محنت اور روزگار کی وزارت نے 26 اگست 2021 کو ای شرم پورٹل (ای شرم ڈاٹ جی او وی ڈاٹ اِن) کا آغاز کیا تاکہ آدھار کے ساتھ غیر منظم مزدوروں (این ڈی یو ڈبلیو) کا ایک جامع قومی ڈیٹا بیس تیار کیا جا سکے۔ ای- شرم پورٹل کا مقصد غیر منظم کارکنوں کو ذاتی معلومات  کی بنیاد پر یونیورسل اکاؤنٹ  نمبر (یو اے این) فراہم کرکے رجسٹر کرنا اور ان کی مدد کرنا ہے۔

28 جنوری 2025 تک، 30.58 کروڑ سے زیادہ غیر منظم کارکنوں نے ای-شرم پورٹل پر رجسٹریشن کرایا ہے۔

پچھلے سال کے دوران، یعنی یکم جنوری 2024 سے 31 دسمبر 2024 تک، ای شرم پورٹل پر روزانہ اوسطاً 33.7 ہزار رجسٹریشن کے ساتھ 1.23 کروڑ سے زیادہ رجسٹریشن ریکارڈ کئے گئے۔

ای-شرم اپنی درج ذیل کلیدی خصوصیات کے ذریعے غیر منظم کارکنوں کو فلاحی تحفظ فراہم کرنے میں سہولت فراہم کرتا ہے:

• ای -شرم کو نیشنل کیرئیر سروس (این سی ایس) پورٹل کے ساتھ مربوط کیا گیا ہے۔ ایک غیر منظم کارکن اپنے یونیورسل اکاؤنٹ نمبر (یو اے این)کا استعمال کرتے ہوئے این سی ایس پر رجسٹر ہو سکتا ہے اور مناسب ملازمت کے مواقع تلاش کر سکتا ہے۔ این سی ایس پر بغیر کسی رکاوٹ کے اندراج کرنے کے لئے ای-شرم پورٹل پر رجسٹر کرنے والوں کو ایک آپشن/ لنک بھی فراہم کیا گیا ہے۔
• ای-شرم پردھان منتری شرم یوگی مان دھن (پی ایم –ایس وائی ایم)  کے ساتھ مربوط ہے۔ (پی ایم –ایس وائی ایم)اُن  غیر منظم کارکنوں کے لئے ایک  پنشن اسکیم ہے،  جن کی عمریں 18 سے 40  سال کے درمیان ہیں۔ یہ 60 سال کی عمر کو پہنچنے کے بعد 3000 روپے ماہانہ پنشن فراہم کرتا ہے۔ کوئی بھی غیر منظم کارکن آسانی سے یو اے این کا استعمال کرتے ہوئے پی ایم –ایس وائی ایم  کے تحت اندراج کر سکتا ہے۔ اس اسکیم میں 50 فیصد رقم  حکومت ہند ادا کرتی ہے اور باقی رقم ملازم ادا کرتاہے۔
• تارکین وطن کارکنوں کے خاندان کی تفصیلات حاصل کرنے کے لیے ای-شرم میں التزام رکھا گیا  ہے۔
• متعلقہ عمارتوں اور دیگر تعمیراتی کارکنوں (بی او سی ڈبلیو) بورڈز میں ان کے رجسٹریشن کی سہولت کے لیے ریاستوں/مرکز کے زیر انتظام علاقوں کے ساتھ تعمیراتی کارکنوں کے ڈیٹا کا اشتراک کرنے کے لیے ای-شرم میں پروویژن شامل کیا گیا ہے۔
• غیر منظم کارکنوں کو ہنرمندی میں اضافہ اور اپرنٹس شپ کے مواقع فراہم کرنے کے لیے، ای-شرم کو ہنر مندی کی ترقی اور انٹرپرینیورشپ کی وزارت کے اسکل انڈیا ڈیجیٹل پورٹل کے ساتھ مربوط کیا گیا ہے۔
• ای شرم بھی مائی اسکیم پورٹل کے ساتھ مربوط ہے۔ مائی اسکیم ایک قومی پلیٹ فارم ہے جس کا مقصد سرکاری اسکیموں کی ون اسٹاپ سرچ اور دریافت کرنا ہے۔ یہ شہری کی اہلیت کی بنیاد پر اسکیم کی معلومات کو دریافت کرنے کے لیے جدید ٹیکنالوجی پر مبنی حل فراہم کرتا ہے۔

حالیہ بجٹ کے اعلان میں غیر منظم شعبے کے کارکنوں کے لئے سماجی تحفظ کی مختلف اسکیموں تک رسائی کے لیے ای-شرم کو ایک اسٹاپ حل کے طور پر تیار کرنے کے وژن کو مدنظر رکھتے ہوئے، وزارت محنت اور روزگار نے 21 اکتوبر 2024کو  ای-شرم ‘‘ون اسٹاپ سالیوشن’’ لانچ کیا گیا۔ ای-شرم ون اسٹاپ سالیوشن  میں  ایک ہی پورٹل یعنی ای-شرم پر مختلف سماجی تحفظ/فلاحی اسکیموں کا انضمام شامل ہے۔ یہ ای-شرام پر رجسٹرڈ غیر منظم کارکنوں کو سماجی تحفظ کی اسکیموں تک رسائی حاصل کرنے اور ای-شرام کے ذریعے اب تک حاصل کیے گئے فوائد کو دیکھنے کے قابل بناتا ہے۔

اب تک، مختلف مرکزی وزارتوں/محکموں کی 12 اسکیمیں پہلے ہی ای -شرم کے ساتھ مربوط کی جاچکی ہیں، جن میں پردھان منتری تحفظ بیمہ یوجنا (پی ایم ایس بی وائی) ، پردھان منتری جیون جیوتی بیمہ یوجنا(پی ایم جے جے بی وائی، آیوشمان بھارت - وزیر اعظم جن آروگیہ،  پردھان منتری اسٹریٹ وینڈرز سے متعلق آتم نربھر ندھی (پی ایم –ایس وی اے ندھی) ، پی ایم ہاؤسنگ اسکیم – شہری (پی ایم اے وائی-یو) ،   پی ایم ہاؤسنگ اسکیم – دیہی (پی ایم اے وائی –جی  ) ، مہاتما گاندھی نیشنل رورل ایمپلائمنٹ گارنٹی ایکٹ (ایم جی این آر ای جی اے  شامل ہیں۔

ای-شرم پورٹل کی رسائی کو بڑھانے کے لئے، محنت اور روزگار کی وزارت نے بھاشینی پلیٹ فارم کا استعمال کرتے ہوئے 7 جنوری 2025 کو ای-شرم پورٹل پر کثیر لسانی فعالیت کا آغاز کیا۔ یہ اضافہ اب کارکنوں کو 22 ہندوستانی زبانوں میں ای-شرم پورٹل کے ساتھ بات چیت کرنے کی اجازت دیتا ہے، رسائی کو بہتر بناتا ہے اور سب کے لیے شمولیت کو فروغ دیتا ہے۔

یہ اطلاعات  مزدور اور روزگار کی مرکزی وزیر مملکت محترمہ  شوبھا کرندلاجے نے آج لوک سبھا میں ایک تحریری جواب میں دی۔

***

ش ح۔ ک ا۔ ج