ਹਾਲ ਹੀ ਵਿੱਚ ਇਹ ਦੇਖਿਆ ਗਿਆ ਹੈ ਕਿ ਧੋਖਾਧੜੀ ਦੇ ਇਰਾਦੇ ਨਾਲ ਕੁਝ ਵਿਅਕਤੀ ਟੈਕਸਪੇਅਰਸ ਵਾਂ ਨੂੰ ਫ਼ਰਜ਼ੀ ਸੰਮਨ ਬਣਾ ਕੇ ਭੇਜ ਰਹੇ ਹਨ। ਅਜਿਹੇ ਟੈਕਸਪੇਅਰਸ  ਜੀਐੱਸਟੀ ਖੁਫ਼ੀਆ ਡਾਇਰੈਕਟਰ ਜਨਰਲ (ਡੀਜੀਜੀਆਈ), ਸੈਂਟਰਲ ਬੋਰਡ ਆਫ਼ ਇਨਡਾਇਰੈਕਟ ਟੈਕਸਿਜ਼ ਐਂਡ ਕਸਟਮਜ਼ (ਸੀਬੀਆਈਸੀ) ਦੀ ਜਾਂਚ ਦੇ ਦਾਇਰੇ ਵਿੱਚ ਹੋ ਵੀ ਸਕਦੇ ਹਨ ਅਤੇ ਨਹੀਂ ਵੀ ਹੋ ਸਕਦੇ ਹਨ।

ਵਿਭਾਗ ਦੇ ਵਿਸ਼ੇਸ਼ ਪ੍ਰਤੀਕ ਚਿੰਨ੍ਹ (ਲੋਗੋ) ਅਤੇ ਦਸਤਾਵੇਜ਼ ਪਹਿਚਾਣ ਸੰਖਿਆ (ਡੀਆਈਐੱਨ) ਦੀ ਵਰਤੋਂ ਦੇ ਕਾਰਨ ਇਹ ਨਕਲੀ ਸੰਮਨ ਅਸਲ ਸੰਮਨ ਨਾਲ ਬਹੁਤ ਮਿਲਦੇ-ਜੁਲਦੇ ਹਨ। ਹਾਲਾਂਕਿ, ਇਹ ਡੀਆਈਐੱਨ ਨੰਬਰ ਨਕਲੀ ਹਨ ਅਤੇ ਧੋਖੇਬਾਜ਼ਾਂ ਦੁਆਰਾ ਦਸਤਾਵੇਜ਼ ਨੂੰ ਅਸਲੀ ਦਿਖਾਉਣ ਦੇ ਲਈ ਇਸ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ।

ਇਹ ਇੱਕ ਵਾਰ ਫਿਰ ਸਪਸ਼ਟ ਕੀਤਾ ਜਾਂਦਾ ਹੈ ਕਿ ਟੈਕਸਪੇਅਰਸ ਸੀਬੀਆਈਸੀ ਦੀ ਵੈੱਬਸਾਈਟ https://esanchar.cbic.gov.in/DIN/DINSearch ’ਤੇ ‘VERIFY CBIC-DIN’ ਵਿੰਡੋ ਦੀ ਵਰਤੋਂ ਕਰਕੇ ਸੀਬੀਆਈਸੀ ਦੇ ਕਿਸੇ ਵੀ ਅਧਿਕਾਰੀ ਦੁਆਰਾ ਜਾਰੀ ਕਿਸੇ ਵੀ ਸੰਚਾਰ (ਸੰਮਨ ਸਮੇਤ) ਦੀ ਪ੍ਰਮਾਣਿਕਤਾ ਦੀ ਅਸਾਨੀ ਨਾਲ ਪੁਸ਼ਟੀ ਕਰ ਸਕਦੇ ਹਨ।

ਡੀਆਈਐੱਨ ਦੀ ਪੁਸ਼ਟੀ ਕਰਨ ’ਤੇ, ਜੇਕਰ ਕੋਈ ਵਿਅਕਤੀ ਜਾਂ ਟੈਕਸਪੇਅਰਸ  ਪਾਉਂਦਾ ਹੈ ਕਿ ਸੰਮਨ/ਪੱਤਰ/ਨੋਟਿਸ ਫ਼ਰਜ਼ੀ ਹੈ, ਤਾਂ ਇਸ ਦੀ ਸੂਚਨਾ ਤੁਰੰਤ ਸਬੰਧਿਤ ਦਫ਼ਤਰ ਨੂੰ ਦਿੱਤੀ ਜਾ ਸਕਦੀ ਹੈ। ਇਸ ਨਾਲ਼ ਸਮਰੱਥ ਡੀਜੀਜੀਆਈ/ਸੀਜੀਐੱਸਟੀ ਗਠਨ ਨੂੰ ਜਨਤਾ ਨੂੰ ਠੱਗਣ ਦੇ ਲਈ ਫ਼ਰਜ਼ੀ ਸੰਮਨ/ਪੱਤਰ/ਨੋਟਿਸ ਦੀ ਵਰਤੋਂ ਕਰਨ ਵਾਲੇ ਧੋਖੇਬਾਜਾਂ ਦੇ ਖ਼ਿਲਾਫ਼ ਕਾਨੂੰਨ ਜ਼ਰੂਰੀ ਕਾਰਵਾਈ ਕਰਨ ਵਿੱਚ ਸਮਰੱਥ ਬਣਾਇਆ ਜਾ ਸਕੇਗਾ।

ਸੀਬੀਆਈਸੀ ਅਧਿਕਾਰੀਆਂ ਦੁਆਰਾ ਭੇਜੇ ਗਏ ਸੰਦੇਸ਼ ’ਤੇ ਡੀਆਈਐੱਨ ਬਣਾਉਣ ਅਤੇ ਹਵਾਲਾ ਦੇਣ ਦੇ ਸਬੰਧ ਵਿੱਚ 5 ਨਵੰਬਰ, 2019 ਨੂੰ ਸਰਕੂਲਰ ਸੰਖਿਆ 122/41/2019-ਜੀਐੱਸਟੀ ਜਾਰੀ ਕੀਤਾ ਹੈ।

****

ਐੱਨਬੀ/ ਕੇਐੱਮਐੱਨ