ   পৰা ২০১৪-২০২৩ চনত ৩১,৯৫৬টা লৈ বৃদ্ধি পাইছে।

•ডবাত বায়’-টয়লেটৰ ব্যৱস্থা ২০০৬-২০১৪ চনত ৩,৬৪৭টা ডবাৰ পৰা ২০১৪-২০২৩ চনত ৮০,৪৭৮টা ডবালৈ বৃদ্ধি কৰা হৈছে।

• ভাৰতীয় ৰে’লৱেৰ প্ৰডাকচন গোটসমূহে এপ্ৰিল ২০১৮ৰ পৰা কেৱল এল এইচ বি ডবা উৎপাদন কৰি আছে আৰু আই চি এফ ডবাৰে চলোৱা ৰে’লসমূহ এনেদৰে ৰূপান্তৰিত কৰা হৈছে যাতে এল এইচ বি ডবাৰে চলিব পাৰে।

•২০০৫-০৬ চনত ৩৩,৫৪০ কিলোমিটাৰ আৰু ২০১৪-১৫ চনত ৪১,০৩৮ কিলোমিটাৰ ৰান ট্ৰেকত বিদ্যুৎ সংযোগ কৰা হৈছে।

• ২০০৪-১৪ চনৰ ভিতৰত ১৪,৯৮৫ আৰ কে এম ৰে'লপথৰ কাম কৰা হৈছিল আনহাতে ২০১৪-২৩ চনৰ ভিতৰত ২৫,৮৭১ আৰ কে এম ৰে'লপথৰ কাম কৰা হৈছে। ২০২২-২৩ চনত প্ৰতিদিনে ১৪ কিলোমিটাৰ ট্ৰেক স্থাপন কৰা হৈছিল।

• ২০১৪ চনৰ পিছত মেঘালয়, অৰুণাচল প্ৰদেশ, মণিপুৰ  আৰু  মিজোৰামৰ চাৰিখন ৰাজ্যলৈ ৰে'ল সংযোগ প্ৰদান (২০১৪ চনৰ নৱেম্বৰ মাহত মেঘালয়, ২০১৫ চনৰ ফেব্ৰুৱাৰী মাহত অৰুণাচল প্ৰদেশ, ২০১৬ চনৰ মে' মাহত মণিপুৰ (জিৰিবাম) আৰু  ২০১৬ চনৰ মাৰ্চ মাহত মিজোৰাম (ভৈৰৱী))।

 

•২০১৪ চনৰ পূৰ্বে চিচিটিভিৰ সুবিধাৰে সজ্জিত ষ্টেচনৰ সংখ্যা ১২৩টা আছিল, আনহাতে ২০১৪-২৩ চনৰ ভিতৰত ৭৪৩টা ৰে’লৱে ষ্টেচনত চিচিটিভি স্থাপন কৰা হৈছিল। ২০২৪ চনৰ ডিচেম্বৰ মাহলৈকে চিচিটিভিৰ পৰিসৰ  বৃদ্ধি কৰি মুঠ ১০৫১ টা ষ্টেচনলৈ বৃদ্ধি কৰা হয়।

 

 

 

 

 

 

নগৰ পৰিক্ৰমা আৰু গৃহ নিৰ্মাণ

 

•স্মাৰ্ট চিটি মিছন (এছচিএম)ৰ অধীনত মুঠ প্ৰকল্প ৮,০৭৬টা গ্ৰহণ কৰা হৈছে, যাৰ আবণ্টিত ধনৰ পৰিমাণ  হৈছে ১,৬৪,৭০৬ কোটি টকা৷  ইয়াৰে ১০০খন স্মাৰ্ট চিটিয়ে প্ৰদান কৰা তথ্য অনুসৰি ১,৫৪,৩৫১ কোটি টকাৰ ৭,৪০১টা প্ৰকল্প সম্পূৰ্ণ হৈছে।

•স্বচ্ছ ভাৰত অভিযান – নগৰীয়া ২.০ৰ অধীনত ২০১৪-১৫ চনৰ পৰা ২০২৪-২৫ চনলৈ নগৰীয়া আৱৰ্জনা সংগ্ৰহ ৯৭% বৃদ্ধি পাইছে।

•২০১৪-১৫ চনত আৱৰ্জনা প্ৰক্ৰিয়াকৰণৰ শতকৰা হাৰ ১৮%ৰ পৰা ২০২৪-২৫ চনত ৭৮%লৈ বৃদ্ধি পাইছে।

•২০০৪-১৪ চনৰ ভিতৰত জেএনএনইউআৰএম আৰু আৰআৰৱাই (JnNURM  আৰু  RRY)  ৰ দৰে আঁচনিৰ অধীনত ১৩.৪৬ লাখ ঘৰত অনুমোদন  জনোৱা গৈছিল। ২০১৫-২০২৪ চনত এই পৰিমাণ যথেষ্ট (৯ গুণ) বৃদ্ধি পাইছে

