تعارف

عوامی بنیادی ڈھانچہ اقتصادی ترقی کی ریڑھ کی ہڈی کی حیثیت رکھتا ہے۔یہ کنیکٹوٹی، تجارت اور مجموعی معیار زندگی کو بڑھاتا ہے۔ ہندوستان،جو دنیا کی پانچویں سب سے بڑی معیشت، اس نے گزشتہ دہائی کے دوران بنیادی ڈھانچے کی ترقی میں قابل ذکر پیش رفت کی ہے۔

ہندوستان میں بنیادی ڈھانچے کی مجموعی سرمایہ کاری میں نمایاں اضافہ ہوا ہے، جس میں سرکاری اور نجی شعبے کی شراکت ترقی کی رفتار کو تشکیل دے رہی ہے۔ ہندوستان کے کل بنیادی ڈھانچے کے اخراجات میں تیزی سے اضافہ ہوا ہےاور سال 2023-24 میں اس کا بجٹ 10 لاکھ کروڑ روپے تک بڑھ گیا ۔

پی ایم گتی شکتی

پی ایم گتی شکتی نیشنل ماسٹر پلان (این ایم پی)، جو 2021 میں شروع کیا گیا تھا، مختلف وزارتوں بشمول ریلوے اور روڈ ویز کو اکٹھا کرنے کے لیے ڈیزائن کیا گیا ہے تاکہ مربوط منصوبہ بندی اور بنیادی ڈھانچے کے منصوبوں پر مربوط عمل آوری کو یقینی بنایا جا سکے۔ اس اقدام کا مقصد نقل و حمل کے مختلف طریقوں میں لوگوں، سامان اور خدمات کی نقل و حرکت کے لیے ہموار اور مؤثر رابطہ فراہم کرنا اور اس طرح آخری میل کے رابطے کو بڑھانا اور سفر کے وقت کو کم کرنا ہے۔ اس پروجیکٹ میں 44 مرکزی وزارتوں اور 36 ریاستوں/ مرکز کے زیر انتظام علاقوں کو شامل کیا گیاہے اور اکتوبر 2024 تک کل 1,614 ڈیٹا لیئرز کو بھی مربوط کیا گیا ہے۔ پی ایم گتی شکتی اصولوں پر عمل کرتےہوئے مختلف وزارتوں کے 15.39 لاکھ کروڑ روپےمالیت کے208بڑے بنیادی ڈھانچوں کے پروجیکٹوں کا جائزہ لینے کا سنگ میل طے کیا گیا ہے۔

ہندوستان کی عالمی بینک لاجسٹک پرفارمنس انڈیکس (ایل پی آئی) کی درجہ بندی 2018 میں 44 سے 6 مقامات کی بہتری سے 2023 میں 139 ممالک میں سے 38 ہوگئی۔ پی ایم گتی شکتی کی تکمیل کے لیے، ستمبر 2022 میں قومی لاجسٹک پالیسی شروع کی گئی تھی۔اب تک  26 ریاستوں نے اپنی  ریاستی سطح کی لاجسٹک  پالیسی کونوٹیفائی کیا ہے۔

شاہراہیں اور سڑکیں

ہندوستان کے پاس دنیا کا دوسرا سب سے بڑا روڈ نیٹ ورک ہے اور اس کی قومی شاہراہوں کی کل لمبائی 1,46,145 کلومیٹر ہے، جو ملک کا بنیادی آرٹیریل نیٹ ورک بناتی ہے۔ حکومت ہند نے قومی شاہراہوں کے نیٹ ورک کو بڑھانے اور مضبوط کرنے کے لیے کئی اقدامات کیے ہیں جیسے کہ بھارت مالا پریوجنا جس میں نیشنل ہائی وے ڈیولپمنٹ پروجیکٹ (این ایچ ڈی پی) شامل ہے، شمال مشرقی خطے کے لیے خصوصی تیز رفتار روڈ ڈیولپمنٹ پروگرام (ایس اے آر ڈی پی۔این ای) اور بہت سے جاری منصوبے۔

