بھارت کے سرمایہ کاری ایکو نظام اور خارجی تجارتی قرضوں (ای سی بیز) نے گذشتہ چند برسوں کے دوران قابل ذکر پیش رفت ملاحظہ کی ہے۔ اسٹیٹ بینک آف انڈیا (ایس بی آئی) کے ذریعہ جاری کردہ حالیہ رپورٹ نے سرمایہ کاری اعلانات میں رجحانات، نجی شعبوں کے تعاون، کارپوریٹ مالیات میں ای سی بی کے کردار کو اجاگر کیا ہے۔

سرمایہ کاری سے متعلق اعلانات (مالی برس 2025 کے 9 مہینے)

بھارت میں سرمایہ کاری سے متعلق تیز رفتاری کے ساتھ پیہم نمو پذیر ہے، اور اس سلسلے میں نجی شعبے سے قابل ذکر تعاون حاصل ہو رہا ہے۔

 

• مالی برس 2025 کے 9 مہینوں (اپریل تا دسمبر 2024) میں، سرمایہ کاری اعلانات  32.01 لاکھ کروڑ روپے کے بقدر رہے۔
• یہ مالی برس 2024 کے 9 مہینوں  کے 23 لاکھ کروڑ روپے کے مقابلے میں 39 فیصد اضافے کی نشاندہی کرتا ہے، اور اس سے ایک مثبت سرمایہ کاری پیش منظر  نظر آتا ہے۔
• نجی شعبے کا حصہ تقریباً 56 فیصد  (مالی برس 2024) اور ان اعلانات کا 70 فیصد (مالی برس 2025 کے 9 مہینے) کے بقدر ہے، جس سے مضبوط کارپوریٹ اعتماد کا اشارہ ملتا ہے۔

بھارتی کارپوریٹ اداروں کا مجموعی بلاک

 

 

• مارچ 2024 تک، بھارتی کارپوریٹ اداروں کا مجموعی بلاک مارچ 2020 کے 73.94 لاکھ کروڑ روپے کے مقابلے میں 106.50 لاکھ کروڑ روپے کے بقدر تک پہنچ گیا۔
• گذشتہ پانچ برسوں میں  کاپوریٹ مجموعی بلاک میں اوسطاً سالانہ 8 لاکھ کروڑ روپے سے زائد کی رقم کا اضافہ کیا گیا ہے۔
• اس کے علاوہ، وہ اثاثے جو ابھی استعمال میں لانے کی حالت میں نہیں ہیں ان کی مالیت ماہ مارچ میں 13.63 لاکھ کروڑ روپے کے بقدر تھی، جس سے مضبوط جاری پروجیکٹ ترقیات کا اشارہ ملتا ہے۔

گھریلو خالص مالی بچتیں

بھارت میں گھریلو خالص مالی بچتیں (ایچ این ایف ایس) بہتری سے ہمکنار ہوکر مالی برس 2023 کے 5.0 کے مقابلے میں مالی برس 2024 میں جی ڈی پی کے 5.3 فیصد کے بقدر ہوگئیں۔ اس کے علاوہ، طبیعاتی اثاثہ جات میں بچتیں  جو مالی برس 2023 میں جی ڈی پی 12.9 فیصد کے بقدر تھیں، مالی برس 2024 میں اضافے سے ہمکنار ہوکر 13.5 فیصد کے بقدر ہوگئیں۔

جی ڈی پی کی شرح کے طور پر سرمایہ کاری

جی ڈی پی کے شیئر کے طور پر سرمایہ کاری گذشتہ برسوں کے دوران بہتری سے ہمکنار ہوئی  ہے ، اس میں سرکاری اور نجی دونوں شعبوں  کا تعاون  پیش پیش رہا۔

• مالی برس 2023 میں، سرکاری سرمایہ کاری جی ڈی پی کے 4.1 فیصد کے بقدر ہوگئی، جو کہ مالی برس 2012 سے اب تک کی اعلیٰ ترین سطح ہے۔
• مالی برس 2023 میں نجی کارپوریٹ سرمایہ کاری اضافے سے ہمکنار ہوکر 11.9 فیصد کے بقدر ہوگئی، یہ مالی برس 2016 کے بعد اعلیٰ ترین سطح ہے۔
• تخمینہ کے مطابق نجی سرمایہ کاری کا حصص مالی برس 2024 میں مزید اضافے کے ساتھ تقریباً 12.5 فیصد کے بقدر تک پہنچے گا، جس سے بہتر کاروباری جذبے کا پتہ چلتا ہے۔

