نوجوانوں کے امور اور کھیلوں کے مرکزی وزیر ڈاکٹر منسکھ مانڈویہ نے کولمبو، سری لنکا میں جسمانی معذوری سے متعلق کھلاڑیوں کی  چیمپئنز ٹرافی 2025 جیتنے پر آج ہندوستانی جسمانی معذوری (پی ڈی) کرکٹ ٹیم کو اعزاز سے نوازا۔ ٹیم نے غیر معمولی مہارت اور لچک کا مظاہرہ کرتے ہوئے ٹورنامنٹ کے فائنل میں انگلینڈ کو شکست دی۔

ہندوستانی پی ڈی کرکٹ ٹیم، جسے ڈیفرنٹلی ایبلڈ کرکٹ کونسل آف انڈیا (ڈی سی سی آئی) اور ایکسیسبیلٹی آرگنائزیشن سویم  کی حمایت حاصل ہے، کو اسپورٹس اتھارٹی آف انڈیا میں ان کا استقبال کیا گیا۔

ڈاکٹر مانڈویہ  نے کھیلوں میں شمولیت کے وزیر اعظم نریندر مودی کے وژن کا حوالہ دیتے ہوئے معذور کھلاڑیوں کی مدد کے لیے حکومت کے عزم پر زور دیا۔ ڈاکٹر مانڈویہ  نے کہا ‘‘عزت مآب وزیر اعظم جناب نریندر مودی نے 'دیویانگ' کھلاڑیوں کے تئیں عزم کا یقین دلایا ہے۔ اگر آپ 'دیویانگ' شخص ہیں، تو اس کا مطلب یہ نہیں ہے کہ آپ قوم کو فخر نہیں دلا  سکتے۔ اور آپ کی جیت اس کا ثبوت ہے۔ انتخاب کے سخت عمل سے لے کر سری لنکا میں کارکردگی تک   ہندوستانی پی ڈی کرکٹ ٹیم کا جو جذبہ رہا  ہے، وہ آپ کی بے پناہ صلاحیتوں کو اجاگر کرتا ہے۔ چھ میں سے 5 میچ جیتنا اور انگلینڈ، سری لنکا اور پاکستان کو ہرانا کوئی معمولی کارنامہ نہیں ہے،’’۔

ہندوستانی پی ڈی کرکٹ ٹیم کے انتخاب کا عمل ادے پور میں مکمل  ہوا ،جہاں 28 ریاستوں کے 450 سے زیادہ کرکٹ کھلاڑیوں نے نیشنلز کے لیے حصہ لیا۔ فہرست میں سے، 56 کو جے پور میں چیلنجر ٹرافی کے لیے اٹھایا گیا اور آخر میں، 17 کو ہندوستان کی نمائندگی کے لیے شارٹ لسٹ کیا گیا۔

پیرس پیرا اولمپکس سے لے کر پی ڈی چیمپیئنز ٹرافی 2025 تک خصوصی طور پر معذور ایتھلیٹس کی طرف سے قوم کے سامنے حاصل کی گئی کامیابیوں کی بڑھتی ہوئی فہرست کا ذکر کرتے ہوئے، ڈاکٹر مانڈویہ نے مزید کہا، ‘‘ہمارے 'دیویانگ' ایتھلیٹس ہمیں فخر کرنے کی بہت سی وجوہات دے رہے ہیں اور ہمیں دھکیل رہے ہیں۔ ان کی طرف ہماری حمایت بڑھائیں۔ حکومت آپ کے ساتھ ہے اور آپ کو مختلف پلیٹ فارمز کے ذریعے زیادہ سے زیادہ نوجوانوں کو متاثر کرنے کے لیے اپنی کامیابی کا استعمال کرنا ہے۔

جمعہ کو ہونے والے اس پروگرام میں پوری ٹیم، کوچز، ڈی سی سی آئی کے جنرل سکریٹری روی کانت چوہان، سویم کے بانی چیئرپرسن سمینو جندل اور وزارت کھیل کے افسران نے بھی شرکت کی۔

*************

(ش ح ۔‎ا م/خ م                                                              

U.No. 5587