کارپوریٹ امور کی وزارتت
ایم سی اے 21 نے اپریل 2024 سے جنوری 2025 کے درمیان 80.26 لاکھ فارم فائلنگ کو ریکارڈ کیا ہے جس سے بہتر ڈیجیٹل حل کے ساتھ کاروبار کرنے میں آسانی پیدا ہوئی ہے
نئے تیار کردہ ایم سی اے 21وی 3 پلیٹ فارم پر، 1 اپریل 2024 سے 27 جنوری 2025 تک 53.08 لاکھ فارم داخل کیے گئے ہیں جو پچھلے سال کے 47.72 لاکھ سے زیادہ ہیں
ایم سی اے 21 نے سیکیورٹی کو مضبوط بنانے کے ساتھ ساتھ رسائی کو بھی بہتر بنایا ہے، اور اسٹیک ہولڈر کی مصروفیت میں اضافہ کیا ہے
Posted On:
03 FEB 2025 5:53PM by PIB Delhi
ایم سی اے 21 نیشنل ای گورننس پلان (این ای جی پی ) کے تحت پہلا مشن موڈ، ای گورننس پروجیکٹ ہے۔ کارپوریٹ امور کی وزارت 2006 سے کمپنیوں اور ایل ایل پی کی رجسٹری اور انکارپوریشن سے متعلق خدمات کے لیے اسے سرے سے چل رہی ہے اور اس کے بعد سے کارپوریٹ اس پورٹل پر فائلنگ کر رہے ہیں۔ 01.04.2024 سے 27.01.2025 تک کی حالیہ مدت کے دوران، ایم سی اے 21 پورٹل پر کل 80.26 لاکھ فارم داخل کیے گئے ہیں، جبکہ پچھلے سال کی اسی مدت کے دوران 73.29 لاکھ فارم داخل کیے گئے تھے۔ اس کے علاوہ، نئے تیار کردہ ایمسی اے 21وی 3 پلیٹ فارم پر، 01.04.2024 سے 27.01.2025 تک 53.08 لاکھ فارم فائل کیے گئے، جبکہ پچھلے سال کی اسی مدت کے دوران 47.72 لاکھ فارمز فائل کیے گئے، جو کہ فائلنگ کی تعداد میں مجموعی طور پر اضافے کی نشاندہی کرتا ہے، اسٹیک ہولڈر میں اضافہ سسٹم کے ساتھ مشغولیت کے ساتھ ساتھ ایم سی اے 21 کی مضبوطی اور اعتمادسے لبریز پلیٹ فارم مہیا کرتا ہے ۔
ایم سی اے 21وی 3 پلیٹ فارم کاروبار کرنے میں آسانی کی سہولت فراہم کرتا ہے، اور اس نے ویب پر مبنی فارم متعارف کرائے ہیں، جس سے اسٹیک ہولڈرز کے ذریعے داخل کردہ ڈیٹا کی حقیقی وقت میں توثیق کی جا سکتی ہے۔ مزید برآں، صارف کی شناخت اور تصدیق کو بڑھانے کے لیے صارف کی رجسٹریشن کا عمل لاگو کیا گیا ہے۔ یہ عمل صارفین کو اپنے دائر کردہ فارموں کی حیثیت کو ٹریک کرنے اور اپنے ایپلیکیشن ڈیش بورڈ سے براہ راست چالان اور سرٹیفکیٹ ڈاؤن لوڈ کرنے کے قابل بناتا ہے۔ اسٹیک ہولڈرز کی مزید مدد کے لیے، ہیلپ ڈیسک میں لائیو چیٹ کی خصوصیت کو ضم کر دیا گیا ہے، جو ریئل ٹائم مدد فراہم کرتا ہے اور صارف کے مجموعی تجربے کو بڑھاتا ہے۔
ایم سی اے 21 پورٹل کے ذریعے جمع کرائی گئی معلومات کی حفاظت اور رازداری کو ڈیٹا سیکیورٹی کے قائم کردہ معیارات، بشمول ایم ای آئی ٹی وائی رہنما خطوط، سی ای آر ٹی ان کے ضوابط، آئی ایس او27001، اور انفارمیشن سیکیورٹی پروٹوکولز کی پابندی کرتے ہوئے یقینی بنایا جاتا ہے۔ سسٹم تک رسائی حاصل کرنے والے صارفین کی شناخت کی تصدیق کے لیے ملٹی فیکٹر توثیق متعارف کرائی گئی ہے۔ مزید برآں، ڈیٹا کی رازداری اور سالمیت کو برقرار رکھنے کے لیے عوامی نقطہ نظر سے نجی معلومات کو چھپانے جیسے اقدامات کو لاگو کیا گیا ہے۔
کارپوریٹ امور کی وزارت میں وزیر مملکت اور سڑک ٹرانسپورٹ اور شاہراہوں کی وزارت میں وزیر مملکت جناب ہرش ملہوترا نے آج لوک سبھا میں ایک تحریری جواب میں یہ بات کہی ہے ۔
****
ش ح ۔ ال
U-6010
(Release ID: 2099291)
Visitor Counter : 35