• ہندوستان کا نیشنل ہائی وے (این ایچ) نیٹ ورک 2004 میں 65,569 کلومیٹر سے 2014 میں 91,287 کلومیٹر اور 2024 میں 1,46,145 کلومیٹر تک پھیل گیا۔
• چار یا زیادہ لین  والے پھیلے ہوئے این ایچ  2.6 گنا بڑھ کر 2014 میں 18,371 کلومیٹر سے 2024 میں 48,422 کلومیٹر ہو گئے۔
• آپریشنل ہائی اسپیڈ کوریڈورز 2014 میں 93 کلومیٹر سے بڑھ کر 2024 میں 2,138 کلومیٹر ہو گئے۔
• این ایچ کی تعمیر کی رفتار 2014-15 میں 12.1 کلومیٹر فی دن سے 2.8 گنا بڑھ کر 2023-24 میں 33.8 کلومیٹر فی دن ہو گئی۔

 

 

• سرمایہ جاتی اخراجات (بشمول نجی سرمایہ کاری) 2013-14 میں53,000 کروڑ روپے سے 5.7 گنا بڑھ کر 2023-24 میں 3.01 لاکھ کروڑروپے ہو گئے (اب تک کی سب سے زیادہ)۔

بھارت مالا پریوجنا

2017 میں شروع کی گئی، بھارت مالا پریوجنا میں اقتصادی راہداریوں کی تقریباً 26,000 کلومیٹر لمبائی کی ترقی کا تصور کیا گیا ہے۔اس کے ساتھ گولڈن کواڈری لیٹرل(جی کیو) اور شمال-جنوب اور مشرقی-مغرب (این ایس-ای ڈبلیو) راہداریوں پر زیادہ تر مال بردارگاڑیوں کے گزرنے کی توقع ہے۔ اس میں سڑکیں یہ شہروں سے گزرنے والی ٹریفک کو کم کرنے اور لاجسٹک کارکردگی کو بڑھانے کے لیے رنگ روڈز / بائی پاسز اور ایلیویٹڈ کوریڈورز کی ترقی کا بھی تصورکیا گیا ہے۔ اس منصوبے کے تحت نومبر 2024 تک کل 18,926 کلومیٹر سڑکیں مکمل ہو چکی ہیں۔

بھارت مالا پریوجنا کے ایک حصے کے طور پر 35 ملٹی موڈل لاجسٹک پارکس کے مزید نیٹ ورک کو تیار کرنے کا منصوبہ ہے، جس میں تقریباً  46,000 کروڑروپے کی سرمایہ کاری ہوگی۔ جو ایک بارشروع ہوجائے گا تو ، تقریباً 700 ملین میٹرک ٹن کارگو کو سنبھال سکے گا۔

پردھان منتری گرامین سڑک یوجنا

پردھان منتری گرام سڑک یوجنا (پی ایم جی ایس وائی) حکومت ہند کی طرف سے 2000 میں شروع کی گئی تھی تاکہ غربت میں کمی کی حکمت عملی کے ایک حصے کے طور پر غیر منسلک بستیوں کو کنیکٹیویٹی فراہم کی جا سکے۔

سال 2006-2007 میں،پی ایم جی ایس وائی کے تحت 1,07,370 کلومیٹر سڑکیں مکمل کی گئیں، جن پر کل 10,769 کروڑ روپے خرچ ہوئے۔ 2014-15 میں 4,19,358 کلومیٹر سڑکیں 130,149 کروڑ روپے کی کل لاگت سے مکمل کی گئیں اور 2024-25 میں  331,584 کروڑ روپے کی کل لاگت سے 7,71,950 کلومیٹر سڑکیں مکمل کی گئیں۔

 

شہری ہوابازی

ہندوستان کا ہوابازی کا شعبہ زبردست ترقی کا مشاہدہ کر رہا ہے، جو بڑھتی ہوئی مانگ اور حکومت کے معاون پالیسیوں کے ذریعہ ترقی کے اپنے پختہ عزم کے باعث ہوا ہے۔ اس متحرک تبدیلی نے ہندوستان کو عالمی ہوابازی کے ماحولیاتی نظام میں سب سے آگے بڑھا دیا ہے، جو دنیا کی تیسری سب سے بڑی گھریلو ایوی ایشن مارکیٹ بن گیا ہے۔

