ప్రధానమంత్రి శ్రీ నరేంద్ర మోదీ, పౌర విమానయాన శాఖ మంత్రి శ్రీ రామ్మోహన్ నాయుడుల నాయకత్వంలో ప్రయాగ్ రాజ్ విమానాశ్రయం భక్తి, సంస్కృతి, మహా కుంభ మహోత్సవ నగరానికి ఆధునిక ముఖద్వారంగా మారింది. 2025 జనవరి 13 నుంచి ఫిబ్రవరి 26 వరకు భక్తుల రద్దీకి అనుగుణంగా విమానాశ్రయ విస్తరణ చర్యలు చేపట్టారు.

ప్రయాగ్ రాజ్ విమానాశ్రయంలో సమర్థవంతమైన కార్యకలాపాలు,  కచ్చితమైన ప్రణాళిక, సమన్వయం ఫలితం. 2024 డిసెంబర్ 8న శ్రీ రామ్మోహన్ నాయుడు టెర్మినల్ విస్తరణ, నిర్మాణ పనుల పురోగతి, ప్రయాణికుల సౌకర్యాలను సమీక్షించి, పనుల పూర్తికి గడువును నిర్దేశించారు. రాష్ట్ర అధికారులు, డీజీసీఏ, బీసీఏఎస్, ఏఏఐలతో క్రమం తప్పకుండా తనిఖీలు, సమీక్షా సమావేశాలు నిర్వహించి ప్రాజెక్టులను సకాలంలో పూర్తి చేయించారు. జనవరి 9, 2025 న, సహాయ మంత్రి శ్రీ మురళీధర్ మొహోల్ ప్రయాగ్ రాజ్ విమానాశ్రయంలో పనుల పురోగతిని సమీక్షించారు.

మహా కుంభమేళాకు యాత్రికుల ప్రయాణాన్ని సులభతరం చేయడానికి, 2025 జనవరిలో 81 కొత్త విమానాలను ప్రవేశపెట్టారు. ప్రస్తుతం, భారతదేశం నలుమూలల నుండి ప్రయాగ్ రాజ్ కు సుమారు 80000 నెలవారీ సీట్లతో 132 విమానాలు నడుస్తున్నాయి. ప్రయాగ్ రాజ్ కు 2024 డిసెంబర్ నాటికి ఎనిమిది నగరాలతో విమాన అనుసంధానం ఉండగా, ప్రస్తుతం భారతదేశంలోని 17 నగరాలతో ప్రత్యక్ష అనుసంధానం కలిగివుంది. శ్రీనగర్, విశాఖపట్నం సహా 26 నగరాలకు ఇక్కడ నుంచి నేరుగా విమానాలు రాకపోకలు సాగిస్తున్నాయి. ప్రయాగ్ రాజ్ ఇప్పుడు భక్తులకు బాగా చేరువైన పవిత్ర యాత్రాస్థలంగా మారింది. 

కేంద్ర పౌర విమానయాన శాఖ మంత్రి శ్రీ రామ్మోహన్ నాయుడు ఆదేశాల ప్రకారం, కుంభమేళా రద్దీ రోజులు సమీపిస్తున్నందున, ముఖ్యంగా జనవరి 29, ఫిబ్రవరి 3 తేదీలలో షాహి స్నాన్, ఫిబ్రవరి 4, 12, 26 తేదీలలో ఇతర ముఖ్యమైన స్నానాల సమయంలో విమాన ఛార్జీలు అదుపులో ఉండేలా చూడాలని కేంద్ర పౌర విమానయాన శాఖ మంత్రి శ్రీ రామ్మోహన్ నాయుడు ఆదేశాలు ఇచ్చారు. అలాగే, ప్రయాణికుల రద్దీకి అనుగుణంగా సీట్లను అందుబాటులో ఉంచాలని విమానయాన సంస్థలకు డీజీసీఏ సూచించింది. 

1. ఆకాశ ఎయిర్ జనవరి 28, 29 తేదీల్లో అహ్మదాబాద్ ను కలుపుతూ విమానాలను నడపనుంది. తిరిగి ఫిబ్రవరిలో అహ్మదాబాద్ నుండి తొమ్మిది విమానాలను, బెంగళూరు నుండి 12 విమానాలను ప్రయాగ్ రాజ్ కు నడపాలని యోచిస్తోంది. వీటి ద్వారా మరో 4000 సీట్లు అందుబాటులోకి వస్తాయి. 

