انڈین رینوایبل انرجی ڈیولپمنٹ ایجنسی لمیٹڈ (آئی آر ای ڈی اے) نے نیپال میں 900 میگاواٹ اپر کرنالی ہائیڈرو الیکٹرک پروجیکٹ کی ترقی کے لیے ایس جے وی این لمیٹڈ ، جی ایم آر انرجی لمیٹڈ ، اور نیپال الیکٹرسٹی اتھارٹی (این ای اے) کے ساتھ مشترکہ منصوبے کے معاہدے کو حتمی شکل دے دی ہے ۔ اس اسٹریٹجک پہل کا مقصد علاقائی توانائی کے تحفظ کو یقینی بنانا اور قابل تجدید توانائی کی ترقی کو تیز کرنا ہے ۔

 اس مشترکہ منصوبے کا معاہدہ بلڈ-اون-آپریٹ-ٹرانسفر (بی او او ٹی) ماڈل کے تحت پروجیکٹ کی ترقی ، تعمیر ، آپریشن اور دیکھ بھال کے لیے ایک جامع فریم ورک پیش کرتا ہے ،اس پروجیکٹ کی مدت تجارتی آپریشن کی تاریخ (سی او ڈی) سے 25 سال ہے ۔

آج نئی دہلی میں یہ باضابطہ  معاہدہ آئی آر ای ڈی اے ، ایس جے وی این ، اور جی ایم آر انرجی لمیٹڈ کے سینئر عہدیداروں کی موجودگی میں کیا گیا ۔

اس موقع پر اظہار خیال کرتے ہوئے آئی آر ای ڈی اے کے سی ایم ڈی جناب پردیپ کمار داس نے کہا کہ یہ معاہدہ خطے میں پائیدار توانائی کی ترقی کے ہمارے اجتماعی وژن کو عملی جامہ پہنانے کی طرف ایک اہم قدم ہے ۔ ‘‘ہائیڈرو پاور کی وسیع صلاحیت سے فائدہ اٹھاتے ہوئے ، اپر کرنالی پروجیکٹ اقتصادی اور ماحولیاتی دونوں فوائد فراہم کرتے ہوئے سرحد پار تعاون کے ماڈل کے طور پر کام کرے گا ۔’’

******

ش ح۔م ح ۔ ت۔ع۔

U-NO. 5315