 

 

• 2014 میں ہندوستان میں آپریشنل ہوائی اڈوں کی تعداد 74 تھی۔ ستمبر 2024 تک یہ تعداد بڑھ کر 157 ہو گئی۔
• ہندوستان کی 15فیصد سے زیادہ پائلٹ خواتین ہیں، جو عالمی اوسط 5فیصد سے نمایاں طور پر زیادہ ہیں۔
• ایک نیا ریکارڈ بناتے ہوئے، 17 نومبر 2024 کو گھریلو فضائی مسافروں کی آمدورفت پہلی بار ایک ہی دن میں 5 لاکھ سے تجاوز کر گئی۔
• جون 2016 میں ہوابازی کی تربیت سے متعلق  تنظیموں (ایف ٹی اوز) کی تعداد 29 تھی۔ دسمبر 2024 تک یہ تعداد 57 اڈوں کے ساتھ بڑھ کر 38 ہو گئی۔
• ہوائی جہازوں کے معاملے میں، کووڈ-19 کے اثرات کے باوجود، 2014 میں یہ تعدادتقریباً 400 سے بڑھ کر 2023 میں 723 ہو گئی ہے۔

علاقائی رابطہ اسکیم (آرسی ایس)- اڑان  (اُڑے دیش کا عام ناگرک)

موجودہ فضائی پٹیوں اور ہوائی اڈوں کی بحال کرکے ،اڑان، جو 2016 میں شروع کی گئی تھی،اس کا مقصد پہلے سے محروم طبقوں  کو ضروری ہوائی سفر کی رسائی اور علاقائی اقتصادی ترقی کو فروغ دینا ہے۔ دس سالہ آپریشنل پلان کے ساتھ،اڑان کا مقصد  تمام ہندوستانیوں کے لیے ہوائی سفر تک مساوی رسائی کو یقینی بنانا ہے۔ 31 دسمبر 2024 تک۔

• اس اسکیم سے 147.53 لاکھ مسافروں نے استفادہ کیا ہے۔
• اڑان  اسکیم کے تحت اب تک 2.93 لاکھ سے زیادہ پروازیں چلائی جا چکی ہیں۔
• اب تک 88 ہوائی اڈوں کو جوڑنے کے لیے 619آر سی ایس راستوں  پرکام آپریشن شروع ہوچکے ہیں جن میں 13 ہیلی پورٹ اور 2 واٹر ایروڈوم شامل ہیں۔

جہاز رانی اور بندرگاہیں

ہندوستان میں بحری شعبہ بندرگاہوں، جہاز رانی، جہاز سازی، جہاز کی مرمت اور اندرون ملک آبی نقل و حمل کے نظام پر مشتمل ہے۔ ہندوستان میں، کل 12 سرکاری ملکیت والی بڑی بندرگاہیں ہیں اور تقریباً 217 چھوٹی اور درمیانی بندرگاہیں موجودہیں۔ ہندوستانی جہاز رانی کی صنعت نے گذشتہ برسوں میں ہندوستان کی معیشت کے سمندری شعبے میں ایک اہم کردار ادا کیا ہے۔ حجم کے لحاظ سے ملک کی تجارت کا تقریباً 95فیصد اور قدر کے لحاظ سے 70فیصد حصہ میری ٹائم ٹرانسپورٹ کے ذریعے منتقل ہوتا ہے۔

 

 

