یوم جمہوریہ 2025 کی پریڈ میں وزارت خواتین و بچوں کی ترقی کی جھانکیاں نے وزارت کی اسکیموں کے زندگی کے تسلسل کے نقطہ نظر اور خواتین کی قیادت میں ترقی کو خوبصورتی سے پیش کیا۔ جھانکی کے مرکز میں ایک ماں کو دکھایا گیا جو محبت سے اپنی بچی کو گود میں لیے ہوئے تھی، جو بچے کی پہلی معلمہ کے طور پر ماں کے کردار کی علامت تھی۔

جھانکی میں تازہ پھلوں، سبزیوں، اناج اور دودھ کے رنگا رنگ مناظر بھی شامل تھے، جو سکشم آنگن واڑی اور پوشن ابھیان کی طاقتور تبدیلی کی عکاسی کرتے تھے۔ یہ وزارت کا نمایاں پروگرام ہے جس کا مقصد غذائی قلت کا خاتمہ کرنا اور بھارت کے بچوں اور ماؤں کے لیے ایک صحت مند اور روشن مستقبل کی پرورش کرنا ہے۔

وزارت خواتین و بچوں کی ترقی کی جھانکی نے اختیارات کی فراہمی، خواتین کی قیادت میں ترقی، اور وکست بھارت 2047 میں خواتین کے کردار کی ایک طاقتور داستان پیش کی۔

اس میں وزارت کی جامع اسکیموں کے تحت پرورش پانے والی خواتین اور بچوں کے متنوع سفر کو اجاگر کیا گیا، جیسے کہ ون اسٹاپ سینٹر، ویمن ہیلپ لائن (181)، چائلڈ ہیلپ لائن (1098)، پردھان منتری ماترو وندھنا یوجنا، اور دیگراقدامات شامل ہیں۔ یہ اقدامات خواتین کی حفاظت، اختیارات کی فراہمی، بچوں کے تحفظ و فلاح و بہبود، اور صحت، غذائیت، اور تعلیم کے شعبوں کا احاطہ کرتے ہیں۔

جھانکی میں بیٹی بچاؤ بیٹی پڑھاؤ کے 10 سال اور آنگن واڑی اسکیم کے 50 سال کی تکمیل کے جشن سے متعلق واضح تصویریں بھی تھیں، اور ساتھ ہی پی ایم کیئرز فار چلڈرن، پلنا، اور بالغ لڑکیوں کے لئے اسکیم کے ذریعے فراہم کی جانے والی غیر متزلزل حمایت کو اجاگر کرتی ہیں۔ جھانکی میں خواتین کو جدید ٹیکنالوجی اور مصنوعی ذہانت میں سرگرم حصہ لیتے ہوئے دکھایا گیا، جو ایک ترقی پسند بھارت میں خواتین کے بدلتے ہوئے کردار کی عکاسی کرتی ہیں۔

جھانکی کے مرکزی حصے میں بھارت کی عورت کے ’’شکتی سوروپ‘‘ کو پیش کیا گیا—ہر پہلو میں بااختیار، طاقتور، اور کسی بھی شعبے میں پیشہ یا کام اختیار کرنے کے لیے آزاد، چاہے وہ سائنس اور ٹیکنالوجی ہو، طب، انتظامیہ، مصنوعی ذہانت یا خلا ہو۔ اس تصویر نے آج کی بااختیار بھارتی عورت کی قوت، ثابت قدمی، اور متعدد کاموں کو بیک وقت انجام دینے کی صلاحیت کو بھی اجاگر کیا۔

جھانکی کے اطراف پر حکومتی اسکیموں کی شاندار عکاسی یہ پیغام دیتی ہے کہ ایک بااختیار عورت ایک مضبوط قوم کی ریڑھ کی ہڈی ہے، اور ’’سشکت ناری، سشکت بھارت‘‘ (بااختیار خواتین، بااختیار بھارت) کے جذبے کو مجسم کرتی ہے۔

******

ش ح۔ ش ا ر۔ ول

Uno-5671

(Release ID: 2096457) Visitor Counter : 20