تری پورہ کی حکومت نے عزت مآب وزیر اعلیٰ پروفیسر ڈاکٹر مانک ساہا کی رہنمائی میں حکومت ہند کی الیکٹرانکس اور انفارمیشن ٹیکنالوجی کی وزارت کے ڈجیٹل انڈیا بھاشنی ڈویژن(ڈی آئی بی ڈی) کے ساتھ ایک ایم او یو معاہدے پر دستخط کیے ہیں،جو تری پورہ کی خوشحال علاقائی زبانوں کے استعمال کو بڑھانے، فروغ دینے  اور حکومت میں ان زبانوں کے استعمال کرکے شہریوں کی ڈجیٹل سہولت فراہم کرنے کی ریاست کی کوششوں میں ایک اہم سنگ میل ہے۔

ایم او یو پر دستخط کی تقریب اگرتلہ کے پراگنا بھون میں ایک ریاستی سطح کی ورکشاپ- ‘بھاشنی راجیم’ کے دوران منعقد ہوئی جس کا افتتاح ریاست  تری پورہ کے آئی ٹی وزیر جناب پرناجیت سنگھا رائے نے، جناب کرن گٹے، سکریٹری آئی ٹی، جناب  امیتابھ ناگ، چیف ایگزیکٹو آفیسر(سی ای او) ڈی آئی بی ڈی ، ایم ای آئی ٹی اور  جناب جیا راگل گیشن بی، ڈائرکٹر آئی ٹی بھی موجود تھے۔  بھاشنی ڈجیٹل انڈیا پروگرام کے تحت ایک انقلابی اقدام ہے، جس سے 22 ہندوستانی زبانوں میں تمام شہریوں کے لیے بغیر کسی رکاوٹ کے مواصلات اور انٹرنیٹ تک رسائی کو یقینی بنایا جا سکتا ہے اور آواز کو ایک میڈیم کے طور پر استعمال کرتے ہوئے بھاشنی کا مقصد ڈجیٹل کے ساتھ ساتھ خواندگی کی خلیج کو ختم کرنا ہے۔

ورکشاپ  میں ڈجیٹل شمولیت کے لیے بھاشنی کے ویژن کا خاکہ پیش کیا گیا، جس میں اس کی سافٹ ویئر کی صلاحیتوں کو ظاہر کیا گیا جیسے کہ ریئل ٹائم ترجمہ، تقریر سے متن، متن سے تقریر اور ہندوستانی علاقائی زبانوں اور انگریزی کے درمیان آواز سے آواز کا ترجمہ۔ اس نے مصنوعی ذہانت (اے آئی) اور نیچرل لینگویج پروسیسنگ (این ایل پی) کے اعلیٰ درستگی کے ترجمے پر روشنی ڈالی اور مشن میں ریاست،  ڈی آئی بی ڈی کے کردار اور ذمہ داریوں پر زور دیا۔ مزید برآں، ڈجیٹل پلیٹ فارم پر علاقائی زبانوں کو فروغ دینے کی حکمت عملیوں اور تری پورہ حکومت کے لیے سافٹ ویئر ایپلی کیشنز پر تبادلہ خیال کیا گیا تاکہ ڈجیٹل تقسیم کے خلیج  کو کم کیا جا سکے اور تری پورہ میں متنوع لسانی برادریوں کے لیے شمولیت کو بڑھایا جا سکے۔

اس وقت تری پورہ کے بہت سے شہریوں کو زبان کی رکاوٹوں کی وجہ سے چیلنجوں کا سامنا ہے، خاص طور پر دیہی اور قبائلی علاقوں میں جو انگریزی یا ہندی میں سافٹ ویئر سسٹم کے ساتھ جدوجہد کرتے نظر آرہے  ہیں۔ بھاشنی موجودہ سسٹمز جیسے سی ایم ہیلپ لائن، ای ویدھان، کسان سہایاتا ایپ اور ای-اضلاع کے ساتھ مل کر کثیر لسانی مواصلات کو فعال کر سکتی ہے۔ یہ امر سرکار جیسی ایپس کے ذریعے مقامی گورننس کو بڑھا سکتا ہے اور کثیر لسانی ٹیکنالوجیز کے ساتھ تعلیم کو بہتر بنا سکتا ہے۔ بھاشنی ایف آئی آرز کا ترجمہ کرکے اور آواز پر مبنی ڈیٹا انٹری کو فعال کرکے سی سی ٹی این ایس پلیٹ فارم کو بھی سپورٹ کرسکتی ہے۔ بھاشنی تری پورہ کی علاقائی اور مقامی زبانوں میں انٹرنیٹ تک رسائی کو آسان بنا کر ڈجیٹل تقسیم  کے خلیج کو کم کرے گی۔

تری پورہ فخر کے ساتھ شمال مشرق کی پہلی ریاست کے طور پر کھڑی ہے۔ مشرقی ہندوستان میں پہلی اور بھاشنی کے ساتھ مفاہمت کی یادداشت (ایم او یو) پر دستخط کرنے والی ملک کی آٹھویں ریاست ہے۔ یہ اہم قدم تری پورہ کی ڈجیٹل شمولیت اور بہتر شہری مرکوز گورننس کے لیے ٹیکنالوجی کا فائدہ اٹھانے کے عزائم کی نشاندہی کرتا ہے۔ تری پورہ کی پہل اسے شہری حامی ریاستوں میں شامل کرتی ہے جنہوں نے بھاشنی پر توجہ مرکوز ورکشاپس کا انعقاد کیا ہے، اس سے قبل صرف چار دیگر ریاستوں نے ایسے ہی اقدامات کیے ہیں۔

بھاشنی کو تری پورہ کے ای-گورننس سافٹ ویئر میں ضم کرنا ڈجیٹل تقسیم کے خلیج  کو ختم کرے گا، لاگت سے موثر ترجمہ فراہم کرے گا، جامع پالیسی کے نفاذ کو فروغ دے گا اور علاقائی شناخت کو بڑھا سکے گا۔ یہ ایم او یو تری پورہ کے گورننس سسٹم کے ساتھ بھاشنی کے ہموار انضمام کو یقینی بنانے میں ایک اہم قدم کی نشاندہی کرتا ہے۔ ایم ای آئی ٹی کے ڈجیٹل انڈیا بھاشنی ڈویژن (ڈی آئی بی ڈی) کے تعاون سے یہ اقدام لسانی رکاوٹوں کو ختم کرکے اور ضروری خدمات تک کثیر لسانی رسائی کو فعال کرکے شہریوں کو بااختیار بناتا ہے۔ بھاشنی کو نافذ کرنے سے تری پورہ کے لسانی تنوع کو مزید متحد کیا جائے گا،  اورایک سے زیادہ جامع اور مربوط معاشرے کو فروغ ملے گا۔

*****

ش ح۔ ظ ا

5751UR-