2. ఇక స్పైస్ జెట్ ఢిల్లీ, చెన్నై, గౌహతి, బెంగళూరు, అహ్మదాబాద్, ముంబయి, జైపూర్, హైదరాబాద్ నుంచి ప్రయాగ్ రాజ్ కు 2025 ఫిబ్రవరిలో 43,000 సీట్లతో విమాన సర్వీసులను ప్రారంభించనుంది. 

ఈ కొత్త విమాన సర్వీసులు ప్రాంతాల మధ్య అనుసంధానంతో పాటు మహా కుంభమేళా సమయంలో ప్రయాగ్ రాజ్ కు వచ్చే ప్రయాణికుల సౌకర్యం కోసం చేస్తున్న ప్రయత్నాలలో భాగం. ఈ విమానాల చేరికతో విమాన ఛార్జీల భారాన్ని తగ్గించడంతో పాటు, భక్తులకు , పర్యాటకులకు విమాన ప్రయాణ లభ్యత మెరుగుపడుతుందని భావిస్తున్నారు.

మహా కుంభమేళా సందర్భంగా, ఈ విమానాశ్రయం మీదుగా 30,172 మంది రాకపోకలు సాగించారు. కేవలం ఒక్క వారంలోనే 226 విమానాలు నడిచాయి. మొదటిసారిగా ఒకే రోజున ఐదువేల మంది ప్రయాణించిన రికార్డు నమోదయింది. 106 ఏళ్లలో తొలిసారిగా 24/7 కనెక్టివిటీకి వీలుగా రాత్రి విమానాలను ప్రవేశపెట్టారు.

విమానాశ్రయం ఆధునికీకరణలో భాగంగా టెర్మినల్ ప్రాంతాన్ని 6,700 చదరపు మీటర్ల నుండి 25,500 చదరపు మీటర్లకు విస్తరించారు. పాత టెర్మినల్ ను  రద్దీ సమయం (పీక్-అవర్) లో ప్రస్తుత 540 మంది ప్రయాణికుల నుంచి 1080 మంది వరకు నిర్వహించగలిగేలా పునర్నిర్మించారు. అలాగే, 1,620 మంది ప్రయాణికులకు సేవలందించే కొత్త టర్మినల్‌ను ప్రారంభించారు. పార్కింగ్ సామర్థ్యం 200 నుంచి 600 వాహనాలకు, చెక్ ఇన్ కౌంటర్లు 8 నుంచి 42కు, ఎక్స్ బి ఐ ఎస్- హెచ్. బి యంత్రాలు 4 నుంచి 10కి పెరిగాయి. అదనపు ట్యాక్సీ ట్రాక్, పార్కింగ్ బేలను 4 నుంచి 15కు, కన్వేయర్ బెల్ట్ లను రెండు నుంచి ఐదుకు, విమానాశ్రయ గేట్లను నాలుగు నుంచి 11కు పెంచారు. అదనపు ఏరోబ్రిడ్జ్, డోర్ ఫ్రేమ్డ్ మెటల్ డిటెక్టర్లతో సహా మరిన్ని భద్రతా మౌలిక సదుపాయాలను జోడించారు.

లాంజ్ లు, పిల్లల సంరక్షణ గది, బోర్డింగ్ వంతెనలు (2 నుండి 6 కు పెంపు) జోడించడంతో ప్రయాణికుల సౌకర్యం మరింత మెరుగుపడింది. తక్కువ ధరకు ఆహారాన్ని అందించేందుకు ఉడాన్ యాత్రి కేఫ్ కు అనుబంధంగా ఎఫ్ అండ్ బి కౌంటర్లను పెంచారు. దివ్యాంగుల కోసం మీట్ అండ్ గ్రీట్ సాయం, ప్రీపెయిడ్ ట్యాక్సీ కౌంటర్లు, యూపీ ప్రభుత్వ సహకారంతో సిటీ బస్ సర్వీసు వంటి కొత్త సేవలు అందుబాటులోకి వచ్చాయి. అంబులెన్స్, ఎయిర్ అంబులెన్స్ సేవలతో వైద్య సౌకర్యాలు పెరిగాయి. మహాకుంభ్‌కు చేరుకునే యాత్రికులను పుష్పాలతో స్వాగతించి, వారి యాత్రకు శుభారంభాన్ని ఇస్తున్నారు. 

ఈ మార్పు 2025 మహా కుంభమేళాను సందర్శించే భక్తులందరికీ ప్రపంచ స్థాయి మౌలిక సదుపాయాలను, అంతరాయం లేని కనెక్టివిటీ, సాటిలేని ప్రయాణ అనుభవాలను అందించే దిశగా ప్రభుత్వ నిబద్ధతను చాటి చెబుతుంది.

***