کانوں کی وزارت نے حکومت اوڈیشہ کے ساتھ مل کر، کونارک کے مشہور سورج مندر میں ڈی ایم ایف (ڈسٹرکٹ منرل فاؤنڈیشن) نمائش کا اہتمام کیا ہے۔ یہ نمائش، جو 18 سے 21 جنوری 2025 تک جاری رہے گی، پائیدار ترقی کے ذریعے کان کنی سے متاثرہ کمیونٹیز کو بااختیار بنانے پر مرکوز ہے۔  کانوں کی  وزارت کی جوائنٹ سکریٹری محترمہ فریدہ ایم نائک نے  کانوں کی وزارت، نالکو اور او ایم سی کے افسران کی موجودگی میں نمائش کا افتتاح کیا۔

نمائش میں، ’’پائیدار ترقی کے ذریعے کمیونٹیز کو بااختیار بنانا‘‘ کے موضوع کے ساتھ، 18 متحرک اسٹالز پیش کیے گئے ہیں جو ڈی ایم ایف کے تعاون سے چلنے والے سیلف ہیلپ گروپس (ایس ایچ جی)، جیولوجیکل سروے آف انڈیا (جی ایس آئی)، ہندوستان کاپر لمیٹڈ (ایچ سی ایل)، نالکو (این اے ایل سی او)، ایچ زیڈ ایل/ویدانتا اور حکومت اڈیشہ کے کام کی نمائش کرتے ہیں۔  یہ اسٹالز مقامی دستکاریوں، اختراعی ذریعہ معاش کے منصوبوں، اور کمیونٹی کے ذریعے چلائے جانے والے اقدامات کی ایک متاثر کن صف کو ظاہر کرتے ہیں، جو اس بات پر روشنی ڈالتے ہیں کہ کس طرح ڈی ایم ایف کمیونٹیز کی زندگیوں کو تبدیل کرنے اور پائیدار طریقوں کے ذریعے خود انحصاری کو فروغ دینے میں اہم کردار ادا کر رہا ہے۔

اپنی تقریر کے دوران، محترمہ نائک نے کان کنی سے متاثرہ علاقوں میں پائیدار اور جامع ترقی حاصل کرنے کے لیے وزارت کے مضبوط عزم کو اجاگر کیا۔ انہوں نے اوڈیشہ حکومت، کارپوریٹ پارٹنرز، اور دیگر اسٹیک ہولڈرز کے تعاون کی تعریف کی جنہوں نے ڈی ایم ایف کے مؤثر اقدامات کو چلانے میں فعال طور پر حصہ لیا ہے۔

سورج مندر کی تاریخی شان و شوکت کا مظاہرہ کرنے کے لئے قائم، یہ نمائش نہ صرف جدید پائیدار ترقی کا جشن مناتی ہے بلکہ خطے کے بھرپور ثقافتی ورثے سے بھی جڑتی ہے۔ نمائش نے مقامی کمیونٹیز، صنعت کے نمائندوں، اور سرکاری حکام کی شرکت کو اپنی طرف متوجہ کیا ہے، جو ایس ایچ جی کو اپنی کامیابی کی کہانیاں مشترک کرنےاور مستقبل کے تعاون کی ترغیب دینے کے لیے ایک متحرک پلیٹ فارم فراہم کرتا ہے۔

یہ نمائش پائیدار طریقوں کو نافذ  کرکے،  کمیونٹی کی مجموعی ترقی کو فروغ دے کر، اور طویل مدتی مثبت تبدیلی کو یقینی بنا کر کان کنی سے متاثرہ علاقوں کی ترقی کے لیے کانوں  کی وزارت  کے ذریعے جاری کوششوں کی نشان دہی کرتی ہے۔

******

ش  ح۔ ش ب ۔ م ر

U-NO. 5374