 

•সেই সময়ত  পিএমএৱাই-ইউৰ অধীনত ১১৮.৬৪ লাখ ঘৰ অনুমোদন পাইছিল।

•২০০৪-১৪ চনৰ ভিতৰত ৮.০৪ লাখ ঘৰ নিৰ্মাণ কৰা হৈছিল আৰু ১১গুণ বৃদ্ধিৰে ২০১৫-২৪ চনৰ ভিতৰত ৮৮.৩২ লাখ ঘৰ নিৰ্মাণ সম্পূৰ্ণ হৈছিল।

 

যোৱা দহ বছৰত মেট্ৰ’ ৰে’লৰ ক্ষেত্ৰত লাভ কৰা সাফল্যসমূহ হ’ল-

 

পেৰামিটাৰসমূহ

২০১৪ চনলৈকে

 

২০১৪-২৪ চন

 

মুঠ কাৰ্য্যকৰী মেট্ৰ' ৰেল নেটৱৰ্ক

 

২৪৮ কি.মি

 

৯৯৩ কি.মি

 

প্ৰতিমাহে গড় মেট্ৰ’ ৰেল লাইন মুকলি  কৰা হয়

 

০.৬৮ কিলোমিটাৰ / মাহ

 

৬ কিলোমিটাৰ / মাহ

 

গড় দৈনিক ৰাইডাৰশ্বিপ

 

২৮ লাখ টকা

 

১ কোটিৰ ওপৰত

 

বাৰ্ষিক বাজেট

 

৫৭৯৮ টকা (২০১৩-১৪)

 

২৪৮৪৪ টকা (২০২৪-২৫)

 

কাৰ্য্যকৰী মেট্ৰ' ৰে'লৰ সৈতে মুঠ চহৰ

 

৫

 

২৩

 

 

 

২০০৪-২০১৪ চনৰ পৰা অনুমোদিত বাছৰ সংখ্যা আছিল ১৪,৪০৫খন আৰু ২০১৪-২৪ চনৰ ভিতৰত এই বাছৰ সংখ্যা ১৯,৭৫২ লৈ বৃদ্ধি পাইছে।

অম্ৰুট(অটল মিছন ফৰ ৰিজুভেনেচন এণ্ড আৰ্বান ট্ৰেন্সফৰ্মেচন)

 

২০১৫ চনত আৰম্ভ হোৱা অম্ৰুটৰ  লক্ষ্য হৈছে প্ৰতিটো ঘৰতে পানীৰ নিশ্চিত যোগান আৰু নলা সংযোগৰ সৈতে এটা টেপৰ সুবিধা নিশ্চিত কৰা, সেউজীয়া আৰু সু-ৰক্ষণাবেক্ষণৰ ব্যৱস্থা থকা মুকলি ঠাই (যেনে উদ্যান)ৰ উন্নয়ন কৰি চহৰসমূহৰ  মান  উন্নত  কৰা আৰু  প্ৰদূষণ হ্ৰাস কৰা,    অ-মটৰচালিত পৰিবহণৰ বাবে সুবিধা নিৰ্মাণ কৰা (যেনে খোজকাঢ়ি যোৱা আৰু চাইকেল চলোৱা আদি স্থান )৷ ২০২৫ চনৰ ১ ফেব্ৰুৱাৰীলৈকে ইয়াৰ ভিতৰত আছে:

 

 

 

জল জীৱন মিছন

 

প্ৰতিখন গ্ৰাম্য ঘৰলৈ নলৰ পানী যোগান ধৰাৰ অভিলাষী লক্ষ্যৰে ২০১৯ চনৰ ১৫ আগষ্টৰ পৰা আৰম্ভ হৈছিল জল জীৱন অভিযান। ইয়াৰ আৰম্ভণিৰ সময়ত মাত্ৰ ৩.২৩ কোটি (১৭%) গ্ৰাম্য পৰিয়ালত নলৰ পানীৰ সংযোগ আছিল। ২০২৫ চনৰ ১ ফেব্ৰুৱাৰীলৈকে জল জীৱন মিছনে ১২.২০ কোটি অতিৰিক্ত গ্ৰাম্য পৰিয়ালক টেপৰ পানীৰ সংযোগ সফলতাৰে প্ৰদান কৰিছে, যাৰ ফলত মুঠ সামৰি লোৱা পৰিয়ালৰ সংখ্যা ১৫.৪৪ কোটিৰো অধিকলৈ বৃদ্ধি পাইছে, যিটো ভাৰতৰ সকলো গ্ৰাম্য পৰিয়ালৰ ৭৯.৭৪%। এই কৃতিত্বই এই অভিযানক এক উল্লেখযোগ্য মাইলৰ খুঁটি হিচাপে চিহ্নিত কৰিছে।

(Release ID: 2099661) Visitor Counter : 50