زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان نے آج وزارت زراعت کے سینئر عہدیداروں کے ساتھ زراعت کے مسائل پر جائزہ میٹنگ کی ۔ جائزہ میٹنگ میں ربیع کی بوائی کی پیش رفت ، موسمی حالات ، قومی کیڑوں کی نگرانی کے نظام (این پی ایس ایس) کے ذریعے کیڑوں کی نگرانی ، زرعی مصنوعات کی مارکیٹنگ سمیت پیداوار کی درآمد اور برآمد سے متعلق متعدد مسائل پر غور کیا گیا ۔

مرکزی وزیر نے کہا کہ وہ خود زرعی مسائل پر ہفتہ وار میٹنگ کرنے کے علاوہ وقتا فوقتا وزرائے زراعت کی سطح پر ریاستی حکومتوں کے ساتھ بھی میٹنگ کریں گے ۔ وہ چاہتے  ہیں کہ افسران بھی ان مسائل پر ریاستی حکومتوں کے ساتھ مسلسل مشغول  عمل رہیں ، کیونکہ زمینی سطح پر مسائل کو حل کرنے کے لیے ریاستی حکومتوں کے عہدیداروں کی شمولیت کی ضرورت ہوگی ۔

گزشتہ سال کی اسی مدت میں637.49 لاکھ ہیکٹر کے مقابلے میں 17 جنوری 2025 تک  بوائی کا کل رقبہ 640 لاکھ ہیکٹر ہے جو کہ 2.51 لاکھ ہیکٹر زیادہ ہے ۔ مجموعی فصل کا احاطہ اور فصل کی حالت پچھلے سال سے بہتر ہے ۔ ربیع ٹماٹر ، پیاز اور آلو (ٹی او پی) کی بوائی جاری ہے اور آج کی تاریخ تک رواں سال ٹی او پی فصلوں کی بوائی پچھلے سال کی اسی مدت سے زیادہ ہے ۔

گندم (0.46 فیصد) سرسوں (0.14 فیصد) سویابین (0.25 فیصد) کی منڈی قیمتوں میں ہفتہ وار اضافہ ہوا ہے ۔ جبکہ ارہر (1.22 فیصد) چاول (1.20 فیصد) چنا (0.67 فیصد) آلو (6.34 فیصد) اور ٹماٹر (6.79 فیصد) میں ہفتہ وار کمی ہوئی ہے ۔

فی الحال مارکیٹ میں گندم ، چاول ، چنا ، سرسوں اور تل کو کم از کم امدادی قیمت (ایم ایس پی) سے زیادہ قیمت مل رہی ہے ۔

********

ش ح۔م م ۔اش ق

 (U: 5430)