• کارگو ہینڈلنگ کی صلاحیت 2014 میں 800.5 ملین ٹن سالانہ سے بڑھ کر 2024 میں 1,630 ملین ٹن سالانہ ہو گئی ہے۔ 2014 کے مقابلے میں، یہ 87 فیصد بہتری ہے۔
• ہندوستان بین الاقوامی شپمنٹ زمرہ میں 22 ویں مقام پر پہنچ گیا ہے جبکہ 2014 میں 44 ویں مقام پر تھا۔
• بڑی بندرگاہوں کا ٹرن اراؤنڈ ٹائم (ٹی آر ٹی) مالی سال 2013-14 میں تقریباً 94 گھنٹے سے کم ہو کر مالی سال 2023-24 میں صرف 48.06 گھنٹے رہ گیا ہے۔
• مالی سال 2014-15 کے مقابلے میں جہاز کے برتھ ڈے کی اوسط پیداوار میں 52 فیصد بہتری آئی ہے۔
• سال 2014-15 کے مقابلے میں 2022-23 میں سمندری سیر کے لیے سیاحوں کی آمد 3.08 لاکھ اور لائٹ ہاؤس کے لیے بڑھ کر 12.3 لاکھ ہو گئی ہے۔
• بڑی بندرگاہوں کی گنجائش:

 

 

• بحری جہازوں/کشتیوں کی تعداد 2014-15 میں 1,250 سے بڑھ کر 2023-24 میں 1,526 ہو گئی، جو کہ 22 فیصد اضافے پر اختتام پذیر ہوئی۔
• ملازمت کرنے والے سمندری مسافروں کی تعداد اس طرح ہے:

 

 

ریلوے

ہندوستانی ریلوے نے 4 نومبر 2024 کو ایک ہی دن میں 3 کروڑ سے زیادہ مسافروں کی نقل و حمل کرتے ہوئے ایک تاریخی سنگ میل  طے کر لیا ہے ۔ اس دن ہندوستانی ریلوے نے 120.72 لاکھ غیر مقامی مسافروں کی ریکارڈ تعداد میں سفر کیا۔ اس میں 19.43 لاکھ ریزروڈ مسافر اور 101.29 لاکھ غیر ریزرو غیر مقامی مسافر شامل تھے۔ اسی طرح، مقامی ٹریفک ریکارڈ 180 لاکھ مسافروں تک پہنچ گیا ،جوسال کےایک دن میں سب سے زیادہ  مسافروں کی تعداد ہے۔

• لنکے- ہاف مین- بش (ایل ایچ بی) کوچز کی مینوفیکچرنگ سال 2006-2014 میں 2,209 کوچز سے بڑھ کر سال 2014-2023 میں 31,956 کوچز تک پہنچ گئی ہے۔
• کوچوں میں بائیو ٹوائلٹس کی فراہمی کو سال 2006-2014 میں 3,647 کوچوں سے بڑھا کر سال 2014-2023 میں 80,478 کوچز کر دیا گیا ہے۔
• ہندوستانی ریلوے کی پیداواری اکائیاں اپریل-2018 کے بعد سے صرف ایل ایچ بی کوچز تیار کر رہی ہیں اور آئی سی ایف کوچز کے ساتھ چلنے والی ٹرینوں کو تبدیل کیا جا رہا ہے تاکہ ایل ایچ بی کوچز کے ساتھ چلایا جا سکے۔
• سال2005-06 میں 33,540 کلومیٹر اور 2014-15 میں 41,038 کلومیٹر ٹریکس کی برق کاری کی گئی ہے۔
• سال 2004-14 کے دوران 14,985 آرکے ایم ریل ٹریک کا کام کیا گیا تھا جبکہ 2014-23 کے دوران 25,871 آرکے ایم ٹریک تیار کرنے کا کام کیا گیا تھا۔ سال 2022-23 میں یومیہ 14 کلومیٹر ٹریک تیار کیا گیا۔
• میگھالیہ،اروناچل پردیش، منی پور اور میزورم ریاستوں کو 2014 کے بعد ریل رابطہ فراہم کیا گیا (میگھالیہ نومبر 2014 میں، اروناچل پردیش فروری 2015 میں، منی پور (جیریبام) مئی 2016 میں اور میزورم (بھیرابی) مارچ 2016 میں)۔
• 2014 سے پہلے سی سی ٹی وی نگرانی کی سہولیات سے لیس اسٹیشنوں کی تعداد 123 تھی جبکہ 2014-23 کے دوران 743 ریلوے اسٹیشنوں پر سی سی ٹی وی نصب کیے گئے تھے۔ دسمبر 2024 تک، سی سی ٹی وی کوریج کو کل 1051 اسٹیشنوں تک بڑھا دیا گیا۔