خارجی تجارتی قرضے (ای سی بیز) (ستمبر 2024 تک)

ای سی بی ہندوستانی کارپوریٹ اداروں  کے لیے فنڈنگ ​​کے ایک کلیدی ذریعہ کے طور پر ابھرے ہیں، جو کہ سرمائے کی توسیع اور جدید کاری کو قابل بناتے ہیں۔

 

• ستمبر 2024 تک کل بقایا ای سی بیز 190.4 بلین  امریکی ڈالر کے بقدر تھے۔

• اس میں سے، غیر روپیہ اور غیر ایف ڈی آئی کے اجزاء تقریباً 154.9 بلین ڈالر  کے بقدر تھے۔

• نجی شعبے کے پاس 63فیصد  (97.58 بلین امریکی ڈالر )، جبکہ پبلک سیکٹر کا حصہ 37فیصد (55.5 بلین امریکی ڈالر) تھا۔

• ہیجنگ ایک اہم پہلو بنی ہوئی ہے، نجی کمپنیاں کل ہیجڈ کارپس کا تقریباً 74فیصد  ہیجنگ کرتی ہیں۔

مالی برس 2025 میں ای سی بیز (نومبر 2024 تک)

ای سی بی پائپ لائن مضبوط ہے، جو بیرون ملک فنڈنگ ​​کی مسلسل مانگ کو ظاہر کرتی ہے۔

• نومبر 2024 تک، کل ای سی بی رجسٹریشن 33.8 بلین امریکی ڈالر کے بقدر تھی۔

• مالی برس 2024 میں رجسٹریشن کا تقریباً نصف سرمایہ دار سامان کی درآمد، جدید کاری، مقامی سرمایہ کے اخراجات اور نئے منصوبوں کے لیے ہے۔

• جی ڈی پی کے فیصد کے طور پر ای سی بی رجسٹریشن، مالی برس 2020میں 1.9فیصد  سے مالی برس 2024 میں 1.2فیصد  تک کم ہو گئی، جو کہ بہتر گھریلو مالیاتی اختیارات کی تجویز پیش کرتی ہے۔

ای سی بی لاگت کے رجحانات (اپریل تا نومبر 2024)

ای سی بیز پر سود کی شرح میں کمی کا رجحان دکھایا گیا ہے، جس سے ہندوستانی کمپنیوں کے لیے قرض لینے کی لاگت میں کمی آئی ہے۔

• ای سی بیز کی مجموعی لاگت اپریل-نومبر 2024 کے دوران سال بہ سال 12 بنیادی نکات کم ہو کر 6.6فیصد  ہو گئی۔

• نومبر 2024 میں، ای سی بیز کی مجموعی لاگت مزید کم ہو کر 5.8فیصد  ہو گئی، جو پچھلے مہینے کے مقابلے میں 71 بنیادی نکات کی کمی ہے۔

ای سی بی اعداد و شمار سے متعلق وضاحت

حالیہ رپورٹس نے ہندوستان کی ای سی بی ذمہ داریوں کو غلط انداز میں پیش کیا ہے، جس سے الجھن پیدا ہوئی ہے۔

• کچھ میڈیا ذرائع نے غلط اطلاع دی کہ ہندوستان کا ای سی بی اسٹاک 2025 کے اوائل تک 273 بلین امریکی ڈالر تک پہنچ گیا۔

• تاہم، آر بی آئی کے اعداد و شمار (ستمبر 2024) کے مطابق اصل بقایا ای سی بی 190.4 بلین  امریکی ڈالر ہے۔

• غیر ملکی پورٹ فولیو سرمایہ کاری (ایف پی آئیز) میں 72.057 بلین ڈالر کی شمولیت سے تضاد پیدا ہوتا ہے - طویل مدتی کارپوریٹ اور سرکاری تمسکات میں قرض کی سرمایہ کاری، جسے کارپوریٹ ای سی بی واجبات کے طور پر درجہ بندی نہیں کیا جانا چاہیے۔

حوالہ جات

https://sbi.co.in/documents/13958/43951007/ECB+and+investment_SBI+Report.pdf/6e3f0c0c-b4e2-8482-3123-5b93da8585ae?t=1737530427571

پی ڈی ایف فائل ملاحظہ کرنے کے لیے  براہِ کرم یہاں کلک کریں

**********

 

(ش ح –ا ب ن)

U.No:5678

(Release ID: 2096527) Visitor Counter : 43