صارفین کے امور کے محکمے کے قانونی مقیاسیات کی ڈویژن نے قانونی میٹرولوجی (جنرل) رولز، 2011 کے تحت گاڑیوں کی رفتار کی پیمائش کے لیے ریڈار آلات کے ضوابط نوٹیفائی کئے ہیں۔یہ ضوابط یکم جولائی 2025 سے نافذ العمل ہوں گے،جس سے ان کی تعمیل کےلئے صنعتوں کوکافی وقت ملتاہے۔

قوانین کے مسودے کو تیار کرنے کے لیے، ڈائریکٹر، انڈین انسٹی ٹیوٹ آف لیگل میٹرولوجی(آئی آئی ایل ایم)، رانچی کی صدارت میں ایک کمیٹی تشکیل دی گئی، جس نے او آئی ایم ایل آر 91 پر مبنی ابتدائی مسودہ پیش کیا۔ ضوابط کی توقعات کی وضاحت کرنے کے لیے ریاستی قانونی میٹرولوجی محکموں آر آر ایس ایل افسران، مینوفیکچررز اور وی سی اوز کے ل ئے مسودہ قوانین پر پریزنٹیشن کی گئی۔

لیگل میٹرولوجی (جنرل) رولز، 2011 کے تحت حتمی شکل دینے سے قبل عوامی مشاورت کے لیے ضوابط کو محکمہ کی ویب سائٹ پر شائع کیا گیا تھا اور اسٹیک ہولڈرز کی جانب سے فراہم کردہ معلومات پر غور کرنے کے بعد حتمی شکل دی گئی تھی۔

ضوابط  میں یہ التزام ہے کہ انسانوں کے تحفظ کی خاطر ان کی درستگی کو یقینی بنانے کے لیے ایسے تمام آلات کی تصدیق کی جائے گی اور ان پر مہر لگائی جائے گی۔ ضوابط رفتار، فاصلے، اور دیگر متعلقہ پیرامیٹرز کی درست پیمائش کو بھی یقینی بنائیں گے۔ عوام کو فائدہ ہوگا کیونکہ نفاذ میں بہتری آئے گی کیونکہ تصدیق شدہ ریڈار اسپیڈ گنز گاڑیوں کی رفتار کو درست طریقے سے ماپیں گی، خلاف ورزیوں کی نشاندہی کریں گی اور ٹریفک قوانین کو مؤثر طریقے سے نافذ کریں گی۔

تصدیق شدہ راڈار کا سامان نافذ کرنے والے اہلکاروں کو رفتار کی حد کو مؤثر طریقے سے ماپنے میں مدد کرے گا، جس کے نتیجے میں ٹریفک کے نفاذ میں قانون نافذ کرنے والے افسران کی تاثیر اور ساکھ میں نمایاں اضافہ ہوگا۔ گاڑیوں کی رفتار کی پیمائش کے لیے تصدیق شدہ اور مہر شدہ ریڈار آلات حادثات، سڑکوں کے ٹوٹ پھوٹ وغیرہ کو روکنے کے لیے بہت اہم ہیں۔

رفتار کی پیمائش کرنے والے آلات گاڑی کو دو پوائنٹس کے درمیان سفر کرنے میں لگنے والے وقت کا پتہ لگا کر یا ریڈار، لیزر یا دیگر ٹیکنالوجیز کا استعمال کرتے ہوئے وقت کے ساتھ پوزیشن میں ہونے والی تبدیلیوں کی پیمائش کر کے کام کرتے ہیں۔ ریڈار ڈیوائسز ریڈیو لہروں کو خارج کرتی ہیں جو چلتی گاڑیوں سے ٹکراتی ہیں، ڈوپلر اثر کی بنیاد پر رفتار کا حساب لگاتی ہیں۔ یہ تمام طریقے درست کیلیبریشن پر انحصار کرتے ہیں تاکہ یہ یقینی بنایا جا سکے کہ ان کی پیمائش درست اور قابل اعتماد ہے۔ جدید ریڈار سسٹم انتہائی درست ہیں، ایک ساتھ متعدد گاڑیوں کی رفتار کی پیمائش کر سکتے ہیں اور اکثر خودکار ہدف سے باخبر رہنے جیسی خصوصیات کے حامل ہوتے ہیں۔ مناسب کیلیبریشن اس بات کو یقینی بناتا ہے کہ آلہ قابل اعتماد اور درست رفتار ریڈنگ فراہم کرائے۔

 

********

ش ح۔ ا گ ۔ف ر

 (U: 5546)

(Release ID: 2095490) Visitor Counter : 16