شہری امور اور مکانات

• 100 اسمارٹ شہروں کے فراہم کردہ اعداد و شمار کے مطابق اسمارٹ شہروں کےمشن (ایس سی ایم) کے تحت، کل پروجیکٹس 8,076 ہیں، جن کی مالیت 1,64,706 کروڑ روپےہے، جن میں سے 1,54,351 کروڑ روپے کے 7,401 پروجیکٹ مکمل ہو چکے ہیں۔
• سوچھ بھارت مشن – شہری 2.0 کے تحت، 2014-15 سے 2024-25 تک شہری کچرے کے جمع کرنے میں 97 فیصد اضافہ ہوا ہے۔
• فضلہ پروسیسنگ کا فیصد 2014-15 میں 18 فیصد سے بڑھ کر 2024-25 میں 78 فیصد ہو گیا ہے۔
• 2004-14 کے دوران جے این این یو آر ایم اور آرآروائی جیسی اسکیموں کے تحت 13.46 لاکھ مکانات کو منظوری دی گئی۔ جب پی ایم اے وائی-یو کے تحت 118.64 لاکھ مکانات منظور کیے گئے تو اس میں 2015-2024 میں کافی حد تک (9 گنا) اضافہ ہوگیا۔
• 2004-14 کے دوران 8.04 لاکھ مکانات بنائے گئے اور اس میں 11 گنا اضافہ ہوا، 2015-24 کے دوران 88.32 لاکھ مکانات مکمل ہوئے۔

 

 

• پچھلے دس سالوں میں میٹرو ریل کے شعبہ میں حاصل کردہ کامیابیاں یہ ہیں:

 

 

• سال 2004-2014 کے دوران منظور شدہ بسوں کی تعداد 14,405 تھی اور یہ 2014-24 کے دوران بڑھ کر 19,752 ہوگئی۔

امرت (بحالی اور شہری کایا پلٹ کیلئے اٹل مشن)

سال 2015 میں شروع کئے گئے امرُت کا مقصد ہر گھر کو پانی کی یقینی فراہمی اور سیوریج کنکشن کے ساتھ نل تک رسائی کو یقینی بنانا ہے، ہریالی اور اچھی طرح سے زیر انتظام کھلی جگہیں  (جیسے پارکس) تیار کرکے اورسرکاری ٹرانسپورٹ کا استعمال کرکےیا غیر موٹر ٹرانسپورٹ (مثلاً پیدل چلنا اور سائیکلنگ)کے لئے جگہیں تیار کرکےآلودگی کو کم کرنااور اس طرح شہروں کی سہولیات کی قدر میں اضافہ کرنا ہے۔ پبلک ٹرانسپورٹ یا نان موٹرائزڈ ٹرانسپورٹ کے لیے سہولیات کی تعمیر ۔یکم  فروری 2025 تک، اس طرح ہیں:

 

 

جل جیون مشن

جل جیون مشن (جے جے ایم) 15 اگست 2019 کو شروع کیا گیا تھا، جس کا مقصد ہر دیہی گھر میں نل کا پانی فراہم کرنا تھا۔ اس  مشن کے آغاز کے وقت، صرف 3.23 کروڑ (17فیصد) دیہی کنبوں کے پاس نل کے پانی کے کنکشن تھے۔مورخہ  یکم فروری 2025 تک، جل جیون مشن (جے جے ایم) نے 12.20 کروڑ اضافی دیہی کنبوں کو کامیابی کے ساتھ نل کے پانی کے کنکشن فراہم کیے ہیں، جس سے کل کوریج 15.44 کروڑکنبوں تک پہنچ گئی ہے، جو کہ ہندوستان کے تمام دیہی کنبوں کا 79.74 فیصد بنتا ہے۔ یہ کامیابی مشن میں ایک اہم سنگ میل کی نشاندہی  کرتی ہے۔

برائے مہربانی پی ڈی ایف فائل تلاش کریں۔

***************

(ش ح۔ک  ح ۔ م ش)

U:6026

(Release ID: 2099460) Visitor Counter : 164